Apocalipsis 4:5 - Zapoteco de Aloápam

⁵ Atta du xxila do benni rinnabiaha nna riría edha lhe ruꞌu be lhe ratsa lhe. Daca lo xxila atta do Benniha nna sia gasi ca yanalha gui ralha. Ca guiha nna ancaque gasi espíritu rixuuque lo sina gue Tata Do Iyyabaaha.

Apocalipsis 4:5 Iomraidhean Croise

San Mateo 25:1

’Elha rinnabia gue Tata Do Iyyabaaha raxxína anque ttuba leni nu guate tsii (10) ca nuila rbani, ca unnuha nna bedaxxucana ca quinque guecaniha biríacana gualedacana unbiyuu utsá nániha.

San Mateo 3:11

Neti nna gualígala sunruba inda rugadia ca benni qui uleꞌe lo gualí chi bodú xiyyancana bodaxxucana neda gue Tata Do Iyyabaaha, ttiaca Benni daa dequide neti nna ixuunie Espíritu gue Tata Do Iyyabaaha lhe gui lhe qui ugadie le inda. Benniha ra xxenru lee atti neti, larcala nna nibala bi elha ralha uja ca guaracha guee.

Hechos 2:3

Nianna ucaxxetteba attiba ca belha gue gui, atti bilaꞌatteba lheꞌe guiha udona iqui ttu ttucabi.

Apocalipsis 1:4

Neti Juan ridhelha sitsi-ni gasi re atta seꞌe ca benni ria le Jesús lo yu gue Asia. Tata Do Iyyabaaha Benni do nnanna lhe Benni ttu dola lhe Benni dho tiempu chi daba lhe anáguaba a gasi ca espíritu seꞌe daca lo xxila atta doe rinnabie lhe cuina laque aca lenque le, uteque elha xen lasi lenle lhe.

Apocalipsis 10:3

Biꞌin-ni nna uresiꞌabi idisa attiba tsiꞌi ttu besi gansi chi rutuxxuna. Atti uresiꞌabi nna bieni gasi ca tsiꞌi diu.

Apocalipsis 11:19

Nianna bealitteba yotu gue Tata Benni Do Iyyabaaha. Lheꞌe yotuha bilá xua iꞌina atta yuꞌu ca sitsi atta dia ca tisa bodhaꞌan tsitsie leni ca benni Israel. Lania nna gopitteba edha, uyuꞌu be lhe utsá lhe bixú lhe urexxatta iyya lhe.

Apocalipsis 3:1

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Sardis, gus cana: “Aní rá Jesús Benni bananie gasi lo nu anca Espíritu gue Tata Do Iyyabaaha, Benni denie gasi ca beli lhe. Neti nna yuxeaba gue iyába nu runle. Ca benni nna rácana dequi lebiꞌi nna ancale benni yuꞌu elha nabani gueni, ttiaca neti nna yua lebiꞌi nna nu yattiba ancale.

Apocalipsis 5:6

Nianna beleꞌetia rulha gue atta du xxila do Benni rinnabiaha, rulha gue ttapa ca nu baniha lhe rulha gue ttapa erúa (24) ca benniolaha lhe du ttu carneꞌe ruleꞌe chi betticane, sia gasi sittiquie, gasi iyya loe lhe. Ca gasi iyya lo Benniha nna ancaque gasi ca espíritu rixuu lo sina gue Tata Do Iyyabaaha udhelhe itúba yies lo yu.

Apocalipsis 8:5

Ingeliha nna bedaxxuttebabi besíuha bodisábi na bexura gui re lo becoaha, atti bedelhabi nua yies lo yu. Nianna utsá teba lhe uyuꞌu betteba lhe gopitteba edha lhe bixútteba lhe yies lo yu.