San Juan 1:51 - Zapoteco de Aloápam

⁵¹ Ráguaba Jesús: —Neti gualíbatia ria le, lebiꞌi nna ilenle iyyabaaha du yalie. Iláguabinle ca ingeli gue Tata Do Iyyabaaha chadique lhe eyopique lhe xequia, neti Benni unbiyuu daa iyyabaaha.

San Juan 1:51 Iomraidhean Croise

San Mateo 25:31

’Gansi chi besíaya neti Benni unbiyuu daa iyyabaaha, dedaaya deyuꞌa lheꞌe xieni gaꞌana tsee quia, lenia iyáxea ca ingeli quia-na, qui dhoa lo xxila gaꞌana tsee quia innabiaya.

San Mateo 26:24

Neti Benni unbiyuu daa iyyabaaha nna labíaba satea iyába nu chi gaꞌana lo ca sitsi gue Tata Do Iyyabaaha. Ttiaca, ¡carusiꞌiru nu utena neti las ná ca nu utticana neti! Tseerla salíana nua ttirca bittuba ulina.

San Mateo 3:16

Dequide chi udi Jesús inda nna beríattebe lheꞌe indaha. Snaba lania nna beali iyyabaaha, Benniha nna biláttebanie Espíritu gue Tata Do Iyyabaaha dee guadie attiba ttu becha udoe iqui Benniha.

San Mateo 4:11

Laniala güequi chiba nu xxegüiha. Nianna bisíntteba ca ingeli betecabi nu beasin Jesús.

San Mateo 8:20

Jesús becabie re na: —Ca beda-na guasiaba liscani gaxa retaꞌacana, ca binni-na lhe gua siaba xcuadi guecani, ttiaca neti Benni unbiyuu daa iyyabaaha läga anca gaxa quixxa iquia.

San Mateo 9:6

Quitti uyúle nna neti Benni unbiyuu daa iyyabaaha, te elha ra xxen le quia yies lo yu-ni qui dhia elha xen lasi gue ca tulha gue ca benni. Nianna re nu daa yatti niꞌa nániha: —Guadha nna bodaxxutte breta xualu loenna beyyatte lheꞌe yoꞌo gueluha.

San Marcos 1:10

Lagüiba atti dia Jesús reríe lheꞌe indaha nna biláttebanie beali iyyabaaha biría Espíritu gue Tata Do Iyyabaaha dee guadie, anque attiba ttu becha, udoe iqui Jesús.

San Marcos 14:62

Jesús becabie re na: —Agu, netiba nua. Lebiꞌi nna güilabinle neti Benni unbiyuu daa iyyabaaha dhoa daca ladu derechu gue Tata Do Iyyabaaha Benni ra xxeni lee, iláguabinle neti dedaaya lheꞌe ca bea daa iyyabaaha lhe.

San Lucas 2:13

Attirba ttu lhaba ucaxxe ixeru ca ingeli daa iyyabaaha atta du ingeliha, rulhacabi gue Tata Do Iyyabaaha rácabi:

San Lucas 2:9

Attirba ttu lhaba ucaxxe ttu ingeli gue Tata Do Iyyabaaha atta seꞌecabiha. Sabiꞌabacabi uyuꞌu xieni racalaa gue Tata Do Iyyabaaha, lacabi nna usilhabaquinbi

San Lucas 22:43

[Lania nna ucaxxe ttu ingeli daa iyyabaaha, qui ulequi tsitsie le Benniha.

San Lucas 22:69

Ttiaca desde nnannali nna neti Benni unbiyuu daa iyyabaaha dhoa daca lhuitta derechu gue Tata Do Iyyabaaha, Benni ra xxeni lee.

San Lucas 24:4

Níaba seꞌecabi raca guatequinbi, bittu rería niꞌelhaquinbi bixa uncabi, attirba elha ucaxxela chupa ca unbiyuu nucu xo racalaa guecabi useꞌecabi lhuittacabi.

San Lucas 3:21

Ttu sá atti rugadi Juan inda iyába ca benni anáguaba Jesús udiguabe inda. Laca rinne lenie Tata Do Iyyabaaha nna bealtteba iyyabaaha.

San Juan 1:50

Jesús becabie re: —¿Si de rpea lu chi bilátia lu dolu xan yaga gue iguha nuarca ria lelu? Xxenirla anca nu chi ilenlu.

San Juan 10:1

Jesús re: —Neti nna gualíbatia ria le, nu bittu ritaꞌana daca roꞌo puerta gue currali atta yuꞌu ca carneꞌe-na, sinuqui attu atta subila ropina qui ritaꞌana ubanaba nua, nu rigúa sigá nu te gue benniba nua lhe.

San Juan 10:7

Jesús re ca benni seꞌe nía attu libe: —Neti nna gualíbatia ria, neti anca puerta du roꞌo currali atta retaꞌa ca carneꞌe-na.

San Juan 13:16

Neti nna gualíbatia ria le, ni ttu benni reni sina bittu ancana nu ra xxeniru leni atti Benni bananie na, niguaba ttu benni rácana mandadu lhe läga anca nua nu raru xxeni leni atti benni ridhelhe na gaxa tsiana.

San Juan 13:38

Jesús becabie re: —¿Si gualíguinlu erú iqui erú lelu elha nabani guelu utelu cuenta quia? Cumu neti nna gualíbatia ria: “Antisla ixxá roꞌo berudi-na, lu nna chila beyonna libe bittu ridí roꞌolu gualí anca bienlu neti.”

San Juan 14:12

Neti nna gualíbatia ria, nu tsia leni neti nna unguabana ca nu runia-ni. Nu xxenrula unna cumu neti nna eyaꞌaba atta do Tata quia.

