Filemón 1:10 - Zapoteco de Aloápam

¹⁰ Rinnaba lolu olábichilu Onésimo-ni. Lana ancana attiba xiꞌinia nnanna cumu güiaba leni atti utixxiꞌatia na ca tisa gue Cristu lheꞌe lisiyya atta tea-ni.

Filemón 1:10 Iomraidhean Croise

San Marcos 9:17

Ttu ca nu seꞌe nía nna unnettebana rána: —Maestro, daba neti lenia uncuiti quia-ni lo cuinalu, cumu yuꞌu lheꞌe cuerpu gueni ttu be xxegüi. Unná nna bittu rugüelhana innena.

Romanos 12:1

Larcala nna ca benni ria le Jesús, neti nna rinnaba len lebiꞌi gualunchi lo niꞌa gue Tata Do Iyyabaaha, gualutsadú itúttele lo Ben-na, attiba ttu úna gue ttu nu bani chi biriesi radi le Ben-na dhie baneda. Cumu unná anca nu radi le Tata Do Iyyabaaha unle loe itú iqui itú lele cuequi xenle Ben-na.

1 Corintios 4:14

Läga runia nu ria-ni lo sitsi ridhelha guele qui unia ettuinle. Runia unní lo sitsi qui leni unní nna rudúa elha rieni iquile. Rulisa le attiba xiꞌinia ca nu racatia guecani.

1 Corintios 4:15

Masquiba tseꞌe ttu tsii mil nu uleꞌenna le ca tisa gue Cristu, ttiaca läganu ixe tata guele seꞌe. Netiba anca tata guele lo neda gue Jesús Benni anque Cristu, de utixxiꞌatia le ca tisa gue Ben-na primero.

Gálatas 4:19

Ca xiꞌinto quia, lo niꞌa guele nna ruyúa elha disa attu libe attiba ttu nuila rutía lheꞌeni cuꞌu xiꞌinni. Anába usiguia satea axta liba isía sá innabia Cristuha lheꞌe lastoole.

Colosenses 4:9

Edhelhaguaba leni Tíquico-na biꞌini raquinri guebi lá Onésimo beaca lasbi lo yies guele-na, labi ancabi ttu benni ria le Jesús rudo tisa. Lacabi quixiꞌaquinbi le iyá nu raca nii.

1 Timoteo 1:2

Na ridhelha sitsi-ni guelu, xa Timoteo. Lu anca attisiba xiꞌinia de beleꞌetia lu ria lelu Jesús. Cuina Tata gueri do iyyabaaha lenie Jesucristu Benni bananie ri, aca lenque lu, satúa leque lu lhe unque dholu lhatsiru lhe.

Tito 1:4

Ridhelha sitsi-ni guelu xa Tito. Lu ancalu attiba ttu xiꞌinia, cumu neti beleꞌetia lu ria lelu Cristuha attiba ria lasia. Cuina Tata Do Iyyabaaha lanie Jesucristu Benni bodile ri, aca lenque lu lhe xen su le dholu lhe.

Filemón 1:11

Onésimo-ni nna ucabana ttu nu ttoꞌo lo sina bittu bixuuna lenlu ca tu ttuha, ttiaca nnanna nna chi ancana ttu nu ixuu lenlu lhe anáguaba len neti lhe.

Filemón 1:13

Neti nna gua racabatia odhaꞌana na len neti qui ixuutia na cuenta guelu laca tea lisiyya lo niꞌa gue de requia rixxiꞌaya ca tisa gue Jesucristuha.

3 Juan 1:4

Bitturu attu bixa te unna eyoꞌoxxatta lasia, atti reꞌo lasia runa ca benni ancacana attisiba xiꞌinba, seꞌecana rudocana tisa gue nu anca gualí rixxiꞌa ca tisa gue Tata Do Iyyabaaha.