San Juan 1:9 - Zapoteco de Aloápam

⁹ Benni gualíga anca xieni rudani lhiꞌu lheꞌe lastoo iyáxea benni chi dee yies lo yu-ni.

San Juan 1:9 Iomraidhean Croise

San Mateo 6:23

Ttiaca gansi ca iyya lolha bittu anca tseecana, lania nna itúba cuerpu guelha duna lheꞌe chulha. Gansi nu dica aca xieni guelha nna chulhala ancana, titialiga chulha anca lhiꞌu lheꞌe lastoolu.

San Lucas 11:36

Cumu gansi itúba lheꞌe cuerpu guelha ralha gui, ni ttu latti bittu anca chulha, lania nna itúba cuerpu guelha duna lheꞌe xieni, attiba gansi chi riguꞌu ttu gui itúba xieni gueni atta dulu.

San Juan 1:4

Leni Benni anque tisa te elha nabani. Elha nabaniha nna anque xieni gue Tata Do Iyyabaaha ridí ca benni seꞌe yies lo yu-ni.

San Juan 1:7

Biꞌiniha bitabi utixxiꞌabi gue xieniha, qui iyáxea benni tsia lecani Benni anca xieniha.

San Juan 12:46

Neti anca xieni, delha yies lo yu-ni qui iyába ca benni tsia lecani neti nna bitturu tseꞌecana atta chulha.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 15:1

Jesús re: —Neti anca ttu ya besuli tsee. Tata quia nna anque Benni ruyúe na.

San Juan 6:32

Jesús becabie re cana: —Neti nna gualíbatia ria le, läga Moisés nua betebi ttaxtila daa iyyabaaha len ca nua, Tata quiaba bete nua, nnanna nna rute nu gualíga anca ttaxtila daa iyyabaaha.

San Juan 7:12

Anáguaba iyába ca benni requi nía rinnecana guee. Lhecana rácana: “Benni tsee bunna.” Adícana nna rácana: “Läga benni tseeonna, ridí yie bunna benni.”

1 Juan 1:8

Gansi riꞌi innári dequi lägabi nu lä anca tsee runri, la riꞌiba nua rixú yieri. Lania nna läga ancari nu runi nu raxxína leni nu anca gualí.

1 Juan 2:8

Ttiaca nna benni runia lo sitsi-ni nna anque ttu tisa cubi runia mandadu aca, cumu Jesucristuha nna beleꞌe loe nu gualíga runi ca tisa-na mandadu aca, anáguaba lebiꞌi lhe seꞌeguabale ruleꞌe lole nu gualíga runi ca tisa-na mandadu aca. Cumu nu anca chulhaha nna chiba dia nua ritena, xieni benni anca gualíha nna chi rudanie.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.