San Juan 1:17 - Zapoteco de Aloápam

¹⁷ Cumu ca ley gue Tata Do Iyyabaaha nna Moisésba betebi Benniha len riꞌi. Ttiaca elha siꞌi le gue Tata Do Iyyabaaha lhe nu anca gualí lhe, Jesús Benni anque Cristu beleꞌe loe Ben-na len riꞌi.

San Juan 1:17 Iomraidhean Croise

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 18:37

Laniala nna rá Pilato Benniha: —¿Anla lu ancalu nu rinnabia ganna? Jesús becabie re: —Luba chi rálu, neti anca nu rinnabia. Denuala nna ulia, delha yies lo yu-ni qui quixxiꞌaya nu anca gualí. Iyába ca nu runi nu anca gualí nna, rudo nagacani gue nu ria.

San Juan 5:45

Bittu aquinle dequi netiba udienni loa le lo Tata quia do iyyabaaha, Moisés biꞌini xen lele gue nu unnebiha liba udienni lobi le.

San Juan 7:19

’¿Si läba Moisés bocaꞌanbi ca ley-na len lebiꞌi? Lebiꞌi nna bittu rudole tisa guee. ¿Biacala neti rdacale uttile ganna?

San Juan 8:32

Anía liba nna un biale nu anca gualí, nu anca gualíha nna unie lhále.

San Juan 9:29

Riꞌitu nna yutu unne Tata Do Iyyabaaha len Moisés, ttiaca unbiyuu-na nna niba lä yutu ga ladu don-na.

Hechos 28:23

Nioca nna bedúcana ttu sá qui tsiacana sanne lencana Pablo lheꞌe yoꞌo atta dobiha. La sá nna güiatteba ixeru ca benni. Dilatte udulobi, ni ulhaba sá dubabi rixxiꞌenbi ca nua gue gaxasná rinnabia Tata Do Iyyabaaha. Labi nna rudaxxu niꞌabi nu rá lo ca ley bocaꞌana Moisés, nu rá lo ca sitsi bodhaꞌana ca benni uca profetaha lhe duelhaba run Pablo qui tsia le ca benni seꞌe nía Jesús.

Hechos 7:38

Moisés guaba biꞌiniha udúbi lagüi gue ca benni Israel lo yu bisiha. La laguababi nua unne lenbi ingeli gue Tata Do Iyyabaaha iqui Iꞌiya Sinaí lhe. Lenla nna unnebi len ca benniola gueriha. La laguabi nua uxíbi ca tisa ca benni rute elha nabani ttu dia lii gueri lhe nianna betebi Benniha len riꞌi.

Romanos 6:14

Aná nna lärga dhaa nu bittu anca tsee-na innabiana le unle nu raca leni, cumu lärga seꞌele runle nu rá ca ley bocaꞌana Moisés, lebiꞌi nna chiba seꞌe lále, redibaale elha tsee redá le Tata Do Iyyabaaha rute len lebiꞌi.

2 Corintios 1:20

cumu lee runie raca iyáxeaba nu chi begüee Tata Do Iyyabaaha tisa unie. Larcala nna de Cristu rári: “Amén”. Atti rári aná nna ribequi xenri Tata Do Iyyabaaha.

Gálatas 3:17

Nu raca lasia innía nna ancana: Tisa begüee Tata Do Iyyabaaha leni Abraham, tsitsiba bocaꞌane na. Denuala nna bittu udá ca ley bocaꞌana Moisés ca benni bisía ttapa gayua yuꞌu rerua (430) ida dequila lania cuaque lidhaca ca tisa chi begüee Tata Do Iyyabaaha leni Abraham.

Hebreos 9:22

Cumu lo ca ley gue Tata Do Iyyabaaha rixxiꞌa rá, lattiba lä iyába nu tee, leni reni liba acacana nu nari lo Tata Do Iyyabaaha, bittuguaba elha xen lasi tee gue ca tulha gue ca benni gan bittuba ilali reni lhe.