San Juan 1:29 - Zapoteco de Aloápam

²⁹ Betteyú sá nna biláni Juan Jesús dee atta dubiha, nianna rábi: —¡Gualgüiarga! Ni benni anque carneꞌe udhelha Tata Do Iyyabaaha qui cue ca tulha gue ca benni seꞌe yies lo yu-ni.

San Juan 1:29 Iomraidhean Croise

San Mateo 1:21

Labi nna cuꞌubi ttu unbiyuuto. Benniha nna quixxalu lee Jesús. Aná gatta lee cumu Ben-na odile ca benni guee lo nu lä anca tsee runcana.

San Mateo 20:28

Attiba neti, Benni unbiyuu daa iyyabaaha, läga delha yies lo yu-ni qui udá ná ca benni loa, sinuqui delhaba qui udá náya lo ca benni, gattia utea elha nabani quia qui lhá ixeru ca benni qui bittu tsia nitticana lhe.

San Juan 1:35

Betteyú sá nna níaba dedhú Juan leni chupa ca biꞌini rudheti ca tisa ruleꞌebiha.

San Juan 1:36

Atti biláni Juan ute Jesús atta seꞌecabiha nna ráttebabi: —¡Gualgüiarga! Ni benni anque carneꞌe udhelha Tata Do Iyyabaaha dia-na.

San Juan 1:43

Betteyú sá nna bebequi le Jesús tsie daca lo yu gue Galilea. Nía nua guattiꞌe Felipe, atti ráttebe biꞌiniha: —Utá betteno neti.

San Juan 2:1

Beyonna ubisa nna uca ttu laní betsá ná ca benni lheꞌesi lána Caná. Unnuha nna rena lo yu gue Galilea. Níaguaba du nan gue Jesús.

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 4:42

Nianna, rácana nuilaha: —Nnanna nna läga sunru de utixiꞌenlu riꞌitu nu ráluha nna ria letu. Ria letu nnanna cumu riꞌigatu chi bienintu nu rá Ben-na. De unnuha nna chi yutu gualíba Ben-niba nua anque Benni odile ca benni seꞌe yies lo yu-ni.

San Juan 6:51

Neti nua anca ttaxtila rute elha nabani guadi iyyabaaha. Benni gona ben-ni nna aca banna ttu dia liiba iyyabaaha. Ttaxtila utea-ni nna anque cuinaga cuerpu quia, utea na qui ca benni seꞌe yies lo yu-ni nna gatta elha nabani guecani ttu dia lii.

Hechos 13:39

Ca ley bocaꞌana Moisés nna läga udá ca nua cuacana ca tulha gue ca benni, ttiaca iyába ca benni ria lecani Jesús te elha xen lasi guecani, de Benniha nna reacacana Benni bittu tulha gueni te.

Hechos 8:32

Lo sitsi gue Tata Do Iyyabaaha atta rulaba unbiyuuha nna rá: Uchebacane attiba ttu carneꞌe diana gattina, attiba ttu carneꞌe siba ancana duna lo ca nu richúcana itsa xoni lhe niba ttu tisa bittu unnee.

1 Corintios 15:3

Neti nna lola nu racaru duelha unale utixxiꞌatia le attiba beleꞌequinna neti, delába Cristu uttie lo niꞌa gue ca tulha runri attiba gaꞌana lo ca sitsi gue Tata Do Iyyabaaha.

2 Corintios 5:21

Cristu nna lägabi ben Benniha ni ttu nu lä anca tsee. De lo niꞌa guebari nna bejúa Tata Do Iyyabaaha Benniha yua lo niꞌa gue ca tulha gueri, qui de nu guate Benniha nna beoni Tata Do Iyyabaaha ri benni tsee loe.

Gálatas 1:4

Jesucristuha uxielhabe betticane lo niꞌa gue ca tulha gueri. Anía uca qui bodile ri lo nu lä anca tsee raca yies lo yu-ni. Benbe attiba raca le Tata Do Iyyabaaha Benni anque Tata gueri.

