Apocalipsis 5:9 - Zapoteco de Aloápam

⁹ Lacabi nna rulhacabi ttu cantu cubi rácabi benni anque Carneꞌeha: Lu ancalu Benni elha ralhalu udaxxulu sitsi-na, cualu ca sellu re roꞌo sitsi-na lhe. Cumu lu nna bettican lu, leni reni gueluha nna bodilálu iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe qui acacana gue Tata Do Iyyabaaha.

Apocalipsis 5:9 Iomraidhean Croise

San Mateo 20:28

Attiba neti, Benni unbiyuu daa iyyabaaha, läga delha yies lo yu-ni qui udá ná ca benni loa, sinuqui delhaba qui udá náya lo ca benni, gattia utea elha nabani quia qui lhá ixeru ca benni qui bittu tsia nitticana lhe.

San Mateo 26:28

cumu ben-ni anque reni quia. Len ben-ni eyaꞌan tsitsi ca tisa cubi chi begüee Tata Do Iyyabaaha len ca benni. Reni quia-ni nua ilali lo niꞌa gue ixe ca benni qui dhi Tata Do Iyyabaaha elha xen lasi gue ca tulha guecani.

Hechos 20:28

Larcala nnanna nna rulisa le, gualtseꞌe tsitsi, gualuyú ca benni ruleꞌenle nna atta chi bodú Espíritu gue Tata Do Iyyabaaha le acale nu lo gue ca biꞌin-na. Attiba ttu benni rapa carneꞌe tsitsi gualuyú ca benni chi anca gue Jesús, cumu leni reni belali Benniha lo ya crusiha nna benie aca ca biꞌin-na guee.

1 Corintios 6:20

cumu lebiꞌi nna len nu te lidhaca-ni uyoꞌo Tata Do Iyyabaaha le. Larcala nna gualuni nu anca tsee len ca cuerpu guele-na, qui cuequi xen le Tata Do Iyyabaaha.

1 Corintios 7:23

Leni nu te lidhacani uyoꞌe le. Denua nna bittu dhielhale acale nu ttoꞌo lo sina gue ca benni.

Efesios 1:7

Leni reni gue Benniha nna bodilá Tata Do Iyyabaaha ri, uxíe elha xen lasi gue ca tulha gueri lhe. Análi de xxeni anca elha tsee gue Tata Do Iyyabaaha.

Efesios 5:19

Gualuttipa le loesle len ca salmo-na, gualulha gue Tata Do Iyyabaaha lhe. Itú iqui itú lele gualulha gue Jesús, Benni bananie ri-na,

Colosenses 1:14

Leni elhutti gue Benniha bodile ri qui bittu tsia nittiri, anía liba nna uxí Tata Do Iyyabaaha elha xen lasi gue iyá nu lä anca tsee benri.

Colosenses 1:23

Larcala raca duelha usiguile tseꞌe tsitsile leni nu chi güia lele. Tsa bittu udhanle uxxen lele edí baale nu rá ca tisa gue Jesús chi bieninle. Ca tisa-na ben-na chi runa ca benni seꞌe biꞌa cana yies lo yu-ni. Neti Pablo anca benni bodú Tata Do Iyyabaaha quixxiꞌaya ca tisa guee-na.

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

Hebreos 11:14

Ca benni rinne aná nna lhixxa suba ruleꞌe locabi lacabi nna requibacabi reguilabacabi yiesi nu anca lascabi.

2 Pedro 2:1

Ttiaca anáguaba useꞌe ca güen lasi rá dequi ancacana profeta gue Tata Do Iyyabaaha len ca benni Israel, anáguaba nnanna tseꞌeguaba ca maestru güen lasi len lebiꞌi. Ca unná nna sigába uleꞌecana nu uni tsia nitti benni, aná nna riguꞌu niꞌacani Benni bananie ri-na, Benni bodile cana qui bittu tsia nitticana, unnuha uni nna sattitte dia nitti la labacana.

1 Juan 1:7

Ttiaca gansi seꞌebari lheꞌe xieni attiba Tata Do Iyyabaaha doe lheꞌe xieni, lania nna guaseꞌe tseeba len loesri. Reni gue Xiꞌinie Jesucristuha nna cue itú recha nu bittu anca tsee runri lo Tata Do Iyyabaaha.

