San Juan 10:1 - Zapoteco de Aloápam

¹ Jesús re: —Neti nna gualíbatia ria le, nu bittu ritaꞌana daca roꞌo puerta gue currali atta yuꞌu ca carneꞌe-na, sinuqui attu atta subila ropina qui ritaꞌana ubanaba nua, nu rigúa sigá nu te gue benniba nua lhe.

San Juan 10:1 Iomraidhean Croise

San Mateo 7:15

’Gualdo cuidadu gue ca nu güen lasi rácana dequi ancacana profeta. Lacana ruleꞌecana attiba ttu carneꞌe tana, ttiaca attiba du le sagueo lä duta leni du lecani.

San Juan 10:7

Jesús re ca benni seꞌe nía attu libe: —Neti nna gualíbatia ria, neti anca puerta du roꞌo currali atta retaꞌa ca carneꞌe-na.

San Juan 3:3

Jesús becabie re: —Neti nna gualíbatia rpea lu, benni bittuba galina attu libe nna läga aca isela nua ca benni rinnabia Tata Do Iyyabaaha.

Romanos 10:15

¿Gasná tsiacana quixxiꞌacana gue Ben-na, gansi nuttuba te idhelan cana? Attiba rá lo ca sitsi gue Tata Do Iyyabaaha: “Attula de tsee ruleꞌe atti risía ca benni rixxiꞌa ca tisa gue Tata Do Iyyabaaha.”

Romanos 16:18

Cumu lacana läga ancacana nu rixuu lo sina gue Jesucristu Benni bananie ri. Suntteba gue nu ridá lecani rulaba lecani. Lacana nna tsitsiba lheꞌe daa roꞌocani rinnecana ca tisa tsee qui ridiyie cana ca benni sattiba ridielha rixúyie.

Tito 1:11

Ca unnonna runna duelha bitturu ugüelhari uleꞌequinna ca benni, cumu leni nu bittu dica ixuu ruleꞌecana tsaba diacana rucannacana iqui iyába ca benni seꞌe lheꞌe ca yoꞌo, runcana aná sunruba qui raca ridícana belhi.

Hebreos 5:4

Tsa läganu benni tee aca guebi titúbabi ogalha ladibi acabi bixxudi xeni. Tata Do Iyyabaaha liba rucue nua rogalhe ladini, attiba benie len Aarón lalibe bodúe biꞌiniha qui ucabi bixxudi xeni.

1 Pedro 1:10

Ca profeta utixxiꞌa ca tisa bete Tata Do Iyyabaaha len lacabi useꞌe atti nía, utsatsa niꞌacabi lhe unnaba tisacabi lhe gue gaxasná odilá Tata Do Iyyabaaha ca benni, utixxiꞌaguabacabi gue elha tsee chi bedále Ben-na betee len lebiꞌi lhe.

2 Pedro 2:1

Ttiaca anáguaba useꞌe ca güen lasi rá dequi ancacana profeta gue Tata Do Iyyabaaha len ca benni Israel, anáguaba nnanna tseꞌeguaba ca maestru güen lasi len lebiꞌi. Ca unná nna sigába uleꞌecana nu uni tsia nitti benni, aná nna riguꞌu niꞌacani Benni bananie ri-na, Benni bodile cana qui bittu tsia nitticana, unnuha uni nna sattitte dia nitti la labacana.

2 Pedro 2:3

De ridáxxatalecani belhiu nna bixaba otsiꞌinu lecani uleꞌequinna le gue nu bittu anca gualí qui aca ilhupicana belhiu cuꞌele, ttiaca tsa läga lhácana, chiba dana ribigana guecani tsia nitticana, cumu axta ttuali chi boquinna iqui Tata Do Iyyabaaha tsiacana atta lexúa.

1 Juan 4:1

Ca benni ria le Jesús, racatia guele, bittu tsia lele gue iyá ca nu rácana dequi rixxiꞌacana ca tisa rute Espíritu gue Tata Do Iyyabaaha len lacana. Primer xa gualuni qui ttedeenle gansi gualí quin ca unnuha Espíritu gue Benniha nua yuꞌu lheꞌe lastoocani, cumu ixeru ca nu run lecani chi requi yies lo yu-ni rácana dequi ancacana profeta gue Tata Do Iyyabaaha.