Apocalipsis 8:1 - Zapoteco de Aloápam

¹ Atti betseꞌe lo benni anque Carneꞌeha nu gasi sellu re roꞌo sitsiha nna síba beaca iyyabaaha attiba tu salhe ura.

Apocalipsis 8:1 Iomraidhean Croise

San Mateo 27:66

Lania nna güiattebacana gualhequi tsitsicana iyya nu yaya roꞌo baaha, beseꞌeguabacana ca soldado qui uyú tsitsicana roꞌo nua lhe.

Apocalipsis 5:1

Neti nna beleꞌetia ttu sitsi tubi deni Benni rinnabia do lo xxilaha leni ná derechu guee. Sitsiha nna lo cuꞌebe anca letra, roꞌo atta riluxa tubi sitsiha nna re gasi sellu qui nuttu nu idhalna loni.

Apocalipsis 5:9

Lacabi nna rulhacabi ttu cantu cubi rácabi benni anque Carneꞌeha: Lu ancalu Benni elha ralhalu udaxxulu sitsi-na, cualu ca sellu re roꞌo sitsi-na lhe. Cumu lu nna bettican lu, leni reni gueluha nna bodilálu iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe qui acacana gue Tata Do Iyyabaaha.

Apocalipsis 6:1

Neti nna beleꞌetia atti betseꞌe lo Benni anca Carneꞌeha sellu primero gue delo gasi ca sellu re roꞌo sitsiha. Nianna bienttebatia tsiꞌi ttu ca nu delo ttapa ca nu baniha rábi: ―¡Utá, begüia! Tsiꞌibiha nna bienina attiba rieni atti ruꞌu be.

Apocalipsis 6:12

Atti betseꞌe lo Benni anca Carneꞌeha nu xxupa sellu re roꞌo sitsiha nna beleꞌettebatia bixú idíru. Tatubisa-na nna beacattebe yadhi attiba ttu lari yu. Nanto beo-na nna beacatteba itúbe xinaa attiba reni,

Apocalipsis 6:3

Atti betseꞌe lo Benni anca Carneꞌeha berupa sellu re roꞌo sitsiha nna bienttebatia tsiꞌi nu bani berupaha rábi: ―¡Utá, begüia!

Apocalipsis 6:5

Atti betseꞌe lo benni anca Carneꞌeha nu beyonna sellu re roꞌo sitsiha nna bienttebatia tsiꞌi nu bani beyonnaha rábi: ―¡Utá, begüia! Atti begüiaya nna beleꞌettebatia ttu coayu yadhi. Nu do cuꞌe nua nna denna ttu xia libra.

Apocalipsis 6:7

Atti betseꞌe lo benni anca Carneꞌha nu betapa sellu re roꞌo sitsiha nna bienttebatia tsiꞌi nu bani betapaha rábi: ―¡Utá, begüia!

Apocalipsis 6:9

Atti betseꞌe lo Benni anque Carneꞌeha nu gayu sellu re roꞌo sitsiha nna beleꞌettebatia becoa do iyyabaaha. Xaniꞌa becoha nna seꞌe ca benni betticana de güequicabi utixxiꞌacabi ca tisa gue Tata Do Iyyabaaha, de ucacabi benni bedo tisa utixxiꞌa nu anca gualí gue Jesús lhe.