San Juan 10:12 - Zapoteco de Aloápam

¹² Nu naxabana rena lo ca carneꞌeha nna atti rilenna daa sagueha nna ruseꞌe bixxina ca nua nía ruxunnina, cumu läga gueni ca nua, yaba le nu beaca gueni ca nua. Sagueha nna risinttebana rudaxxuna ca carneꞌeha, atti rutsiattebinna ca nua qui tsiacana gatti laduba.

San Juan 10:12 Iomraidhean Croise

San Mateo 10:16

’Neti ridhelha le attiba ttu nu ridhelha carneꞌe lagüi ca sagueo. Denuala nna listu gualuni attiba ttu belha, ttiaca gualaca tana attiba ttu becha.

San Mateo 7:15

’Gualdo cuidadu gue ca nu güen lasi rácana dequi ancacana profeta. Lacana ruleꞌecana attiba ttu carneꞌe tana, ttiaca attiba du le sagueo lä duta leni du lecani.

San Juan 10:13

Ruxunniba nu re lo ca carneꞌeha cumu läga de ca carneꞌeha nua run nua, lhiaxaba nua denona.

San Juan 10:2

Nu ritaꞌa daca roꞌo puertaha liba nna ancana nu ruyú ca carneꞌe-na.

San Juan 10:3

Nu du rapa roꞌo curraliha nna nua nna ridhalbana puertaha ritaꞌa nu ria lo ca nua. Ca carneꞌeha nna reon biacana tsiꞌi nu ria locaniha. Lana nna raxxína ca nua coa ttuttu ca nua rudettina lácani qui cueancana lheꞌe curraliha.

Hechos 20:29

Neti nna yuxeaba, dequi de gansi chi deyyaꞌaya nna lania isía ca benni du lecani attiba ca sagueo ledha-na uncana ulhuxacana ca benni ria le Jesús, tsaba bittu satúaquinna ca biꞌin-na.

1 Timoteo 3:3

ttu nu bittu ancana nu riꞌiya lhe ttu nu bittu reꞌo leni ritilha na lhe ttu nu bittu ridá leni belhi lhe. Benni aca nu loha nna acabi benni du tsee leni, nu bittu run disa lhe.

1 Timoteo 3:8

Anáguaba ca benni reseꞌe qui uncabi yuda ca benni ria le Jesús, lacabi nna acacabi nu gapa benni respeto, nu bittu run leni lhe nu bittu ancana nu dusi lhe nu bittu ridá leni dhi sigána belhi lhe.

2 Timoteo 4:10

cumu Demas nna de ridárba leni nu te yies lo yu-ni nna nuarca bodhaꞌanna neti nna deyyana lheꞌe yiesi Tesalónica. Crescente nna daca lo yu te láni Galacia la diabi, Tito nna diabi daca lo yu te láni Dalmacia.

Tito 1:7

Cumu benni anca nu lo gue ca benni ria le Cristuha, ancabi nu runi sina gue Tata Do Iyyabaaha. Denua nna: raca duelha acabi benni bittu daa tisa guebi bixa runbi, bittu acabi nu ttaba lhe bittu ancabi nu risaꞌaxxini lhe bittu acabi nu dusi lhe bittu ancabi nu ritilha len nuttiba lhe bittu ancabi nu dha lebi xxenru belhi gue nu ralhabi dhibi lhe.

1 Pedro 5:2

Lhatsiru gualuyú ca benni gue Tata Do Iyyabaaha rixxiꞌenle ca tisa gue Ben-na, attiba ttu benni ruyú lhatsiru-na carneꞌe, itú iqui itú lele gualuleꞌequinbi attiba rába Tata Do Iyyabaaha unle, bittu unle sina-na re atti acaba lele. Bittuguaba de ridá lele dhíle belhi lhe sinuqui de anába redá lele unle.

2 Pedro 2:3

De ridáxxatalecani belhiu nna bixaba otsiꞌinu lecani uleꞌequinna le gue nu bittu anca gualí qui aca ilhupicana belhiu cuꞌele, ttiaca tsa läga lhácana, chiba dana ribigana guecani tsia nitticana, cumu axta ttuali chi boquinna iqui Tata Do Iyyabaaha tsiacana atta lexúa.