Apocalipsis 8:12 - Zapoteco de Aloápam

¹² Atti becuesi ingeli betapaha trompeta denbiha nna a saroꞌoba la uca rulha gue tatubisa-na lhe nanto beo-na lhe bechulha locani, a saroꞌoguaba la uca yaba salhe ca beli-na lhe bitturu bedáni. Larcala nna a saroꞌoba la uca rulha gue nu anca resá-na bechulha, aníaguaba rela-na lhe.

Apocalipsis 8:12 Iomraidhean Croise

San Mateo 24:29

’Cuantusiba tte ca sá atti uyú ca benni seꞌe yies lo yu-ni elha disaha nna echulhatteba lo tatubisa-na, lo nanto beo-na lhe bitturu cuꞌuna xieni. Ca beli-na iyinnabacana lo yu, iyába ca nu ra xxeni leni seꞌe lo bea-na ixidicana.

San Mateo 27:45

Desdeba retin tsiꞌinu (12) resá bechulha itúba yies lo yu, axtaba retin tsunna ulha.

San Marcos 13:24

’Lania nna dequide tte ca sá atti uyú ca benni seꞌe yies lo yu-ni elha disaha nna echulhatteba lo tatubisa-na, lo nanto beo-na lhe bitturu cuꞌuna xieni.

San Marcos 15:33

Desdeba retin tsiꞌinu (12) resá bechulha itúba yies lo yu, axtaba retin tsunna ulha.

San Lucas 21:25

’Lania nna aca ttu nu aca lo tatubisa-na, lo nanto beo-na lhe len ca beli-na lhe. Ca benni seꞌe yies lo yu-ni nna aca guatexxattaquinna gasixxattaquinna lhe de cuꞌu bexxatta idisa tsiꞌi indattoo-na, de dhulíxxatta loni lhe.

Hechos 2:20

tatubisa-na nna echulha loni, nanto beo-na nna eyacana xinaa attiba reni atti chi deoba isía sá esía Benni bananie ri-na, sáha ancana sá xeni, sá eban le benni lhe.

2 Corintios 4:4

Nu xxegüi anca dios rinnabia yies lo yu-ni bochulhana elha rieni gue ca benni bittu ria le Tata Do Iyyabaaha. Benna cana attiba nu xua loni qui bittu iláquinna xieni gue ca tisa gue Jesús, delába bittu sadú lecani nu rá ca tisa riguixxiꞌa gue nu xxeni ra le Jesús Benni anque Cristu. Lee anque attiga anca Tata Do Iyyabaaha.

Apocalipsis 12:4

Leni xubanniha nna ure naꞌayana a saroꞌoba la uca yaba salhe ca beli sia lo bea-na, atti bedelhan cana lo yu. Nimala xxegüiha nna udúttebana lo nuila cuꞌu xiꞌinniha qui gona xiꞌini nua cuantusi galna.

Apocalipsis 16:10

Nu gayu ingeliha nna belalittebabi nu taꞌa lheꞌe copa denbiha lo xxila atta do nimala biría lheꞌe indattoo-na rinnabiana. Lania nna bechulhatteba itúba atta rinnabiana. Ca benni nna royaꞌani lhusacani de yatterba de nu ratecana.

Apocalipsis 6:12

Atti betseꞌe lo Benni anca Carneꞌeha nu xxupa sellu re roꞌo sitsiha nna beleꞌettebatia bixú idíru. Tatubisa-na nna beacattebe yadhi attiba ttu lari yu. Nanto beo-na nna beacatteba itúbe xinaa attiba reni,

Apocalipsis 9:15

Laniala nna udhasie itapaba ca ingeli chi seꞌe tsee ribeda isía ura lhe sá lhe beo lhe ida lhe qui utticana a saroꞌoba la aca salhe ca benni seꞌe yies lo yu.

Apocalipsis 9:18

Lo elha disa bete gui belha biría roꞌo ca coayuha lhe seniha lhe azufreha lhe a saroꞌoba la uca yaba salhe ca benni seꞌe yies lo yu utti.