Gálatas 3:13

Cumu riꞌi nna Cristuhaba bete elha naban guee qui bodile ri lo ca ley-na, qui bittu cuꞌu quixa gueri de bittu rudori tisa gue nu rá lo ca ben-na. Cristuhaba uluꞌu utixe cuenta gueri qui bodile ri. Cumu lo ca sitsi gue Tata Do Iyyabaaha nna rá: “Iyába ca nu ritácana lo ya crusi, ancacana nu riguꞌu riguixa guecani.”

1 Timoteo 2:6

Lee nua uxielhabe betticane. Anía liba nna utixe gue ca tulha gueri qui lhá iyári bittu tsia nittiri. Unní nua beleꞌe lo Tata Do Iyyabaaha atti bisía sá chi gaꞌananie.

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

Hebreos 1:3

Xiꞌinie-ni ruleꞌe loe nu xxeni ra le Tata Do Iyyabaaha. Lee anque itúxeaba atti anca Tata Do Iyyabaaha. Anque Benni tsitsiba ra lee, de nua nna leni tisa guebe denie iyáxeaba nu seꞌe yies lo yu-ni. Benniha nna dequide uttie lo niꞌa gue ca tulha gueri qui eyacari nu nari lo Tata Do Iyyabaaha nna beopittebe iyyabaaha qui bedoe daca ladu derechu gue Tata Do Iyyabaaha Benni ra xxeni lee.

Hebreos 2:17

Denuala nna labíaba uque Benni attiga ancari riꞌi ca benni raca betsie, aníaliba nna beꞌeyue uque lo Tata Do Iyyabaaha ttu bixxudi xeni rinnabia, bixxudi ratúa lee lhe bixxudi rudo tisa lo sina gue Tata Do Iyyabaaha lhe. Aníaliba nna qui utixe gue ca tulha gue ca benni de belalie reni guee lo ya crusiha.

Hebreos 9:28

anáguaba Cristuha, ttu libeba bete elha naban guee uttie qui utúe ca tulha gue ixeru benni. Lenla nna eyacaxxe attu libe, ttiaca bitturu qui quixe gue ca tulha gue ca benni, esíabe qui odile ca benni seꞌe ribeda esíe.

1 Pedro 1:19

sinuqui leni reni gaꞌana tsee gue Cristuha bodilá Ben-na le, Benniha uttie, uque attiba ttu carneꞌe tsee nu tsa bittu bixa anquinna qui uyuꞌe úna lo becoa gue Tata Do Iyyabaaha.

1 Pedro 2:24

La laba Cristuha bedelha cuꞌe yua gue ca tulha gueriha atti uttie lo ya crusiha, qui riꞌi nna tsa ocaꞌanri nu lä anca tsee runriha attisiba chiba uttiri, ttiaca nnanna seꞌeri anca banri qui anáchu riꞌi nna tseꞌeri unri nu anca lhatsiru. Ca güee uca Cristuha nna benie qui beacale.

1 Pedro 3:18

Cumu Cristuha nna anáguaba guate Benniha, lo niꞌa gue ca tulha gueri, ttu libeba uttie qui utixe gue iyábacana. Benniha anque ttu Benni bittu tulha guee te, ttiaca chi uttie lo niꞌa gueri nu te tulha gueni, anía liba nna eche Ben-na ri len Tata Do Iyyabaaha. Cuerpu gueeba Benniha utti, ttiaca atti beacanie nna anca banba espíritu gue Benniha do lheꞌe cuerpu cubi guee.

1 Juan 2:2

Lee nna berú iqui berú lee uttie, cumu leni elhutti gue Benniha liba nna bebe nu risaꞌani Tata Do Iyyabaaha, anía liba nna dhie elha xen lasi gue ca tulha gueri. Bittu sunru riꞌi dhie elha xen lasi gueri, anáguaba dhie elha xen lhasi gue ca tulha gue ca benni seꞌe yies lo yu lhe.

1 Juan 3:5

Lebiꞌi nna chiba yule Cristuha bite yies lo yu-ni qui utúe ca tulha gueri. Benniha nna tsa lägabi anque Benni te tulha guee.

