Filemón 1:8 - Zapoteco de Aloápam

⁸ Larcala masquiba te derechu quia unia lu mandadu de rapa elha ra xxen le betee Cristu len neti qui unlu nu raca lasia, ttiaca bittu unia aná,

Filemón 1:8 Iomraidhean Croise

2 Corintios 10:8

Neti nna lägabi rettutia gansi rite lo bedáya de ribequi xen lasia gue ladia bete Benni bananie ri-na. Cumu betebe laditu qui untu tseꞌe tsitsile lo neda gue Tata Do Iyyabaaha, läga bete Ben-na laditu qui untu tsia nittile.

2 Corintios 11:21

Masquiba rettutia, ridí roꞌa ria dequi riꞌitu nna yalhattela benni siꞌile ucatu len lebiꞌi, läga bedhacatu le atti rudhaca ca unná le. Gansi adí ca nu requi na reaxquinna rácana dequi ancacana nu runi nu anca tsee, anáguaba neti eyaxguatia inne tseea gue nu runia, masquiba rinnea attiba rinne ttu nu raca iquini.

2 Corintios 3:12

Larcala de xen letu gue ca tisa-na nuarca rinnetu itú iqui itú letu.

Efesios 5:4

Bittuguaba innele tisa satsa lhe niguaba tisa lä diquixuu lhe bittuguaba innele tisa güitta nu rinne tisa satsa lhe cumu läga raxxína innele aná. Delába unnua nna gualugüe Tata Do Iyyabaaha xquixarue.

1 Tesalonicenses 2:2

Atti deobali isíatu atta seꞌele-na, lebiꞌi nna chi binale gue iyába nu chi bedhaca ca benni riꞌitu lheꞌe yiesi Filipos-na, chi bedhaca güee cana riꞌitu lhe chi utilhaxxatta lencana riꞌitu lhe. Ttiaca Tata Do Iyyabaaha nna ucaba lanie riꞌitu, ulequitsitsibe letu, qui udátu utixxiꞌentu le itú iqui itú letu ca tisa gue Jesús, masquiba tticaxa besuna benni lhe beseꞌe disa cana lotu lhe.

1 Tesalonicenses 2:6

Bittuguaba runtu qui cuꞌu benni riꞌitu biba lhe niguaba lebiꞌi lhe niguaba nuxarua benni lhe masquiba nna guatebana innábatu unle nu raca letu, de ancatu apóstol gue Cristu.