San Juan 1:45 - Zapoteco de Aloápam

⁴⁵ Felipe nna güiattebabi guatilabi Natanael, nianna rábi biꞌiniha: —Chi guattiꞌatu Jesús gue Nazaret xiꞌini José. Gue Benni nua rixxiꞌa Moisés lo ca ley bocaꞌanbi lenri, gue Benni guaba nua beni ca profeta lo sitsi lhe.

San Juan 1:45 Iomraidhean Croise

San Lucas 24:27

Laniala nna uduloe utixxiꞌanie ca biꞌiniha iyába nu rá lo ca yitsi gue Tata Do Iyyabaaha atta rinne guee uduloe len nu rá lo ca sitsi beni Moisés, besiguibe unnee nu rá lo iyába ca sitsi beni ca profetaha.

San Mateo 2:23

Atti chi besinbi nía nna beyyattebabi guadobi lheꞌe yiesi lá Nazaret. Anía uca qui guaxxína nu chi rá ca profeta gue Tata Do Iyyabaaha, atti rácabi: “Jesús gatta lee nazareno”.

San Lucas 24:44

Laniala re ca biꞌiniha: —Nu guatea-ni ancana nu utixxiꞌatia le atti sa duba len lebiꞌiha. Neti nna ria, labíaba aca iyába nu rixxiꞌa quia dia lo ca ley bocaꞌana Tata Do Iyyabaaha len Moisés, nu gaꞌana lo ca sitsi beni ca benni uca profetaha lhe nu gaꞌana lo ca Salmo-na lhe.

San Lucas 4:22

Iyába ca benni tseeba rinnecana gue Jesús, rebanbaquinna gue ca tisa gaꞌana tsee rinne Benniha. Nianna, rá loescani: —¿Si läba xiꞌin José bunni?

San Juan 18:7

Lee nna bedennaba tise cana attu libe re cana: —¿Nú reguilale? Lacana nna bedecabicana rácana: —Jesús gue Nazaret.

San Marcos 6:3

¿Läba carpintero xiꞌini María bunni nna betsi Jacobo lhe José lhe Judas lhe Simón lhe? ¿Si läba niguaba seꞌe ca dana unní len riꞌi lheꞌe yiesi-ni lhe? Lo niꞌa gue unnuha nna udulottebacana ucaquinna.

San Mateo 21:11

Ca benni denoha nna rácana: —Jesús Benni anque profeta gue Tata Do Iyyabaahaba Ben-na, Benni beaca lasie lheꞌesi Nazaret nu re lo yu gue Galilea.

Hechos 22:8

Neti nna unnaba tisatteba ria: “¿Núleonna tata?” Tsiꞌi Benniha nna becabittebe re: “Neti nua Jesús, gue Nazaret Benni denalhalu rudhaca siꞌilha.”

Hechos 10:38

Anáguaba gua yubale, Tata Do Iyyabaaha betee Espíritu guee leni Jesús gue Nazaret, benie aca Benniha Benni ra xxeni leni lhe guayúguabale benniha nna güequie benie nu anca tsee, beonie ca nu ruyúcana elha disa de yuꞌu be xxegüi lheꞌe cuerpu guecani lhe. Iyá bunni benie cumu Tata Do Iyyabaahaba due len Benniha.

San Juan 21:2

Simón biꞌini láguaba Pedro lhe Tomás biꞌini te lábi Cuachiha lhe Natanael gue yiesi Caná re lo yu gue Galilea lhe, ca xiꞌini Zebedeo lhe a chupa ca biꞌini sela len ca biꞌini rudheti ca tisa ruleꞌe Jesús lhe. Iyába ca biꞌin-ni ttu reba seꞌecabi nía.

San Lucas 2:4

Denuala nna bedaa José lheꞌesi Nazaret re lo yu nu te láni Galilea deyyabi lheꞌesi lá Belén re lo yu nu te láni Judea atta uli David biꞌini unnabiaha, cumu ancabi benni datía David.

