San Juan 1:3 - Zapoteco de Aloápam

³ Len Benni anque tisaha beni Tata Do Iyyabaaha iyáxea nu seꞌe. Ttirca lä Benni anque tisaha nna ni ttu nu seꞌe bittu ucana.

San Juan 1:3 Iomraidhean Croise

San Juan 1:10

Yies lo yu-niba chi doe. Len labe beni Tata Do Iyyabaaha yies lo yu-ni, ttiaca ca benni seꞌe yies lo yu-ni nna läga beon biacana Benniha.

San Juan 1:2

Labe Benniha doe len Tata Do Iyyabaaha atti deobali cue yies lo yu-ni.

1 Corintios 8:6

ttiaca len riꞌi nna ttuba Dios do, delába Tata gueri do iyyabaaha. Lee benie iyá nu seꞌe, riꞌi nna seꞌeri qui ixuuri loe. Anáguaba ttuba Benni bananie ri do, delába Jesús Benni anque Cristu. De lee nna seꞌe iyá nu seꞌe, anáguaba riꞌi lhe.

Efesios 3:9

Bocaꞌane len neti quixxiꞌatia iyáxea benni gue nu chi gaꞌananie aca. Tata Do Iyyabaaha, Benni beni iyáxea nu seꞌe bittu benie ttedaani benni gue unnuha ca tu atti nía,

Hebreos 11:3

Riꞌi nna de ria leri gue Tata Do Iyyabaaha, larcala yuri lee nna leni tisa unnebe benie lo bea-na lhe yies lo yu-ni lhe. Larcala nna läga ca nu rilenri nnanna bixuuni Ben-na benie ca unná.

1 Juan 5:1

Iyába ca benni ria lecani Jesús anque Cristu, ca unnuha ancacana xiꞌini Tata Do Iyyabaaha. Ca benni racaquinna gue Tataha nna racaguabaquinna gue ca xiꞌin Benniha.

Apocalipsis 3:14

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Laodicea, gus cana: “Aní rá Jesús Benni lá Amén. Benni rixxiꞌa nu anca gualí gue Tata Do Iyyabaaha, Benni rinnee nu anca gualí lhe. Benni beni leni Tata Do Iyyabaaha iyáxeaba nu seꞌe yies lo yu-ni lhe iyyabaaha lhe.

Apocalipsis 4:11

Tata guetu do iyyabaa Benni bananie riꞌitu, lu ancalu Benni ralhalu gátu lu Benni ra xxeni lee lhe Benni ra tsitsi lee lhe Benni ralha gapatu respeto lhe cumu cuinalu benlu iyába nu seꞌe. Cuinalu uca lelu useꞌecana lhe ucacana lhe.