San Juan 16:20

Neti nna gualíbatia ria, lebiꞌi nna cuesle lhe tseꞌe siꞌile lhe gue nu satea, laca ca benni seꞌe yies lo yu-ni nna eyoꞌo lecani. Ttiaca masquiba tseꞌe siꞌile, lenla nna edaca lele.

San Juan 16:23

’Gansi chi bisía la sá nna lärgabirua innába tisale neti gue ttu bixa. Neti nna gualíbatia ria, iyába bixa innábale leni Tata quia rudettile láya nna gutebe nua len lebiꞌi.

San Juan 21:18

Neti gualíbatia rpea lu, atti ancalu cuitiha nna ttubalu reocu xolu, riabalu attaba racaba lelu. Ttiaca gansi chi ucalu benniola nna ulhíba nálu qui ugucu nu subi xolu. Unnuha nna icheen lu tsia lenna lu atta bittu raca lelu tsialu.

San Juan 3:3

Jesús becabie re: —Neti nna gualíbatia rpea lu, benni bittuba galina attu libe nna läga aca isela nua ca benni rinnabia Tata Do Iyyabaaha.

San Juan 3:5

Jesús becabie re: —Neti nna gualíbatia rpea lu, benni bittu galina attu libe leni inda nna leni Espíritu gue Tata Do Iyyabaaha nna läga aca isela nua ca benni rinnabia Tata Do Iyyabaaha.

San Juan 5:19

Nianna becabi Jesús re cana: —Neti Xiꞌini Tata Do Iyyabaaha gualíbatia ria le: Läga aca quia unia ttu bixa suntteba neti. Nu rugüiaba runi Tataha nna runia. Iyába nu runi Tataha nna runia.

San Juan 5:27

Chiguaba bocaꞌane las náya qui unia elha uxtisi de anca Benni unbiyuu daa iyyabaaha.

San Juan 6:26

Jesús becabie guecani re cana: —Neti nna gualíbatia ria le, lebiꞌi reguilabale neti de betea ttaxtila utole axta qui belinle, läga reguilale neti de begüiale ca milagru runia.

San Juan 6:32

Jesús becabie re cana: —Neti nna gualíbatia ria le, läga Moisés nua betebi ttaxtila daa iyyabaaha len ca nua, Tata quiaba bete nua, nnanna nna rute nu gualíga anca ttaxtila daa iyyabaaha.

San Juan 6:47

Neti nna gualíbatia rpea le, benni ria leni neti nna gua teba elha nabani gue nua ttu dia lii.

San Juan 6:53

Jesús becabie guecani re cana: —Neti nna gualíbatia ria le, gansi bittuba gole bela quia-ni lhe iꞌiyale reni quia-ni lhe neti Benni unbiyuu daa iyyabaaha, läga aca banle ttu dia lii.

San Juan 8:34

Jesús re cana: —Neti nna gualíbatia ria le, iyába ca nu runi nu lä anca tsee nna attiba nu ttoꞌo lo sinaba ancacana gue nu lä anca tsee runcana.

San Juan 8:51

Neti nna gualíbatia ria le, benni udona tisa gue nu ria nna tsa läga gatti nua.

San Juan 8:58

Jesús re cana: —Neti nna gualíbatia ria le, atti antisla gali Abraham, chila doa lania.

Hechos 10:11

Nianna bilenbi beali lo bea-na guadi attiba ttu lari nixula xica ittapa laduba roꞌoni dana iyinnana yies lo yu-ni,

Hechos 7:56

Laniala nna unnebi rábi: —Nnannatte nna rilátia iyyabaaha du yalie. Riláguabatia Benni unbiyuu daa iyyabaaha due daca lhuitta derechu gue Tata Do Iyyabaaha lhe.

2 Tesalonicenses 1:7

Lebiꞌi ca nu rate ruyú elha disa nna cuabe iyáxea nu ratele. Anáguaba unie len riꞌitu la sá gansi chi beacaxxe Jesús Benni bananie ri dedee iyyabaaha lheꞌe belha gue gui lenie ca ingeli ra tsitsi le guee.

2 Tesalonicenses 1:9

Ca unná nna ttu tsaba dia nitticana atta uyúcana elha disa ttu dia lii. Iruꞌunacana idittu gue atta do Benni bananie ri lhe gue atta ra xxeni le ruꞌu xieni gaꞌana tsee do Benniha lhe.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.

Hebreos 1:14

Cumu iyába ca ingeli-na sunruba espíritu rixuu lo sina gue Tata Do Iyyabaaha ancacabi. Lee nna ridhelhe ca ingeli-na qui uncabi yuda ca benni chi gaꞌananie odile.

Judas 1:14

Anáguaba Enoc, biꞌini uca nu gasi libixxi uli dequide Adán, utixxiꞌaguabi gue ca unní len ca tisa bete Tata Do Iyyabaaha len labi, atti unnebi rábi: “Gualgüiarga, chi dedaa Benni bananie ri-na leni ixe mili ca ingeli guee,

Apocalipsis 19:11

Nianna beleꞌetia iyyabaaha du yalie. Nía ucaxxe ttu coayu sitsi. Benni do cuꞌe nua nna lee Benni rinne nu dica uxxen leri, nu anca gualí lhe cumu anque Benni runie elha uxtisi lhixxa, anque Benni ria ritilha attiba raxxíbana anca tsee lhe.

Apocalipsis 4:1

Dequide unnuha nna begüiatteba nianna beleꞌetia ttu puerta du yali-na iyyabaaha. Tsiꞌi Benni unnee len neti primeroha, Benni bieni tsiꞌe attiba tsiꞌi ttu trompeta, Benniha unnee re neti: ―Gopi nii. Neti nna uleꞌetia lu nu labíaba aca dequide nu chi bilenlu-na.