San Juan 1:14 - Zapoteco de Aloápam

¹⁴ La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 1:14 Iomraidhean Croise

San Mateo 1:16

Jacob ucabi tata gue José biꞌini uca unbiyuu gue María, nan gue Jesús, Benni anque Cristu.

San Lucas 2:11

Nasá uli lheꞌe yiesi gue David, Benni odile ca benni. Benniha nua anque Cristu, Benni bananie ri.

San Lucas 2:7

Nía uluꞌu xiꞌin primer gue María. Labi nna bottesttebabi untoha lari atti utixxattebabi Benniha lheꞌe atta ro ca uꞌuna bia cumu bitturu bisela atta eyaꞌancabi lheꞌe ca yoꞌo atta reꞌan adí benni.

San Lucas 9:32

Pedro lenbi ca benni seꞌe lenbi nía nna tsaba bitturu ridacabi lo bisíala, ttiaca bechíabacabi bittu utaꞌadhicabi. Lacabi nna biláquinbi xieni gaꞌana tsee gue Jesús, a chupa ca biꞌini seꞌe len Benniha lhe.

San Juan 1:1

Atti deobali cue yies lo yu-ni nna chila do Benni anque tisa-na. Benni anque tisaha nna len Tata Do Iyyabaahaba doe, la tisahaba Benniha anque Tata Do Iyyabaaha.

San Juan 11:40

Jesús re na: —¿Si läba ria lu, gansi tsia lelu nna gugüiabalu nu xxeni ra le Tata Do Iyyabaaha?

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 14:9

Jesús becabie re: —Felipe, isá chi uca requia len lebiꞌi nna ¿si itú ttuali nna bittu chi yulu nuxa anca? Benni chi bilenna neti nna chiguaba bilen nua Tataha. ¿Gasná nua nna lu nna rálu: “Beleꞌen riꞌitu Tataha”?

San Juan 17:22

Neti nna chiba benia qui acacana nu ra xxeni leni, attiba lu benlu anca Benni ra xxeni leni, qui acacana ttuba benni attiba lu len neti ttuba Benni ancari.

San Juan 17:24

’Ca benni chi betelu len neti, xa Tata, raca lasia tseꞌe guabacana len neti atta dhoa, qui iláquinna nu xxeni ra lasia chi betelu len neti, cumu antisla cue yies lo yu-ni chi raquinlu quia.

San Juan 18:37

Laniala nna rá Pilato Benniha: —¿Anla lu ancalu nu rinnabia ganna? Jesús becabie re: —Luba chi rálu, neti anca nu rinnabia. Denuala nna ulia, delha yies lo yu-ni qui quixxiꞌaya nu anca gualí. Iyába ca nu runi nu anca gualí nna, rudo nagacani gue nu ria.

San Juan 2:11

Unníba primer milagru beni Jesús lheꞌesi Caná nu re lo yu gue Galilea. Anía liba nna beleꞌe loe anque benni ra xxeni leni. Ca biꞌini rudheti ca tisa ruleꞌe nna güia lecabi guee.

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 3:18

’Benni ria leni neti Xiꞌini Tata Do Iyyabaaha, läga tsia nitti nua, ttiaca nu bittu ria leniha nna dia nittiba nua, de bittu güia leni neti Benni nu ttu cuinarba anca Xiꞌini Tata Do Iyyabaaha.

San Juan 6:51

Neti nua anca ttaxtila rute elha nabani guadi iyyabaaha. Benni gona ben-ni nna aca banna ttu dia liiba iyyabaaha. Ttaxtila utea-ni nna anque cuinaga cuerpu quia, utea na qui ca benni seꞌe yies lo yu-ni nna gatta elha nabani guecani ttu dia lii.

San Juan 8:32

Anía liba nna un biale nu anca gualí, nu anca gualíha nna unie lhále.

Hechos 13:33

Unnuonni chi benie nnanna len riꞌi cumu ancari benni datía ca biꞌiniha. Atti belhidha Tata Do Iyyabaaha Jesús lheꞌe baa atta yuꞌu ca nu yatti-na, lania guaxxína ca tisa rinne benna lo Salmo berupa-na atta re: Lu ancalu xiꞌinia, neti bijalu nasá.

Romanos 8:3

Tata Do Iyyabaaha benie nu bittu udá ca ley bocaꞌana Moisés unque, cumu de ancari benni runi nu lä anca tsee nuarca bittu udári udori tisa gue ca ley-na. Tiaca Tata Do Iyyabaaha udhelhe xiꞌinie Jesús, Benniha uque benni attiba riꞌi ca nu runi nu lä anca tsee, aníaliba nna uca uttie lo ya crusiha cuenta gueri, ca nu runi nu lä anca tsee, qui anáchu nna de nu beni Benniha nna beluxa Tata Do Iyyabaaha nu rá tsitsi leni gue tulha-na.

Romanos 9:5

Lacabi ancacabi ca benni datía ca benniola uca nu lo gueri useꞌe atti nía, anáguaba Cristuha lhe lotia gue ca biꞌiniha guaba dee atti ulie yies lo yu-ni. Lee anque Dios rinnabia iyáxea. Ben-na satía cuequi xenrie. Amén.

