San Juan 1:11 - Zapoteco de Aloápam

¹¹ Len benni guebe bisíe, lacana nna läga belabicana Benniha.

San Juan 1:11 Iomraidhean Croise

San Mateo 15:24

Lee nna becabie re: —Tata Do Iyyabaaha nna sunruba atta seꞌe ca benni Israel-na udhelhe neti.

San Lucas 19:14

Ttiaca ca benni gue yies gueniha nna rutía di lecan na. Lacana nna udhelhattebacana ttulhe ca nu dia atta dia unbiyuuha, qui gá ca unnuha nu rinnabia do nía: “Riꞌitu nna bittu raca letu aca unbiyuu du-ni nu innabiana riꞌitu.”

San Juan 1:10

Yies lo yu-niba chi doe. Len labe beni Tata Do Iyyabaaha yies lo yu-ni, ttiaca ca benni seꞌe yies lo yu-ni nna läga beon biacana Benniha.

San Juan 1:12

Ttiaca iyába ca benni ca nu belabicana Benniha lhe güia lecanie lhe, lee nna benie gapacana derechu acacana xiꞌini Tata Do Iyyabaaha.

San Juan 19:27

Lenla nna re biꞌini rudheti ca tisa guee: —Ni nan guelu du-na. Laniatteba nna bechee biꞌiniha nan gue Benniha qui dhobi lheꞌe yoꞌo guebiha.

San Juan 3:32

Gue nu bilábanie lhe nu bienbanie lhe rixxiꞌe, ttiaca läganu ria leni guee.

Hechos 13:26

’Lebiꞌi, xa betsito, ca benni datíale Abraham, lebiꞌi ca benni dittu atta gua rudole tisa gue Tata Do Iyyabaaha lhe gue iyábari anca ca tisa udhelha Ben-na ca ben-na rixxiꞌacanie ri gaxasná odilá Tata Do Iyyabaaha ri qui bittu tsia nittiri.

Hechos 13:46

Laniala nna unnee Pablo lenbi Bernabé itú iqui itú lecabi becabicabi rácabi cana: —Riꞌitu nna daba lotu quixxiꞌatu ca tisa gue Tata Do Iyyabaaha primertteba len lebiꞌi, ca benni Israel. Ttiaca lebiꞌi nna riguꞌula niꞌale ca tisa-ni. Leni unná nna ruleꞌe lole dequi bittu elha ralhale gatta elha nabani guele ttu dia lii. Larcala denua nna leni ca benni dittu la quixxiꞌatu ca tisa-ni.

Hechos 21:6

Laniala nna bechú tisa loestu atti beopittebatu lo barcoha. Ca biꞌiniha nna bequittebacabi deyyacabi.

Romanos 15:8

Neti nna rixxiꞌatia le ria: Cristuha bite yies lo yu-ni qui bixuue lo ca nu Israel-na, aníaliba nna guaxxína nu rá tisa begüee Tata Do Iyyabaaha len ca benniola gueri useꞌe atti nía, qui anáchu beꞌe lo anca Tata Do Iyyabaaha beni runi nu chi re.

Romanos 9:1

Neti nna de anca benni ria lasia Cristuha nuarca rinneba nu anca gualí, läga run lasia. Espíritu gue Tata Do Iyyabaaha Benni do lheꞌe lastooa-ni nna guarixxiꞌabanie neti guancaba nu rinnea-na nu anca gualí.

Romanos 9:5

Lacabi ancacabi ca benni datía ca benniola uca nu lo gueri useꞌe atti nía, anáguaba Cristuha lhe lotia gue ca biꞌiniha guaba dee atti ulie yies lo yu-ni. Lee anque Dios rinnabia iyáxea. Ben-na satía cuequi xenrie. Amén.

Gálatas 4:4

Ttiaca atti chi bisía tiempu gaꞌanani Tata Do Iyyabaaha idhelhe Xiꞌinie Jesús yies lo yu-ni, laniala nna udhelhe Benniha. Benniha nna ttu nuilaba uluꞌune. Lee nna uque Benni bedo tisa gue ca ley bocaꞌana Moisés.