San Juan 1:18 - Zapoteco de Aloápam

¹⁸ Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 1:18 Iomraidhean Croise

San Mateo 11:27

’Tata quiaha nna iyába betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Lucas 10:22

’Tata quiaha nna iyába nu tee betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 12:41

Anía rá Isaías, cumu bilenbi anca Jesús benni ra xxeni leni. Denuala nna utixxiꞌabi gue Benniha.

San Juan 13:23

Ttu ca biꞌiniha nna biꞌini racaxxattani Jesús guebiha nna dobi gaxxaba cuitta Benniha.

San Juan 14:9

Jesús becabie re: —Felipe, isá chi uca requia len lebiꞌi nna ¿si itú ttuali nna bittu chi yulu nuxa anca? Benni chi bilenna neti nna chiguaba bilen nua Tataha. ¿Gasná nua nna lu nna rálu: “Beleꞌen riꞌitu Tataha”?

San Juan 17:26

Chi utixxiꞌatia cana nuxa ancalu, sna quixxiꞌarguabatia cana adí lhe qui anáchu attiba raquinlu quia nna aníaguaba aquin gue loescani, cuinaba neti nna dhoa lheꞌe lastoocani.

San Juan 17:6

’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

San Juan 3:11

Neti nna gualíbatia ria lu, riꞌitu nna rinnebatu gue nu chi yutu, rixxiꞌabatu gue nu chi bilentu lhe ttiaca lebiꞌi nna läga ria lele gue nu rátu le.

San Juan 6:46

’Tsa läganu chi bilenna Tata quia do iyyabaaha, sunruba neti Benni delha atta doe chi bilátie.

2 Corintios 4:4

Nu xxegüi anca dios rinnabia yies lo yu-ni bochulhana elha rieni gue ca benni bittu ria le Tata Do Iyyabaaha. Benna cana attiba nu xua loni qui bittu iláquinna xieni gue ca tisa gue Jesús, delába bittu sadú lecani nu rá ca tisa riguixxiꞌa gue nu xxeni ra le Jesús Benni anque Cristu. Lee anque attiga anca Tata Do Iyyabaaha.

Colosenses 1:15

Jesucristuha anque atti anca Tata Do Iyyabaaha, Benni bittu rilenrie. Cristu ancaguabe Benni ra xxeniru lee leni delo iyátte nu ben Tata Do Iyyabaaha. Lee nna chila doe atti ure yies lo yu-ni.

1 Timoteo 1:17

Larcala nna satíaba rári: “Xxeni ra lelu, Tata Do Iyyabaa Benni rinnabia ttu dia lii. Lä gattiguabalu lhe lä riláguabani ca benni lu lhe. Tturbalu do ancalu Tata Do Iyyabaa, yulu iyárecha lhe.” Amén.

1 Timoteo 6:16

Tturba Ben-na do anque Benni tsa bittu gatti, anque Benni do lheꞌe ttu xieni atta nuttu nu dhana ibigana gaxxa de ruꞌuba xieni lhe. Lee nua tsa nuttu nu benni seꞌe yies lo yu-ni chi bilenne, nuttuguaba nu dhana ilenne lhe. Ben-na anque Benni ra xxeni lee, anque Benni rinnabia xeni ttu dia liiba lhe. Amén.

1 Juan 4:12

Tsa läganu chi bilenna Tata Do Iyyabaaha. Ttiaca gansi riꞌi raquin gue loesri tturi lhe atturi lhe lania nna gua duba Benniha len riꞌi, nu racani Benniha gueri nna gualíga yuꞌe lheꞌe lastoori.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?

1 Juan 4:9

Benniha nna beleꞌe loe racanie gueri atti udhelhe yies lo yu-ni Benni tturbe do anque Xiꞌinie qui gattie cuenta gueri. Anía liba nna gatta elha nabani gueri ttu dia lii.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.