San Juan 1:16 - Zapoteco de Aloápam

¹⁶ De chi anque Benni te iyá guee nna iyábari chi uxíri lhe ridíri lhe adí elha tsee rute len riꞌi.

San Juan 1:16 Iomraidhean Croise

San Mateo 13:12

Cumu benni gua radú leniha nna dhirla nua elha rieni qui sadúchatti leni. Ttiaca nu bittu radú leniha nna axtala nu saroꞌo chi radú leniha, itúa.

San Mateo 3:11

Neti nna gualígala sunruba inda rugadia ca benni qui uleꞌe lo gualí chi bodú xiyyancana bodaxxucana neda gue Tata Do Iyyabaaha, ttiaca Benni daa dequide neti nna ixuunie Espíritu gue Tata Do Iyyabaaha lhe gui lhe qui ugadie le inda. Benniha ra xxenru lee atti neti, larcala nna nibala bi elha ralha uja ca guaracha guee.

San Mateo 3:14

Ttiaca Juan nna udú disabi rábi Benniha: —Netiunní reasatia ugadilu inda, lu nna netila dalu rálu ugadia lu inda.

San Lucas 21:15

cumu neti guteba tisa len lebiꞌi, uteguaba elha rieni guele lhe qui ni ttu ca nu bittu raca uyúcan le nna bittu dhacana uchíacana lo nu innele, lä eselguabaquinna bixa innácana qui ecabicana guele lhe.

San Juan 3:34

Ben-na anque Benni udhelha Tata Do Iyyabaaha, ca tisa gue Bennihaba rinnee, cumu Tata Do Iyyabaaha nna itú iqui itú lee bete Espíritu guee len Ben-na.

Romanos 5:17

Cumu gansi lo niꞌa gue de utitsa ttuba Adán tisa gue Tata Do Iyyabaaha udulo ratti ca benni, anáguaba de nu guate ttuba Jesucristuha adíla de te elha xen lasi guaca banba ca benni ttu dia lii, ca nu ridí tama elha tsee redá le Tata Do Iyyabaaha rute lencana, lägabi ttu nu tsee chi bencana qui runie cana benni bitturu tulha gueni te lhe.

Romanos 5:2

De Cristuharguaba nna chi yali lo neda gueri isínri lo Tata Do Iyyabaaha cumu de ria lerie, qui anáchu nna redí baari nu tsee redá le Ben-na rute gueri, lo elha tseeha benni seꞌe reari nnanna. Anáguaba chi reꞌo leri cumu xen leri dhíri nu gaꞌana tsee ra xxeni lee gue Tata Do Iyyabaaha.

Romanos 5:20

Ley bocaꞌana Tata Do Iyyabaaha leni Moisés bisíana qui guaniru adí ca tulha runi ca benni, ttiaca attiba guani adí ca tulha-na, aníaguaba adílaba de bedá le Tata Do Iyyabaaha guatúa lee ca benni,

Romanos 8:9

Ttiaca lebiꞌi nna lärga seꞌele runle nu ridá le cuerpu guele-na, sinuqui nu rába Espíritu gue Tata Do Iyyabaaha runle, gansi gua do Espíritu gue Ben-na lheꞌe lastoole. Nu bittuba do Espíritu gue Tata Do Iyyabaaha lheꞌe lastooni, läga anca nua gue Cristuha.

Efesios 1:23

Ca benni ria lecabi Benniha nna ancacabi cuerpu gue Cristuha, Bennihaba runie qui racacabi benni anca idaꞌa suu attiba anca Ben-na. Labe runi qui raca iyáxeaba nu seꞌe idaꞌa suu.

Efesios 3:19

Rinnabaguaba lo Ben-na qui unie ttedeenle gaxasná anca elha siꞌi le gue Ben-na. Elha siꞌi le gue Ben-na anque ttu nu xxeni, ttu nu bittu ridári ttedeenri gaxasná anque. Qui gansi chi udále ttedeenle gue elha siꞌi le gue Ben-na nna lania nna acale nu rapa itúba nu anca Ben-na.

Colosenses 1:19

Cumu anába uyuꞌu le Tata Do Iyyabaaha aca, labe uca lee aca Cristu Benni ra xxeni lee attiba lee.

Colosenses 2:3

Len Ben-na saxxacari iyáloba nu te lidhacani anca gue elha rieni na lhe nu runi ritelínri lhe.

1 Pedro 1:11

Espíritu gue Cristu, benni yuꞌu lheꞌe lastoo ca biꞌinihaba rixxiꞌenie ca biꞌiniha gue iyába nu sate Cristuha, gue iyába nu tsee aca dequide lania de gatti Benniha lhe. Ca biꞌiniha nna bencabi duelha utsatsa niꞌacabi nuxa benni nua sate anía, nucaxa aca nua lhe.

1 Pedro 1:2

Lebiꞌi nna axta ttuali chi becuee Tata gueri do iyyabaaha le attiba chi gaꞌananie unie. Lee nna leni Espíritu guee-na ulequiesie le qui acale benni rudo tisa guee, anáguaba qui cua reni gue Jesucristuha ca tulha guele lhe. Cuina laque aca tsitsia lenque le lhe unque tseꞌe le xen su lee lhe.