Filemón 1:6 - Zapoteco de Aloápam

⁶ Rinnaba lo Tata Do Iyyabaaha qui nu tsee runlu len ca benni de ria lelu Cristu, unnuha uni qui sadú tsee lelu gue iyá elha tsee gueri te de babari len Ben-na.

Filemón 1:6 Iomraidhean Croise

San Mateo 25:16

Nu uxí gayu miliha nna güiattebana benna sina len belhiha, nianna benba xiꞌini belhiha a gayu mil.

San Mateo 5:16

Anáguaba lebiꞌi, gualuni nu anca tsee, qui atti iláni ca benni nu anca tsee runleha nna lania nna cuequi xencana Tata gueri do iyyabaaha.

1 Corintios 14:25

De tsanni lo nu yuꞌu gatsi lhiꞌu lheꞌe lastooni, lana nna udú xibini lo Tata Do Iyyabaaha cuequi xenna le Ben-na, atti innána: “Gualíba du Tata Do Iyyabaaha len lebiꞌi.”

1 Corintios 16:9

Cumu nnannala chi bealga lo neda quia qui aca quixxiꞌarua ca tisa gue Jesús, masquiba anáguaba seꞌe ixe ca nu bittu raca uyúcana neti.

Filipenses 4:8

Lebiꞌi, ca benni ria le Jesús, nu reasa upea le nna ancana: gualulaba lele gue iyá nu anca gualí, gue iyá nu rapa benni respeto lhe gue iyá nu anca lhixxa lhe gue iyá nu anca ttagaꞌa tsee lhe gue iyá nu radi le benni lhe gue iyá nu anca lhatsiru lhe. Gualulaba lele gue iyá nu gaꞌana tsee lhe gue iyá nu rinne tsee benni gueni lhe.

Colosenses 1:9

Nuarcala riꞌitu nna desdeba atti binatu gue gaxasná seꞌele nna tsa bittu rudú situ rinnabatu leni Tata Do Iyyabaaha aca lanie le, qui anáchu unie ttedaatseenle gue nu raca lee unle, utee itú elha rieni reasinle lhe idhalie iquile qui sadú tsee lele gue gaxasná anca nu anca guee lhe.

Colosenses 3:10

Tata Do Iyyabaaha chi benie beacale benni cubi, ttuttu sá runie diale acale attiba lee. Anía liba nna qui eꞌeyule un bia tseele.

Tito 3:14

Anáguaba ca benni gueri chi ria le Jesús labíaba uleꞌenlu cabi uncabi nu anca tsee len ca benni qui anáchu uncabi yuda ca benni raca duelha acacabi yuda, aná nna acacabi benni runi nu dica ixuu.

Hebreos 6:10

Cumu Benniha nna anque Benni runi nu anca tsee. Läga ixulhin Ben-na gue nu tsee chi benle, niguaba gue nu runle yuda adí ca benni chi anca gue Ben-na lhe. Atti runle aná nna ruleꞌe lole raquinle gue Tata Do Iyyabaaha, anába diabale runle axta nnanna lhe.

Santiago 2:14

Ca benni ria le Jesús, tsa lägabi te iría len ttu benni gansi rána ria leni Jesús, nianna bittu runna nu anca tsee. ¿Si gua rudhaca lele dequi careꞌaba rá nua chi ria leni Jesús gualábana bittu tsia nittina?

Santiago 2:17

Aníaguaba anca len ttu benni rána ria leni Jesús. Tsa lägabi ixuu nu rinne nua, gansi biba runna nu anca tsee.

1 Pedro 2:12

Lhatsiru gualudú lele len ca benni bittu ria le Tata Do Iyyabaaha seꞌe atta seꞌele-na. Aná nna ca nu rinne güe guele nnanna attisiba lebiꞌi ancale nu runi nu lä anca tsee, gansi chi bisía sá atti uni Tata Do Iyyabaaha elha uxtisi gue iyába benni nna lania nna cuequi xencana lee Ben-na de iláquinna lebiꞌi nna tseeba anca nu benle.

1 Pedro 3:1

Anáguaba lebiꞌi ca nuila chi betsá náni, gualudá iqui le gue ca unbiyuu guele-na, cumu gansi nuxa ttu ca unná bittu ria lecani ca tisa gue Jesús, atti iláquinna nu runle nna oquinna iquicani tsia lecani ca tisa gue Jesús, läga de quixxiꞌattiguinle cana ca tisa gue Ben-na,

1 Pedro 3:16

Ttiaca lhatsiru gualdú lele qui bittu bi te bixa lo niꞌa gue tseꞌele eleninle, qui ca nu rinne güe gue nu tsee runle de ancale benni ria le Jesús, ettúquinna gue nu rinnecana.

2 Pedro 1:8

Cumu gansi lebiꞌi seꞌele runle aná, rudona lele rusiguile runtseerle lhe lania nna guancabale benni rixuu, bittuguaba cuenta benbiale Jesucristu Benni bananie ri-na lhe.