San Marcos 14:67

Atti bilen nua Pedro dubi rutsaꞌabi roꞌo teha nna bedútteba nuilaha ttulíba begüiana lobi. Nianna rátteba nua bi: —Anáguaba luu denoguabalu Jesús gue Nazaret.

San Mateo 13:55

¿Si läba xiꞌini carpintero-naba unní nna? ¿Lä Maríaba lá nan gue unní lhe ca betsini nna lácana Jacobo lhe José lhe Simón lhe Judas lhe?

Hechos 26:9

’Neti nna ucatia ca tu ttuha dequi tseeba anca bicala udhaca ca benni ria le Jesús Benni Nazaret.

Hechos 3:6

Ttiaca Pedro nna ráttebabi na: —Bittu belhi quia te utea len luu. Nu teerba quia nna utea len luu. Jesucristu gue Nazaret rudettia, udulí nna udá.

Hechos 2:22

’Larcala gualdorga nagale, xa benni Israel, gue nu innía. Lebiꞌi nna gua yuxeabale, Jesús Benni udo lheꞌe yiesi Nazaret, uque Benni ulea tsee Tata Do Iyyabaaha lo iyábale, cumu Jesús bixuunie qui benie ca elha reban leri lhe ca milagru lhe.

San Juan 19:19

Pilato nna benna mandadu bencana letra lo ttu breta betácana iqui crusi atta ta Benniha. Lo bretaha nna rá: “Jesús gue Nazaret, nu ancana nu rinnabia gue ca benni Israel.”

San Juan 18:5

Lacana nna rácana: —Jesús gue Nazaret. Jesús re cana: —Netiba nua. Len ca unnuha guaba du Judas nu utena Benniha las ná ca unnuha.

San Juan 6:42

Ráguabacana: —¿Lä Jesús xiꞌini José bunni nna? Riꞌi nna guanca biabinri tata gueniha lhe nan gueniha lhe. ¿Biacala rá unní dequi dana iyyabaaha ganna?

San Lucas 3:23

Attiba tu rerua (30) ida chi ancani Jesús atti uduloe benie sina chi gaꞌanani Tata Do Iyyabaaha unie. Ca benni nna racaquinna anque xiꞌini José. José ancabi xiꞌini Elí;

San Mateo 10:3

Felipe lhe Bartolomé lhe Tomás lhe Mateo biꞌini uca güequixa lhe Jacobo xiꞌini biꞌini lá Alfeo lhe Lebeo biꞌini láguaba Tadeo lhe

San Lucas 2:48

Atti biláni ca tata nan gueha Benniha nna bebanbaquinbi. Nan gueeha nna rábi: —Xiꞌinto, ¿biaca benlu aná len riꞌitu? Tata guelha lhe neti lhe yade chi raca guatentu requitu reguilatu lu.

San Juan 1:44

Felipe beaca lasbi yiesi Betsaida, attaguaba beaca lasi Andrés lenbi Pedro.

San Juan 6:5

Atti biláni Jesús de ya de re benni denocane nna ráttebe Felipe: —¿Gala sayoꞌori ttaxtila qui go iyá ca benni deno-ni?

San Juan 6:7

Felipe nna becabibi rábi: —Gaxa niba belhiu gue chupa gayua ubisa sina lä aca ni qui iyoꞌo ttaxtila go ttuttu ca unná sa saroꞌo.

San Juan 12:21

Ca unnuha nna ubigattebacana atta du Felipe, biꞌini beaca lasbi yiesi Betsaida nu re lo yu gue Galilea, unnabacana lenbi rácan bi: —Xa tata, raca letu ilentu Jesús.

San Juan 14:8

Felipe nna rábi: —Benni banani riꞌitu, beleꞌen riꞌitu Tata gueriha, careꞌaba nua nna ucatte.

San Lucas 18:37

Ca benni nna rácan na, Jesús gue Nazaretba Ben-na die ritee ni.