Filemón 1:2 - Zapoteco de Aloápam

² Ridhelhaguaba sitsi-ni gue ca benni ria lecabi Jesucristu ritupa lheꞌe yoꞌo guelha lhe gue benni nuila lá Apia riaguaba lebi Jesucristu lhe gue Arquipo lhe. Labi nna tsitsiba dubi attiba ttu soldado, tsitsiba dubi rixxiꞌabi ca tisa gue Jesús attiba riꞌitu.

Filemón 1:2 Iomraidhean Croise

Romanos 16:1

Neti nna raca lasia quixxiꞌatia le gue benni nuila lá Febe ria le Jesús, labi nna ancabi ttu benni runbi sina gue Tata Do Iyyabaaha len ca benni ria le Jesús seꞌe lheꞌesi lá Cencreas.

Romanos 16:5

Gualgásiguaba ca benni ria le Jesús ritupa lheꞌe yoꞌo gue Priscila-na lenbi Aquila-na padiuxi cuenta quia. Gualgásiguaba Epeneto biꞌini racatia guebi-na padiuxi cuenta quia, labi ancabi biꞌini primero güia le ca tisa gue Cristu lheꞌesi lá Acaya.

1 Corintios 16:19

Ca benni ria le Jesús seꞌe lo yu gue Asia ridhelhacabi ttu padiuxi guele. Aquila lenbi Priscila, iyába ca benni ria le Jesús rittupa lheꞌe yoꞌo guecabiha lhe ridhelhacabi ttu padiuxi guele len siꞌi le gue Jesús.

Filipenses 2:25

Lebiꞌi udhelhale Epafrodito biꞌini ria le ca tisa gue Jesús attiba riꞌi qui unbi neti yuda leni nu reasatia. Labi nna runbi sina gue Tata Do Iyyabaaha len neti, tsitsiba seꞌetu attiba ttu soldado. Nnanna nna racatia tseeba anca edhelha biꞌin-ni len lebiꞌi attu libe.

Colosenses 4:15

Gualugüe ttu padiuxi ca benni ria le Jesús attiba riꞌi seꞌe lheꞌe yiesi Laodicea-na. Gualugüeguaba ttu padiuxi Ninfas-na lenbi adí ca benni ria le Jesucristu ritupa lheꞌe lisbi-na lhe.

Colosenses 4:17

Gualgási Arquipo-na unbi duelha unbi sina lhatsiru nu chi bodhaꞌana Jesús Benni bananie ri-na las nábi.