1 Juan 4:10

Leni unní beleꞌe lo Tata Do Iyyabaaha racanie gueri. Läga riꞌi udulori uquinri gue Tata Do Iyyabaaha, sinuqui Ben-naba ucanie gueri primero. Denuala nna udhelhe Xiꞌinie yies lo yu-ni qui uttie cuenta gueri, anía liba nna bebe nu risaꞌani Tata Do Iyyabaaha qui ridíe elha xen lasi gue ca tulha gueri.

Apocalipsis 1:5

Anáguaba uni Jesús Benni anque Cristu len lebiꞌi. Lee anque benni rixxiꞌa nu anca gualí, anque Benni primerba beadhe lheꞌe baa atta yuꞌu ca nu yatti-na lhe anque Benni rinnabia ra xxeni lee gue de lo iyá ca nu rinnabia seꞌe yies lo yu-ni lhe. Lee nna racanie gueri. Leni reni guee bilali atti utee lo ya crusiha nna bodile ri lo ca tulha gueriha.

Apocalipsis 12:11

Ca benni ria le Jesús nna bixuuquinbi reni belali Benni anque Carneꞌeha, ca tisa utixxiꞌacabi gue Ben-na lhe qui udácabi loni. Lacabi nna tsa bittu usquinbi gatticabi, berú iqui berúba lecabi elha nabani guecabi gatticabi.

Apocalipsis 13:8

Iyába ca benni seꞌe yies lo yu udú xibicani lo nimala biría lheꞌe indattooha. Ca unnuha nua desdeba atti ure yies lo yu bittu dia lácani lo libro gue benni anca Carneꞌe betticanaha. Lo libroha nua dia lá ca benni gatta elha nabani guecani ttu dia lii.

Apocalipsis 14:1

Lenla nna begüiaya, nianna beleꞌetia Benni anca Carneꞌeha due lo lhilhi lá Sión. Len Benniha nna seꞌe ttu gayua yuꞌu chua yuꞌu ttapa mil (144.000) ca benni. Lo xea ca biꞌiniha nna dia lá Benni anca Carneꞌeha, lá Tata gue Benniha lhe.

Apocalipsis 14:10

unnuha nna dhína elha disa ute Tata Do Iyyabaaha de chi bisaꞌaxxattanie, attisiba nu tagaꞌa taꞌa lheꞌe copa den Ben-naba nua iꞌiyana. Tsitsiba satena uyúna elha disa tsiana lo gui, xxuana lo azufre qui itena lhe aní lo ca ingeli gue Ben-na, lo Benni anque Carneꞌe-na lhe.

Apocalipsis 14:4

Ca biꞌiniha nna ancacabi nu tsa nuttu nu nuila belisacabi, denua nna ancacabi benni nari. Lacabi nna diacabi gaxaba dia Benni anca Carneꞌeha. Ca biꞌiniha nua ulá atta seꞌe ca benni seꞌe yies lo yu qui ucacabi úna primerba uxí Tata Do Iyyabaaha lenie Benni anca Carneꞌeha.

Apocalipsis 15:3

Nianna rulhacabi cantu bilha Moisés biꞌini bixuu lo sina gue Tata Do Iyyabaaha, cantu bilha Benni anque Carneꞌeha lhe rácabi: Xxeniba anca ca nu runlu, tsitsiba rebanintu atti rilentu cana xa Tata Do Iyyabaa Benni ra tsitsi leni, Lu ancalu Benni rinnabia ca benni seꞌe lheꞌe ca yiesi seꞌe yies lo yu, ancalu Benni runi nu anca lhixxa lhe nu anca gualí lhe.

Apocalipsis 17:14

Lacana nna ttilha lencana Benni anca Carneꞌeha, ttiaca dhaba Ben-na locani cumu lee anque Benni bananie ca nu ra xxeni lequinna anque Benni rinnabia gue ca nu rinnabia-na lhe. Dhaba Benni anque Carneꞌe-na locani itupa lenie ca benni seꞌe len lee, ca biꞌin-ni nna tsa bittu rudhancabi ria lecabi Ben-na, ancacabi benni uxi Tata Do Iyyabaaha lhe benni becuee Ben-na lhe.

