Apocalipsis 5:5 - Zapoteco de Aloápam

⁵ Laniala nna rá ttu ca benniola sela ca benni ttapa erúaha (24) neti: ―Bitturu cueslu. Begüiarga, Benni ra xxeni lee te lee Besi gue ca benni datía biꞌini lá Judá, benni datíaguaba David, Ben-na chi ude lo ca nu lä raca uyúcane. Lee elha ralhee cue gasi ca sellu re roꞌo sitsi-na, idhalie loni lhe.

Apocalipsis 5:5 Iomraidhean Croise

San Lucas 23:28

Ttiaca Jesús bodequi loe begüie cana, nianna re cana: —Ca nuila gue yiesi Jerusalén, bittu cuesle quia, guele gualcuesi, gue ca xiꞌinle-na lhe.

San Lucas 7:13

Atti biláni Jesús nuilaha nna guatúatteba lee nua, nianna re na: —Bittu cueslu.

San Lucas 8:52

Iyába ca benni seꞌe nía ribescana lhe seꞌe siꞌicana lhe gue nuiltoha. Ttiaca Jesús nna unnee re: —Bittu cuesle. Läga utti unná. Tiꞌedhi bunna.

San Juan 20:13

Ca ingeliha nna unnaba tisacabi rácabi: —Xa nuila du-na, ¿biaca ribeslu? Labi nna becabibi rábi: —Cumu dechebacana Benni bananie neti. Neti nna bittu yua gaxa guacaꞌancane.

Romanos 1:3

Ca tisa-ni nna rixxiꞌaque gue Xiꞌinie Jesucristu Benni bananie ri. Atti bita Benniha yies lo yu-ni uque Benni attiba riꞌi, datie David.

Romanos 15:12

Rinneguaba profeta Isaías attu re lo ca sitsi gue Tata Do Iyyabaaha rábi: Isía ttu Benni datía Isaí, Benniha innabie ca benni bittu anca benni Israel, lacana nna uxxen lecani Benniha.

Hebreos 7:14

Chiba yuri, lee anque benni datía attu cue ca benni Israel datía Judá. Masquiba atti unne Moisés gue nupa aca bixxudi, tsa lägabi rábi gansi aca ca biꞌiniha bixxudi.

Apocalipsis 1:1

Ca tisa dia lo sitsi-ni rixxiꞌa gue nu beni Tata Do Iyyabaaha beleꞌeni Jesús, qui lee nna unie uleꞌeni ca benni rixuu lo sina guee gue nu chi daa ribiga aca. Jesucristuha nna udhelhe ttu ingeli guee qui beleꞌe lobi iyá unní len neti Juan biꞌini rixuu lo sina guee.

Apocalipsis 22:16

“Neti, Jesús, udhelha ingeli quia-ni qui quixxiꞌenbi le, lebiꞌi ca benni ria lele neti iyá unní. Neti anca Benni datía David. Anca attiba beli raca galha riria ca dila-na lhe.”

Apocalipsis 3:21

Ca benni dhacana uchíacana lo iyá nu satecana lo niꞌa quia, neti nna unia qui cuiacana len neti lo xxila atta doa rinnabiaya, attiba neti chi udáya, denuala nna doa lenia Tata quia-ni lo xxila atta doe rinnabie.

Apocalipsis 4:10

Iyába ttapa erúa (24) ca benniolaha rudú xibicabi lo Benni do lo xxilaha Benni ttu tsaba anca banie, qui rutsá locabi Benniha. Atti ribeattebacabi ca corona guecabiha rudelhacabi ca nua lo Benniha, nianna rácabi:

Apocalipsis 4:4

Beleꞌeguabatia a ttapa erúa (24) xxila seꞌe sabiꞌaba xxila atta do Benni rinnabiaha. Lo ca nua nna sia ttapa erúa ca benniola nucu xo sitsi guecabi yuꞌu corona anca leni oro iquicabi lhe.

Apocalipsis 5:4

Neti nna uresixxatta, cumu nuttu nu benni bisela te elha ralhabi idhalbi lo sitsiha, ni de ulababi nu dia lo nua lhe.

Apocalipsis 6:1

Neti nna beleꞌetia atti betseꞌe lo Benni anca Carneꞌeha sellu primero gue delo gasi ca sellu re roꞌo sitsiha. Nianna bienttebatia tsiꞌi ttu ca nu delo ttapa ca nu baniha rábi: ―¡Utá, begüia! Tsiꞌibiha nna bienina attiba rieni atti ruꞌu be.

Apocalipsis 7:13

Ttu ca benniolaha nna unnaba tisabi neti rábi: ¿Núnna ca nu nucu xo sitsi guequinna? ¿Ga ladu daa ca unná?