Apocalipsis 9:2 - Zapoteco de Aloápam

² Atti udhali nua roꞌo beleaha nna biríatteba seni roꞌo nua attiba seni riría iqui ttu ornu xeni. Seni biría lheꞌe beleaha nna ttuttíru bochulha nua lo tatubisa-na lhe bochulha nua be-na lhe.

Apocalipsis 9:2 Iomraidhean Croise

Hechos 2:19

Ulheꞌeguaba elha reban xxen leri iyyabaaha lhe aníaguaba aca yies lo yu-ni lhe. Ilali reni lhe ite lhe chadha bea seni lhe;

Apocalipsis 14:11

Seni riría gue atta yuꞌu ca nu yuꞌu lo elha disaha nna tsaba riría nua ttu dia liiba. Ttu tsaba bittu edí le ca nu uxí senni gue lá nimala biría lheꞌe indattooha, ca nu udú xibicani lo nua lhe lo mentu anca attiba unnuha lhe rela resába itecana.

Apocalipsis 16:10

Nu gayu ingeliha nna belalittebabi nu taꞌa lheꞌe copa denbiha lo xxila atta do nimala biría lheꞌe indattoo-na rinnabiana. Lania nna bechulhatteba itúba atta rinnabiana. Ca benni nna royaꞌani lhusacani de yatterba de nu ratecana.

Apocalipsis 8:12

Atti becuesi ingeli betapaha trompeta denbiha nna a saroꞌoba la uca rulha gue tatubisa-na lhe nanto beo-na lhe bechulha locani, a saroꞌoguaba la uca yaba salhe ca beli-na lhe bitturu bedáni. Larcala nna a saroꞌoba la uca rulha gue nu anca resá-na bechulha, aníaguaba rela-na lhe.

Apocalipsis 9:1

Nu uca gayu ingeliha nna becuesibi trompeta denbiha. Neti nna beleꞌettebatia ttu beli do iyyabaaha biríana binnana yies lo yu. Unnuha nna uxína yagüi qui idhalna roꞌo belea nu anca chulha lheꞌeniha.

Apocalipsis 9:11

Ingeli banani belea anca chulha lheꞌeniha nna ancana nu rinnabia gue ca nu anca attiba uxxaruha. Unnuha nna te láni leni tisa hebreo Abadón, leni tisa griego nna te láni Apolión.

Apocalipsis 9:17

Aní beleꞌetia ca coayuha lhe ca nu do cuꞌe ca nua lhe: Ca soldadoha nna ta roꞌo lastoocani iyya ancana xinaa attiba gui, azul attiba iyya nu te láni jacinto lhe yatsi attiba azufre lhe. Ca coayuha nna anca iquicani attiba iqui besi, roꞌocani nna riría gui belha lhe seni lhe azufre lhe.