San Juan 1:1 - Zapoteco de Aloápam

¹ Atti deobali cue yies lo yu-ni nna chila do Benni anque tisa-na. Benni anque tisaha nna len Tata Do Iyyabaahaba doe, la tisahaba Benniha anque Tata Do Iyyabaaha.

San Juan 1:1 Iomraidhean Croise

San Mateo 1:23

Ttu nu rbani uja xiꞌinbi, Labi nna cuꞌubi ttu unbiyuuto. Untoha nna gatta lee Emanuel. Emanuel nna dienna innána: Tata Do Iyyabaaha due len riꞌi.

San Lucas 24:53

Ttu ttu sába useꞌecabi lheꞌeliꞌa gue yotuha rulhacabi gue Tata Do Iyyabaaha, ribequixxencabi Ben-na lhe. Amén.

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 1:2

Labe Benniha doe len Tata Do Iyyabaaha atti deobali cue yies lo yu-ni.

San Juan 16:28

Atta do Tataha biríaya delha yies lo yu-ni. Nnanna nna odhaꞌana yies lo yu-ni qui eyyaꞌaya atta do Tataha.

San Juan 17:5

Nnanna nna Tata, beni qui eyaca Benni ra xxeni leni lolu attiba anca doa len cuinalu atti bittu yies lo yu-ni chi reha.

San Juan 20:28

Tomás nna becabibi rábi: —¡Lu ancalu Benni bananie neti lhe Tata Do Iyyabaaha quia lhe!

San Juan 8:58

Jesús re cana: —Neti nna gualíbatia ria le, atti antisla gali Abraham, chila doa lania.

Romanos 9:5

Lacabi ancacabi ca benni datía ca benniola uca nu lo gueri useꞌe atti nía, anáguaba Cristuha lhe lotia gue ca biꞌiniha guaba dee atti ulie yies lo yu-ni. Lee anque Dios rinnabia iyáxea. Ben-na satía cuequi xenrie. Amén.

Efesios 3:9

Bocaꞌane len neti quixxiꞌatia iyáxea benni gue nu chi gaꞌananie aca. Tata Do Iyyabaaha, Benni beni iyáxea nu seꞌe bittu benie ttedaani benni gue unnuha ca tu atti nía,

Filipenses 2:6

Benniha nna masquiba satíaba anque Dios, lee nna bittu benie duelha, lee ancabe ttuba len Tata Do Iyyabaaha.

Colosenses 1:15

Jesucristuha anque atti anca Tata Do Iyyabaaha, Benni bittu rilenrie. Cristu ancaguabe Benni ra xxeniru lee leni delo iyátte nu ben Tata Do Iyyabaaha. Lee nna chila doe atti ure yies lo yu-ni.

Colosenses 1:17

Nucala do Cristuha atti useꞌe iyáxeaba nu seꞌe, labe denie lhe rinnabie lhe iyába.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.

Tito 2:13

Aná unri laca seꞌeri ribedari isía sá gaꞌana tsee chi xen leri isíha, delába la sá esía Jesús Benni anque Cristu dedee lheꞌe xieni gaꞌana tsee guee. Benna anque Dios ra xxeni lee gueri, Benni rodile ri lhe.

Hebreos 13:8

Jesucristuha nna ttuba anca Benniha lägabi resía Benniha. Ben-naba nua do atti nía, Ben-naba do nnanna lhe Ben-naba dho ttu dia liiba lhe.

Hebreos 7:3

Tsa läganu yuna gue nuxa uca tata nan gue Melquisedec, niguaba gue nuxa uca benniola guebi lhe. Nuttuguaba nu yu gue nuca ulbi lhe niguaba gue nucaxa uttibi lhe. Nuarcala labi ancaguababi attiba Xiꞌin Tata Do Iyyabaaha de ancabi bixxudi do ttu dia liiba.

2 Pedro 1:1

Neti Simón Pedro benni rixuu lo sina gue Jesucristu, anca apóstol, nu chi gaꞌananie iche ca tisa guee. Ridhelha sitsi-ni guele lebiꞌi ca benni ria lele Jesús attiba riꞌitu, cumu Tata Dios gueri Jesucristu Benni bodile ri anque Benni ttu dia liiba runi nu anca tsee.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.

1 Juan 5:7

Tsunna ca Benni seꞌe iyyabaaha rixxiꞌa gue Benni: [Tataha lhe Xiꞌinie Benni anque tisaha lhe Espírituha lhe. Iyunnaba ca Ben-na ttuba ancaque.]

Apocalipsis 1:11

Benni unneeha nna re neti: [―Neti nua anca Benni du atti udulo lhe Benni du atti lhuxa lhe attiba letra A lenna letra Z.] Beni lo sitsi nu rilenlu-ni, nianna udhelha na gasi re atta seꞌe ca benni ria le neti lo yu te láni Asia, delába lheꞌesi Éfeso lhe Esmirna lhe Pérgamo lhe Tiatira lhe Sardis lhe Filadelfia lhe Laodicea lhe.

Apocalipsis 1:17

Atti bilátia Benni nna attiba binna ttu nu yatti biyinna loe. Ttiaca Benni nna bexxúatteba ná derechu guee iquia, nianna re neti: —Bittu gasinlu. Neti nua anca Benni do primero, Benni do ttu dia liiba lhe

Apocalipsis 1:2

Neti nna rixxiꞌaba gue iyába nu beleꞌetia. Lo sitsi-ni runia ca tisa unne Tata Do Iyyabaaha, nu beni Jesucristuha beleꞌetia.

Apocalipsis 1:8

“Neti anca Benni du atti udulo lhe Benni du atti lhuxa lhe attiba letra A lenna letra Z”, aná rá Tata Do Iyyabaaha Benni bananie ri. Lee anque Benni do nnanna Benni ttu dola lhe Benni dho tiempu chi daba lhe anque Benni raxxatta tsitsi lee lhe.

Apocalipsis 19:13

Xo Benniha nucue nna tsaba chi bitiechuna reni. Lee nna te lee Tisa gue Tata Do Iyyabaaha.

Apocalipsis 2:8

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Esmirna, gus cana: “Aní rá Benni udo primerba lhe Benni do ttu dia liiba lhe Benni uttie nna beacanie attu libe.

Apocalipsis 21:6

Dequila nna re neti: ―Chiba uluxa iyá. Neti anca Benni du atti udulo lhe Benni du atti lhuxa lhe attiba letra A lenna letra Z. Nuxa benni rebisna inda, neti utea inda riyaa roꞌo dina rute elha nabani ttu dia lii iꞌiyana. Lana nna tsa lägabi dhaquinna indaha.

Apocalipsis 22:13

Neti anca Benni du atti udulo lhe Benni du atti lhuxa lhe attiba letra A lenna letra Z, anca Benni udo primerba lhe Benni do ttu dia liiba lhe.”

Apocalipsis 3:14

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Laodicea, gus cana: “Aní rá Jesús Benni lá Amén. Benni rixxiꞌa nu anca gualí gue Tata Do Iyyabaaha, Benni rinnee nu anca gualí lhe. Benni beni leni Tata Do Iyyabaaha iyáxeaba nu seꞌe yies lo yu-ni lhe iyyabaaha lhe.