Apocalipsis 8:5 - Zapoteco de Aloápam

⁵ Ingeliha nna bedaxxuttebabi besíuha bodisábi na bexura gui re lo becoaha, atti bedelhabi nua yies lo yu. Nianna utsá teba lhe uyuꞌu betteba lhe gopitteba edha lhe bixútteba lhe yies lo yu.

Apocalipsis 8:5 Iomraidhean Croise

San Mateo 24:7

Cumu ttu yiesi xeni len attu yiesi xeni itilha len loescani, ttu nu rinnabia leni attu nu rinnabia itilha len loescani. Gatti laduba gue yies lo yu-ni ixúxxatta, aca ubina lhe isíaguaba ixe lo isagüe gue ca benni lhe.

San Lucas 12:49

’Neti nna delha unia dho gui yies lo yu-ni, nu racaru lasia nna ttirca chila udona gui.

Hechos 16:26

Attirba chi bixú idí, ttuttíru bitá axta lo cimientu gue lisiyyaha, atti xeaba beali ca puerta yaya roꞌo ca yoꞌo sia lheꞌe lisiyya. Nianna iyába ca nu te lisiyyaha beasi ca cadena xicacanaha.

Hechos 4:31

Uluxaba unnecabi leni Tata Do Iyyabaaha nna attirba chi bixú atta seꞌecabiha. Lania nna utaꞌatteba Espíritu gue Tata Do Iyyabaaha lheꞌe itúba cuerpu guecabi, atti udulottebacabi utixxiꞌacabi itú iqui itú lecabi ca tisa gue Tata Do Iyyabaaha.

Apocalipsis 11:13

La uratteba nna bixú lha bixú juisiaba, larcala nna tsii gue delo ttu ttu gayua ca yoꞌo sia lheꞌe yiesiha biseꞌe lo. Gasi mil benni utti. Iyába ca nu beꞌana bittu uttiha nna rasi juisiabaquinna rácana Tata Benni Do Iyyabaaha: “¡Lu ancalu Benni ra xxeni leni!”

Apocalipsis 11:19

Nianna bealitteba yotu gue Tata Benni Do Iyyabaaha. Lheꞌe yotuha bilá xua iꞌina atta yuꞌu ca sitsi atta dia ca tisa bodhaꞌan tsitsie leni ca benni Israel. Lania nna gopitteba edha, uyuꞌu be lhe utsá lhe bixú lhe urexxatta iyya lhe.

Apocalipsis 4:5

Atta du xxila do benni rinnabiaha nna riría edha lhe ruꞌu be lhe ratsa lhe. Daca lo xxila atta do Benniha nna sia gasi ca yanalha gui ralha. Ca guiha nna ancaque gasi espíritu rixuuque lo sina gue Tata Do Iyyabaaha.

Apocalipsis 6:12

Atti betseꞌe lo Benni anca Carneꞌeha nu xxupa sellu re roꞌo sitsiha nna beleꞌettebatia bixú idíru. Tatubisa-na nna beacattebe yadhi attiba ttu lari yu. Nanto beo-na nna beacatteba itúbe xinaa attiba reni,

Apocalipsis 8:3

Dequide unnuha nna bisía attu ingeli udúbi atta do becoaha denbi ttu besíu ancana leni oro. Labi nna uxíbi xxeniru yala qui utseelabi nua ca tisa gue iyába ca benni chi anca gue Tata Do Iyyabaaha rulisacabi Benniha qui uttebi na lo becoa anca leni oro do daca atta du xxila do Benni rinnabiaha.