Apocalipsis 7:12 - Zapoteco de Aloápam

¹² Lacabi nna rácabi: ¡Amén! Lu ulhatu guelu lhe innátu: “Lu ancalu Benni ra xxeni leni lhe ancalu Benni te elha rieni gueni yulu iyáxea lhe len cuinalu rutetu xquixaru lhe lu ancalu benni gapatu respeto lhe ancalu benni ra tsitsi leni lhe benni runi tsitsi lhe. Aná cuequixxentu lelu ttu dia lii.” ¡Amén!

Apocalipsis 7:12 Iomraidhean Croise

San Mateo 6:13

Bittu ugüelhalu ixúyietu untu nu lä anca tsee. Bodilá riꞌitu lo ná nu xxegüiha. [Cumu cuinalu nna satíaba ancalu Benni rinnabia lhe Benni ra xxeni leni lhe Benni ralha cue xeni le ttu dia lii lhe. Amén.]

Romanos 11:36

Cumu Tata Do Iyyabaahaba benie iyába, labe rute elha naban guecani lhe guebe ancacana lhe. Larcala ¡Ben-na cuequi xeni lee ttu dia lii! Amén.

1 Corintios 14:16

Cumu gansi lu rutelu xquixaru leni Tata Do Iyyabaaha len espíritu guelha, ¿tti modu ecabi benni bittu chi yu tsee gue nu runluha innábi: “Amén” gue nu rutelu xquixaruha gan läga radú lebi gue bix nua ráluha?

2 Corintios 4:15

Iyábunna ratetu de runtu salía tseenle, qui attiba ixeru benni dia ridí elha tsee rute Tata Do Iyyabaaha de rienquinbi ca tisa gue Ben-na, aníaguaba ixeguaba benni utecana xquixaru len lee, innácana: “Lu ancalu Benni ra xxeni leni.”

Colosenses 2:7

Tsitsi gualtseꞌe lo neda gue Ben-na, itú iqui itú lele gualtsia lele Ben-na lhe gualtseꞌe gualuni attiba chi bidetile lhe bittu udú sile ugüele Tata Do Iyyabaaha ixquixarue lhe.

Colosenses 3:17

Exxa lele Jesús Benni bananie ri-na, atti unle ttu bixa o innele lhe cumu de Benniha nna rugüele Tata Do Iyyabaaha ixquixaru.

Judas 1:25

Tturba Ben-na do anque Dios te elha rieni guee. Lee bodile ri de nu guate Jesucristuha. Tata Do Iyyabaaha anque Benni ra xxeni lee, Benni ruꞌu xieni gaꞌana tsee guee lhe Benni ra tsitsi lee lhe Benni rinnabia lhe. Anába anque atti deobali cue yies lo yu-ni, anába anque nnanna lhe anába aque ttu dia liiba lhe. Amén.

Apocalipsis 1:18

anca Benni do baniha lhe. Neti nna uttiba, ttiaca nnanna nna anca Benni anca bani ttu dia lii. Neti denia ca yagüi gue elhuttiha, gue atta seꞌe ca nu yatti-na lhe.

Apocalipsis 19:4

Iyába ttapa erúa (24) ca benniolaha lencabi ttapa ca nu baniha nna bedú xibicabi lo Tata Do Iyyabaaha benni do lo xxila rinnabie, axta liba binna lo xeacabi lo atta seꞌecabiha, nianna rácabi Benniha: ¡Amén! ¡Aleluya!