Filemón 1:1 - Zapoteco de Aloápam

¹ Neti Pablo, tea lisiyya lo niꞌa gue de requia rixxiꞌaya ca tisa gue Jesús Benni anque Cristu, neti lania Timoteo biꞌini riaguaba lebi Jesucristuha ridhelhatu sitsi-ni gue cuinalu, xa Filemón. Lu ancalu biꞌini raquintu guelu, biꞌini runguaba sina gue Jesucristuha attiba riꞌitu lhe.

Filemón 1:1 Iomraidhean Croise

Hechos 16:1

Atti bisína Pablo deca lheꞌe yiesi Derbe nna utettebabi diabi deca lheꞌe yiesi Listra. Nía guattiꞌabi ttu benni chi ria lebi Jesús lábi Timoteo, xiꞌini ttu nuila Israel nu riaguaba leni Jesús. Tata guebiha nna ancabi benni Grecia.

1 Corintios 3:9

Neti Pablo lenia Apolos, irpabatu ancatu benni rixuu lo sina gue Tata Do Iyyabaaha. Lebiꞌi nna ancale attiba lo yu gue Ben-na nu runie sina loni, ancale attiba ttu yoꞌo die rucoe lhe.

2 Corintios 1:1

Neti Pablo anca apóstol chi gaꞌanani Jesús Benni anque Cristu iche ca tisa guee cumu anába bedaa le Tata Do Iyyabaaha unie. Irupaba Timoteo, biꞌini ria le Jesús attiba riꞌi, ridhelhatu sitsi-ni guele lebiꞌi ca benni chi anca gue Tata Do Iyyabaaha ritupa lheꞌe yiesi Corinto qui ribequi xenle Ben-na, lenle adí ca benni seꞌe riesi chi anca gue Tata Do Iyyabaaha seꞌe itúba lo yu gue Acaya.

Gálatas 3:26

cumu de chi ria lele Jesucristu, larcala iyábale ancale xiꞌini Tata Do Iyyabaaha.

Efesios 3:1

Lo niꞌa gue unnuha bunni nna neti Pablo tea lisiyya, de requia rixxiꞌatia le ca tisa gue Jesucristuha, lebiꞌi, ca benni bittu anca benni Israel.

Efesios 4:1

Neti Pablo biꞌini te lisiyya lo niꞌa gue de requia rixxiꞌaya ca tisa gue Jesucristu Benni bananie ri, rinnaba lenle gualtseꞌe gualuni nu anca tsee de chi ancale benni biaxi qui acale gue Tata Do Iyyabaaha.

Efesios 6:20

Cumu Tata Do Iyyabaahaba udhele neti qui aca benni quixxiꞌa ca tisa guee-na, lo niꞌa gue unnuha nna tea lisiyya. Gualnnaba len Benniha aca lanie neti qui bittu gastia quixxiꞌaya ca tisa guee-na, attiba daa loa unia.

Filipenses 1:1

Neti Pablo lenia Timoteo ancatu benni rixuutu lo sina gue Jesús Benni anque Cristu. Runtu lo sitsi-ni ridhelhatu gue iyábale ca benni chi anca gue Tata Do Iyyabaaha babale len Jesucristu seꞌe lheꞌe yiesi Filipos, len ca benni anca nu lo guele-na lhe ca benni beseꞌe qui uncabi le yuda lhe.

Filipenses 2:25

Lebiꞌi udhelhale Epafrodito biꞌini ria le ca tisa gue Jesús attiba riꞌi qui unbi neti yuda leni nu reasatia. Labi nna runbi sina gue Tata Do Iyyabaaha len neti, tsitsiba seꞌetu attiba ttu soldado. Nnanna nna racatia tseeba anca edhelha biꞌin-ni len lebiꞌi attu libe.

Filipenses 4:3

Anáguaba lu, biꞌini raca umpanieru quia, lu nu bittu rudhá iquilu neti lo sina gue Jesús, rinnaba lenlu unlu yuda ca benni nuila-ni. Ca biꞌin-ni nna tsitsiba guatecabi len neti utixxiꞌatu ca tisa gue Jesús, lencabi Clemente lhe adírba ca biꞌini bencabi neti yuda lhe. Ca biꞌin-ni nna chiba dia lácabi lo libro atta dia lá ca benni gatta elha nabani guecabi ttu dia lii iyyabaaha.

Colosenses 1:1

Neti Pablo anca apóstol benni chi gaꞌanani Jesús Benni anque Cristu iche ca tisa guee, cumu anába bedaa le Tata Do Iyyabaaha unie. Neti lenia Timoteo, biꞌini ria le Jesús attiba riꞌi,

Colosenses 4:11

Anáguaba Jesús, biꞌini láguaba Justo, ridhelhaguabi ttu padiuxi guele. Delo iyá ca benni Israel ria le Jesús, sunruba ca biꞌin-ni sela len ca benni runcabi riꞌitu yuda rixxiꞌatu gue gaxasná anca elha rinnabia gue Tata Do Iyyabaaha. Larbacabi gua rute elha xen lasi len neti.

1 Tesalonicenses 3:2

nianna udhelhattebatu betsiri Timoteo-na, biꞌini runi sina gue Tata Do Iyyabaaha, selaguabi riꞌitu rixxiꞌabi ca tisa gue Cristu itabi atta seꞌele-na qui useꞌetsitsibi le, uttipabi lele lhe. Anáchu nna tsiachatti lele Jesús,

2 Tesalonicenses 1:1

Neti Pablo, lenia Timoteo lhe Silvano lhe runtu lo sitsi-ni ridhelhatu guele, lebiꞌi ca benni ria le Jesús ritupa lheꞌe yiesi Tesalónica. Lebiꞌi chi ancale benni baba len Dios Benni anque Tata gueri lhe leni Jesucristu Benni bananie ri lhe.

2 Timoteo 1:8

Denuala nna bittu ettuinlu quixxiꞌalu ca tisa gue Benni bananie ri-na, lä ettúguabinlu quia de tea lisiyya lo niꞌa gue de rixxiꞌaya ca tisa gue Ben-na lhe. Delába unnuha nna betto bechía lo nu satelu de rixxiꞌalu ca tisa gue Jesús, attiba neti rutto ruchíaya. Tata Do Iyyabaaha nna guacaba lanie lu.

Filemón 1:23

Biꞌini lábi Epafras ridhelhabi ttu padiuxi guele. Labi ancabi ttu benni te lania lheꞌe lisiyya-ni lo niꞌa gue de requibi rixxiꞌabi ca tisa gue Jesús Benni anque Cristu.

Filemón 1:24

Anáguaba Marcos, lenbi Aristarco lhe Demas lhe Lucas lhe ridhelhaguabacabi ttu padiuxi guele. Lacabi ancacabi ca biꞌini runguaba sina gue Jesucristu attiba neti.

Filemón 1:9

cumu de racatia guelu nna tseerla anca lhatsirba innába lenlu. Neti Pablo, chiba anca benniola, niba tea lisiyya lo niꞌa gue de requia rixxiꞌaya ca tisa gue Jesús Benni anque Cristu.