San Juan 1:44 - Zapoteco de Aloápam

⁴⁴ Felipe beaca lasbi yiesi Betsaida, attaguaba beaca lasi Andrés lenbi Pedro.

San Juan 1:44 Iomraidhean Croise

San Mateo 10:3

Felipe lhe Bartolomé lhe Tomás lhe Mateo biꞌini uca güequixa lhe Jacobo xiꞌini biꞌini lá Alfeo lhe Lebeo biꞌini láguaba Tadeo lhe

San Mateo 11:21

—¡Carusiꞌirule, xa benni seꞌe lheꞌe yiesi Corazín! ¡Carusiꞌirule, xa benni seꞌe lheꞌe yiesi Betsaida! Cumu ttirca lheꞌe yiesi Tiro lhe Sidón lhe chi uca ca milagru uca len lebiꞌiha nna nucala chi bodú xiyyan ca nua bodaxxucana neda gue Tata Do Iyyabaaha qui dhie elha xen lasi guecani. Chi ucucana ca lari ttipa lhe bedelha iquicani te gue gui lhe qui uleꞌe lo gualí re lenquinna gue nu bencana.

San Marcos 3:18

Selaguaba Andrés lhe Felipe lhe Bartolomé lhe Mateo lhe Tomás lhe Jacobo xiꞌini biꞌini lá Alfeo lhe Tadeo lhe Simón biꞌini te lábi Zelote lhe.

San Marcos 6:45

Dequide unnuha nna bentteba Jesús mandadu eyopi ca benni rudheti ca tisa ruleꞌe lo barcoha qui enerucabi elhácabi attu ladu gue indattooha, tsiacabi daca lheꞌe yiesi Betsaida, laca lee nna rechú tise ca benni seꞌe nía.

San Marcos 8:22

Atti bisína Jesús lenie ca benni rudheti ca tisa ruleꞌe lheꞌe yiesi Betsaida nna uchetteba ca benni ttu unbiyuu xua loni guadúcana loe. Nianna unnesiꞌittebacana unnabacana loe cane ca iyya lo nua qui eyacana.

San Lucas 10:13

’¡Carusiꞌirule xa benni seꞌe lheꞌe yiesi Corazín! ¡Carusiꞌirule, xa benni seꞌe lheꞌe yiesi Betsaida! Cumu ttirca lheꞌe yiesi Tiro lhe Sidón lhe chi uca ca milagru uca len lebiꞌiha nna nucala chi bodú xiyyan ca nua bodaxxucana neda gue Tata Do Iyyabaaha qui dhie elha xen lhasi guecani. Chi ucucana ca lari ttipa lhe chi usiacana lheꞌe te gue gui lhe qui uleꞌe lo gualí re lenquinna gue nu bencana.

San Lucas 6:14

Aní lá ca biꞌiniha: Simón biꞌini begüee lábi Pedro, Andrés betsi Simón lhe Jacobo lhe Juan lhe Felipe lhe Bartolomé lhe

San Lucas 9:10

Atti chi besini ca biꞌini rudheti ca tisa releꞌe Jesús, utixxiꞌattebaquinbi Benniha iyába bixa bencabi. Lee nna uchettebe ca biꞌiniha lo ttu yu te gaxxaba roꞌo yiesi Betsaida atta aca tseꞌe suntteba laque.

San Juan 1:43

Betteyú sá nna bebequi le Jesús tsie daca lo yu gue Galilea. Nía nua guattiꞌe Felipe, atti ráttebe biꞌiniha: —Utá betteno neti.

San Juan 1:45

Felipe nna güiattebabi guatilabi Natanael, nianna rábi biꞌiniha: —Chi guattiꞌatu Jesús gue Nazaret xiꞌini José. Gue Benni nua rixxiꞌa Moisés lo ca ley bocaꞌanbi lenri, gue Benni guaba nua beni ca profeta lo sitsi lhe.

San Juan 1:46

Natanael nna rábi: —¿Si güiría tsa ttu benni tsee lheꞌesi Nazaret? Felipe nna rábi: —Utárga begüia xa.

San Juan 1:48

Natanael nna rábi: —¿Tti uca ben bialu neti? Jesús nna becabie re: —Atti antisla gaxi Felipe-na lu, neti nna chi bilátia lu atti dolu xan ya iguha.

San Juan 12:21

Ca unnuha nna ubigattebacana atta du Felipe, biꞌini beaca lasbi yiesi Betsaida nu re lo yu gue Galilea, unnabacana lenbi rácan bi: —Xa tata, raca letu ilentu Jesús.

San Juan 12:22

Felipe nna güiattebabi guayúbi Andrés, laniala nna irupabacabi güiacabi guattixxiꞌaquinbi Jesús.

San Juan 6:5

Atti biláni Jesús de ya de re benni denocane nna ráttebe Felipe: —¿Gala sayoꞌori ttaxtila qui go iyá ca benni deno-ni?

San Juan 6:7

Felipe nna becabibi rábi: —Gaxa niba belhiu gue chupa gayua ubisa sina lä aca ni qui iyoꞌo ttaxtila go ttuttu ca unná sa saroꞌo.

Hechos 1:13

Atti besincabi lheꞌe yiesi Jerusalén nna beopittebacabi lheꞌe yoꞌo chupa coa atta reꞌana Pedro lhe Juan lhe Jacobo lhe Andrés lhe Felipe lhe Tomás lhe Bartolomé lhe Mateo lhe Jacobo, xiꞌini Alfeo lhe Simón, biꞌini te lábi Zelote lhe Judas, xiꞌini Jacobo lhe.