San Juan 1:47 - Zapoteco de Aloápam

⁴⁷ Atti biláni Jesús Natanael chi dabi ribigabi gaxxaba atta due nna ráttebe: —Benni da-ni nna gualíga ancana benni Israel, lana nna bittu run leni.

San Juan 1:47 Iomraidhean Croise

San Juan 2:25

Lägabi reasanie nuxa quixxiꞌenne gaxasná du le ca benni, cumu lee nna chiba yuxeabe gaxasná anca lhiꞌu lheꞌe lastoo ca benni.

San Juan 4:16

Jesús re na: —Beyya, gualisa unbiyuu gueluha nna utá lenna nii.

San Juan 8:31

Jesús re ca benni Israel chi güia lecanie: —Gansi lebiꞌi nna usiguile udole tisa gue nu ria le-ni nna lania liba acale nu gualíga anca nu rudheti ca tisa ruleꞌa.

San Juan 8:39

Lacana nna rácana: —Abrahamba anca benniola gue ca tata guetu. Jesús re cana: —Ttirca gualíga ancale benni datía Abraham, lania nna gua runbale ca nu tsee ben biꞌiniha.

Romanos 9:4

Lacabi ancacabi ca benni datía Israel, ancacabi ca benni bedí Tata Do Iyyabaaha qui acacabi xiꞌini Ben-na lhe lee nna udúbe len lacabi leni elha ra xxeni le gaꞌana tsee guee. Len ca biꞌin-na nua bete Ben-na ca ley begüee Moisés, bocaꞌan tsitsie ca tisa begüee len lacabi lhe utixiꞌaguabanie cabi gaxasná ulhacabi guee qui cuequi xencabi Ben-na lhe gue nu tsee chi begüee tisa utee len lacabi lhe.

Romanos 9:6

Tata Do Iyyabaaha nna lägala run Benniha nu chi begüee tisa unie len ca benni Israel-na, gueba nna läga iyá ca benni Israel-na ancacabi benni becuee Ben-na acacabi benni guee.

Filipenses 3:3

Tiaca riꞌila unní nna nu gualíga ancari benni gue Tata Do Iyyabaaha, cumu cuinaba Espíritu gue Ben-na runie rudú xibiri loe. Riꞌi nna redaca leri de babari len Jesús Benni anque Cristu, läga xen leri lhári de nuxa ancari lhe o si gansi guayuꞌuri senni lhe.

1 Pedro 2:1

Larcala nna gualcua iyáxea nu lä anca tsee runle-na, nu run lele-na lhe nu ridiyiele-na lhe nu rapale malisi-na lhe nu rinne güee gue loesle-na lhe.

1 Pedro 2:22

Benniha nna tsa läga benie ni ttu nu lä anca tsee, lä uxi yieguabe lhe.

Apocalipsis 14:5

Ni ttu libe bittu ben lecabi. Benni nariba ancacabi lo Tata Do Iyyabaaha.