Apocalipsis 5:1 - Zapoteco de Aloápam

¹ Neti nna beleꞌetia ttu sitsi tubi deni Benni rinnabia do lo xxilaha leni ná derechu guee. Sitsiha nna lo cuꞌebe anca letra, roꞌo atta riluxa tubi sitsiha nna re gasi sellu qui nuttu nu idhalna loni.

Apocalipsis 5:1 Iomraidhean Croise

Apocalipsis 10:2

Las nábi nna yuꞌu ttu sitsi güexxa du yali loni. Niꞌa derechu guebi nna bedúbi lo indattoo-na, niꞌa rabesa guebi nna bedúbi lo yu.

Apocalipsis 4:3

Benni do lo nua nna ruleꞌe attiba iyya xcaragalha te láni jaspe lhe cornalina lhe. Sa biꞌaba xxilaha nna yequi ttu arco iris raca galhana attiba ttu iyya te láni esmeralda.

Apocalipsis 4:9

Gansi chi rá ca nu baniha Benni do lo xxilaha, Benni ttu dia liiba anca banie: “¡Xquixabalu xa tata, lu ancalu Benni ra xxeni leni lhe Benni satía gapatu respeto lhe!”

Apocalipsis 5:13

Bienguabatia rinne iyába ca nu beni Tata Do Iyyabaaha seꞌe iyyabaaha lhe ca nu seꞌe yies lo yu lhe ca nu yuꞌu lhiꞌu yu lhe ca nu requi lheꞌe indattoo-na lhe. Iyábacana rácana: Benni rinnabia do lo xxila-na lenie Benni anque Carneꞌe-na, ralhaque cuequi xenri leque, gapari que respeto lhe. Ralhaque gári que laque ancaque benni ra xxeni lee lhe Benni rinnabia xeni ttu dia liiba lhe.

Apocalipsis 5:7

Benni anque Carneꞌeha nna güiattebe guadaxxue sitsi deni deca ná derechu gue Benni rinnabia do lo xxilaha.

Apocalipsis 6:1

Neti nna beleꞌetia atti betseꞌe lo Benni anca Carneꞌeha sellu primero gue delo gasi ca sellu re roꞌo sitsiha. Nianna bienttebatia tsiꞌi ttu ca nu delo ttapa ca nu baniha rábi: ―¡Utá, begüia! Tsiꞌibiha nna bienina attiba rieni atti ruꞌu be.

Apocalipsis 6:16

Atti rulisacana ca iꞌiya-na lhe ca iyyatoo-na lhe rácana ca unná: ―¡Gualiyinna iquitu, gualucatsi riꞌitu lhe lo Benni rinnabia do lo xxila-na, lo elha disa lä tsuꞌubia utte Benni anque Carneꞌe-na riꞌitu lhe.

Apocalipsis 8:1

Atti betseꞌe lo benni anque Carneꞌeha nu gasi sellu re roꞌo sitsiha nna síba beaca iyyabaaha attiba tu salhe ura.