Apocalipsis 8:3 - Zapoteco de Aloápam

³ Dequide unnuha nna bisía attu ingeli udúbi atta do becoaha denbi ttu besíu ancana leni oro. Labi nna uxíbi xxeniru yala qui utseelabi nua ca tisa gue iyába ca benni chi anca gue Tata Do Iyyabaaha rulisacabi Benniha qui uttebi na lo becoa anca leni oro do daca atta du xxila do Benni rinnabiaha.

Apocalipsis 8:3 Iomraidhean Croise

San Lucas 1:10

Laca rite yalaha nna ixeru ca benni seꞌe lheꞌeliꞌa gue yotuha rinnecabi len Tata Do Iyyabaaha.

Romanos 8:34

Nianna ¿nú nua eyaxinna udelha iyyan ri? Nuttuba xa. Cumu cuinaba Jesucristuha uttie cuenta gueri, güeaniba beacanie lhe lee nna doe daca lhuitta derechu gue Tata Do Iyyabaaha rinnabe lo Benniha aca lanie ri.

Hebreos 7:25

Denua nna raca gue Jesús rodile ca benni ttu tsaba, ca nu dia ribiga lo Tata Do Iyyabaaha de chi ria lecani Jesús, Ben-na anque Benni do ttu dia liiba, satíaba rinnabe aca len Tata Do Iyyabaaha ca benni.

Hebreos 9:4

Nía udo ttu becoa anque leni oro, lo Benniha nna rite yala. Níaguaba te iꞌina te lee Iꞌina Atta Yuꞌu Ca Tisa Bodhaꞌan Tata Do Iyyabaaha. Itúba iꞌinaha tabie oro. Lheꞌe benniha yuꞌu ttu yedhu chicaꞌa ancaguabana leni oro, atta yuꞌu elha go te láni maná. Lheꞌe iꞌinaha yuꞌu garroti gue Aarón nu beꞌeyu lhaga latiniha, ca iyya bata atta dia ca tisa bete Tata Do Iyyabaaha len ca benni Israel lhe.

Apocalipsis 10:1

Beleꞌeguabatia attu ingeli ancabi benni ra xxeni lee biríabi iyyabaaha dabi guadibi tubibi ttu bea. Iquibi nna du ttu arco iris, lobi nna riguꞌuna xieni attiba tatubisa-na, ca niꞌabi nna ancacana attiba belha gue gui.

Apocalipsis 14:18

Atta do becoaha nna biría attu ingeli banani gui. Biꞌin-ni nna unnebi idisa belisabi ingeli deni iyyarsela ria roꞌoniha rábi biꞌiniha: ―Bedaxxu iyyarsela ria roꞌoni guelha nna uchú ca resimu nalha lo ca ya besuli daa yies lo yu, cumu chiba ancacana ya.

Apocalipsis 5:8

Atti bedaxxu Benni anque Carneꞌeha sitsiha nna itapaba ca nu baniha lencabi ttapa erúa (24) ca benniolaha nna bedútteba xibicabi lo Benni anque Carneꞌeha. Iyába ca biꞌiniha dencabi nu rulha lencabi te láni arpa, denguabacabi ttuttu copa ancacana leni oro, sa ticana yala. Yalaha nna ancana ca tisa gue ca benni chi anca gue Tata Do Iyyabaaha rulisacabi Benniha.

Apocalipsis 6:9

Atti betseꞌe lo Benni anque Carneꞌeha nu gayu sellu re roꞌo sitsiha nna beleꞌettebatia becoa do iyyabaaha. Xaniꞌa becoha nna seꞌe ca benni betticana de güequicabi utixxiꞌacabi ca tisa gue Tata Do Iyyabaaha, de ucacabi benni bedo tisa utixxiꞌa nu anca gualí gue Jesús lhe.

Apocalipsis 7:2

Beleꞌeguabatia attu ingeli dabi daca atta riría tatubisa-na denbi sellu gue Tata Do Iyyabaaha Benni doe banie. Ingeli-ni nna uresiꞌenbi idisa itapaba ca ingeli chi uxícabi derechu qui bixa udhacacabi yies lo yu lhe indattoo-na lhe nianna rábi cabi:

Apocalipsis 8:4

Las ná ingelihaba yuꞌu besíuha riría seni gue yala yuꞌu lheꞌeniha ropina risinna lo atta do Tata Do Iyyabaaha, itupa lenna ca tisa gue ca benni chi anca gue Ben-na rulisacabi Ben-na.

Apocalipsis 8:5

Ingeliha nna bedaxxuttebabi besíuha bodisábi na bexura gui re lo becoaha, atti bedelhabi nua yies lo yu. Nianna utsá teba lhe uyuꞌu betteba lhe gopitteba edha lhe bixútteba lhe yies lo yu.

Apocalipsis 9:13

Atti becuesi nu uca xxupa ingeliha trompeta denbiha nna bienttebatia tsiꞌi ttu benni dabi daca atta sia ttapa ca sittiqui sia itapa ladu squina gue becoa anca leni oro do lo Tata Do Iyyabaaha.