Apocalipsis 19:7

Edáquinri lhe eyoꞌo leri lhe gári Ben-na: “Lu ancalu Benni ra xxeni lelu cumu chi bisía sá utsá ná Benni anca Carneꞌe-na. Nuila dhi Ben-na nna chi bedú tseena.

Apocalipsis 19:9

Ingeliha nna rábi neti: ―Beni lo sitsi: Carbáru ca benni biyaxi go elha go tsee gue laní gue utsá ná Benni anque Carneꞌe-na. Nianna rábi neti: ―Ca tisa-ni ancaque cuinaga tisa gue Tata Do Iyyabaaha.

Apocalipsis 21:14

Xana deꞌe du biꞌaba yiesiha nna yuꞌu tsiꞌinu iyya cimientu. Lo ttuttu ca iyyaha nna dia lá ttuttu ca benni uca tsiꞌinu ca biꞌini bedheti nu beleꞌe Benni anque Carneꞌeha.

Apocalipsis 21:27

Ni ttu benni runi nu lä anca tsee bittu aca gaꞌana lheꞌe yiesiha, lä gaꞌaguaba benni runi nu rixxinri lhe nu run leni lhe. Sunruba ca benni dia lácani lo libro gue Benni anque Carneꞌeha atta dia lá ca benni gatta elha nabani guecani ttu dia lii, guaca gaꞌacana lheꞌe yiesiha.

Apocalipsis 21:9

Ttu ca nu gasi ingeli deni ca gasi copa nu sa ti elha disa daa xubana dhi ca benni seꞌe yies lo yu, bisíabi atta duha rábi neti: ―Utá qui uleꞌetia lu nuila utsá ne nna nuila dhi Benni anque Carneꞌe-na.

Apocalipsis 5:6

Nianna beleꞌetia rulha gue atta du xxila do Benni rinnabiaha, rulha gue ttapa ca nu baniha lhe rulha gue ttapa erúa (24) ca benniolaha lhe du ttu carneꞌe ruleꞌe chi betticane, sia gasi sittiquie, gasi iyya loe lhe. Ca gasi iyya lo Benniha nna ancaque gasi ca espíritu rixuu lo sina gue Tata Do Iyyabaaha udhelhe itúba yies lo yu.

Apocalipsis 5:8

Atti bedaxxu Benni anque Carneꞌeha sitsiha nna itapaba ca nu baniha lencabi ttapa erúa (24) ca benniolaha nna bedútteba xibicabi lo Benni anque Carneꞌeha. Iyába ca biꞌiniha dencabi nu rulha lencabi te láni arpa, denguabacabi ttuttu copa ancacana leni oro, sa ticana yala. Yalaha nna ancana ca tisa gue ca benni chi anca gue Tata Do Iyyabaaha rulisacabi Benniha.

Apocalipsis 6:1

Neti nna beleꞌetia atti betseꞌe lo Benni anca Carneꞌeha sellu primero gue delo gasi ca sellu re roꞌo sitsiha. Nianna bienttebatia tsiꞌi ttu ca nu delo ttapa ca nu baniha rábi: ―¡Utá, begüia! Tsiꞌibiha nna bienina attiba rieni atti ruꞌu be.

Apocalipsis 6:16

Atti rulisacana ca iꞌiya-na lhe ca iyyatoo-na lhe rácana ca unná: ―¡Gualiyinna iquitu, gualucatsi riꞌitu lhe lo Benni rinnabia do lo xxila-na, lo elha disa lä tsuꞌubia utte Benni anque Carneꞌe-na riꞌitu lhe.

Apocalipsis 7:14

Neti nna becabia guebi rpea bi: Lu gua yulu, xa Tata. Labi nna rábi: Ca unní ulá lo elha disa la tsuꞌubia raca yies lo yu. Lacana nna chi utí xocani nna botsitsican cana leni reni gue Benni anque Carneꞌe-ni.

Apocalipsis 7:17

Cumu Benni anque Carneꞌe du rulha gue atta du xxila do benni rinnabia-naba aque benni gape cana attiba ttu benni ruyú carneꞌe. Ben-na ichee cana roꞌo dina atta riyaa inda rute elha nabani ttu dia lii qui iꞌiyacana. Tata Do Iyyabaaha uxíe roꞌo locani inda ribesicana.