1 Corintios 15:47

Benni udo primeroha nna ancabi gue yies lo yu-ni, len yuba ucana, Benni berupa nna delába Cristu anque gue iyyabaaha.

2 Corintios 12:9

ttiaca Ben-na nna re neti: “Beaca xen lelu. Guadúba len lu, cumu elha ra xxen le quia-na ruleꞌe loe len ca benni ancacana nu bittu ra tsitsi leni.” Larcala nna neti itú iqui itú lasia runia ttaba gue anca ttu nu bittu ra tsitsi leni, qui aná nna satíaba tsuꞌu elha ra xxen le gue Cristu lheꞌe lastooa.

Gálatas 4:4

Ttiaca atti chi bisía tiempu gaꞌanani Tata Do Iyyabaaha idhelhe Xiꞌinie Jesús yies lo yu-ni, laniala nna udhelhe Benniha. Benniha nna ttu nuilaba uluꞌune. Lee nna uque Benni bedo tisa gue ca ley bocaꞌana Moisés.

Efesios 3:8

Delo iyá ca benni seꞌe riesi anca gue Tata Do Iyyabaaha nna netiba anca nu xubana bittu daca, ttiaca lee nna betee elha tsee-ni len neti qui quixxiꞌatia ca benni bittu anca benni Israel ca tisa guee-ni, rixxiꞌatia cana gue nu gaꞌana tsee bittu lhuxa te gueri len Cristuha.

Colosenses 1:19

Cumu anába uyuꞌu le Tata Do Iyyabaaha aca, labe uca lee aca Cristu Benni ra xxeni lee attiba lee.

Colosenses 2:3

Len Ben-na saxxacari iyáloba nu te lidhacani anca gue elha rieni na lhe nu runi ritelínri lhe.

Colosenses 2:9

Cumu Cristu Benni uque benni attiba riꞌi, atti bite yies lo yu-ni nna anque itútteba atti anca Tata Do Iyyabaaha.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.

Hebreos 1:3

Xiꞌinie-ni ruleꞌe loe nu xxeni ra le Tata Do Iyyabaaha. Lee anque itúxeaba atti anca Tata Do Iyyabaaha. Anque Benni tsitsiba ra lee, de nua nna leni tisa guebe denie iyáxeaba nu seꞌe yies lo yu-ni. Benniha nna dequide uttie lo niꞌa gue ca tulha gueri qui eyacari nu nari lo Tata Do Iyyabaaha nna beopittebe iyyabaaha qui bedoe daca ladu derechu gue Tata Do Iyyabaaha Benni ra xxeni lee.

Hebreos 1:5

Cumu Tata Do Iyyabaaha, tsa lägabi chi re ni ttu ca ingeli guee-na ca tisa re Jesús: Lu ancalu xiꞌinia, nasá rinnea ria: “Neti bija lu.” Bittuguaba re nuxa ttu ca ingeli-na: Neti aca tata guelu, lu nna acalu xiꞌinia.

Hebreos 10:5

Larcala atti bisía Cristuha yies lo yu-ni, lee nna re Tata Do Iyyabaaha: Lu nna läga reꞌo lelu úna rute ca benni, niguaba ca nimala rutti ca benni rutecana len luu lhe sinuqui netiba betelu cuerpu quia uteana attiba úna lo cuinalu.

Hebreos 2:11

Cumu Jesús lenie ca benni chi seꞌe riesi anca gue Tata Do Iyyabaaha leni ca benni reonie nari, la ttuba xiꞌini Tata Do Iyyabaaha ancaque. Larcala läga rettuin Jesús atti re ancari betsie.

Hebreos 5:5

Anáguaba Cristu, läga titú Benniha bedúe aque bixxudi xeni, sinuqui Tata Do Iyyabaahaba bodúe Ben-na, lee nna re Jesús: Lu ancalu Xiꞌinia, nasá rixxiꞌaya, neti anca tata guelu.

1 Juan 4:14

Riꞌitu nna begüiaga lotu, larcala nna rixxiꞌatu, Tata gueri do iyyabaaha udhelhe Xiꞌinie yies lo yu-ni qui odile ca benni seꞌe-ni, bittu tsia nitticana.

1 Juan 4:9

Benniha nna beleꞌe loe racanie gueri atti udhelhe yies lo yu-ni Benni tturbe do anque Xiꞌinie qui gattie cuenta gueri. Anía liba nna gatta elha nabani gueri ttu dia lii.

2 Juan 1:7

Cumu ixeru ca güen lasi chi requi yies lo yu-ni, bittu ria lecani uca Jesús Benni anque Cristu ttu benni attiba riꞌi atti bite yies lo yu-ni. Ca nu rinne aná nna nu güen lasiba anca ca unná, nu lä raca uyú Cristuhaba ancacana.

Apocalipsis 19:13

Xo Benniha nucue nna tsaba chi bitiechuna reni. Lee nna te lee Tisa gue Tata Do Iyyabaaha.

Apocalipsis 21:3

Nianna bientia tsiꞌi ttu benni unnee idisa iyyabaaha re: ―Gualgüiarga. Niba do Tata Do Iyyabaaha atta seꞌe ca benni. Len labacana dhoe nnanna lacana nna acacana benni guee. Cuinaba lee dhoe len lacana, aque Dios guecani lhe.