1 Juan 2:2

Lee nna berú iqui berú lee uttie, cumu leni elhutti gue Benniha liba nna bebe nu risaꞌani Tata Do Iyyabaaha, anía liba nna dhie elha xen lasi gue ca tulha gueri. Bittu sunru riꞌi dhie elha xen lasi gueri, anáguaba dhie elha xen lhasi gue ca tulha gue ca benni seꞌe yies lo yu lhe.

Apocalipsis 10:11

Nianna bientia rá ttu benni neti: ―Raca duelha quixxiꞌalu attu libe gue nu chi gaꞌana sate ixeru ca benni seꞌe lheꞌe ca yiesi seꞌe yies lo yu, ca benni rinne iyáloba tisa lhe ca nu rinnabia seꞌe yies lo yu lhe.

Apocalipsis 11:9

Delo tsunna ubisa nalha nna iyáloba benni lhe ca benni rinne iyáloba tisa lhe iyáxeaba ca benni seꞌe lheꞌe iyába ca yiesi seꞌe itúba yies lo yu lhe iláquinna ca benni yattiha. Lacana nna bittu ugüelhacana igatsi ca biꞌiniha.

Apocalipsis 13:7

Uxíguana derechu itilhana lenna ca benni gue Tata Do Iyyabaaha, dhana locabi lhe. Uxíguabana derechu acana nu innabia iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe.

Apocalipsis 13:8

Iyába ca benni seꞌe yies lo yu udú xibicani lo nimala biría lheꞌe indattooha. Ca unnuha nua desdeba atti ure yies lo yu bittu dia lácani lo libro gue benni anca Carneꞌe betticanaha. Lo libroha nua dia lá ca benni gatta elha nabani guecani ttu dia lii.

Apocalipsis 14:6

Beleꞌeguabatia ttu ingeli requibi lo be rulha xeaba gue lo bea-na, chebi ca tisa gue Jesús ca benni ttu dia liiba te lidhacaque qui quixxiꞌenbi ca benni seꞌe yies lo yu, iyáxeaba ca benni seꞌe lheꞌe iyába ca yiesi lhe iyáloba benni lhe ca benni rinne iyáloba tisa lhe.

Apocalipsis 15:3

Nianna rulhacabi cantu bilha Moisés biꞌini bixuu lo sina gue Tata Do Iyyabaaha, cantu bilha Benni anque Carneꞌeha lhe rácabi: Xxeniba anca ca nu runlu, tsitsiba rebanintu atti rilentu cana xa Tata Do Iyyabaa Benni ra tsitsi leni, Lu ancalu Benni rinnabia ca benni seꞌe lheꞌe ca yiesi seꞌe yies lo yu, ancalu Benni runi nu anca lhixxa lhe nu anca gualí lhe.

Apocalipsis 17:15

Ráguaba ingeliha neti: ―Ca inda nu bilenlu do nuila requi rutesa latin-na locani nna ancacana iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe.

Apocalipsis 4:11

Tata guetu do iyyabaa Benni bananie riꞌitu, lu ancalu Benni ralhalu gátu lu Benni ra xxeni lee lhe Benni ra tsitsi lee lhe Benni ralha gapatu respeto lhe cumu cuinalu benlu iyába nu seꞌe. Cuinalu uca lelu useꞌecana lhe ucacana lhe.

Apocalipsis 5:12

nianna rinnecabi idisa rácabi: Benni anque Carneꞌe betticanaha, Ben-na elha ralhe cuequi xenri lee cumu anque Benni ra tsitsi lee, anque Benni uxí elha tsee te gue Tata Do Iyyabaaha lhe anque Benni te elha rieni guee lhe anque Benni te fuerza guee lhe. Ben-na elha ralhe gaparie respeto, gárie: “Lu ancalu Benni ra xxeni lee lhe Benni udú xibitu lolu lhe.”

Apocalipsis 5:6

Nianna beleꞌetia rulha gue atta du xxila do Benni rinnabiaha, rulha gue ttapa ca nu baniha lhe rulha gue ttapa erúa (24) ca benniolaha lhe du ttu carneꞌe ruleꞌe chi betticane, sia gasi sittiquie, gasi iyya loe lhe. Ca gasi iyya lo Benniha nna ancaque gasi ca espíritu rixuu lo sina gue Tata Do Iyyabaaha udhelhe itúba yies lo yu.