Apocalipsis 4:4 - Zapoteco de Aloápam

⁴ Beleꞌeguabatia a ttapa erúa (24) xxila seꞌe sabiꞌaba xxila atta do Benni rinnabiaha. Lo ca nua nna sia ttapa erúa ca benniola nucu xo sitsi guecabi yuꞌu corona anca leni oro iquicabi lhe.

Apocalipsis 4:4 Iomraidhean Croise

San Mateo 19:28

Jesús re cabi: —Neti nna gualíbatia rpea le, gansi chi bisía sá ecubi yies lo yu-ni leni iyába nu seꞌe loni, lania nna neti Benni unbiyuu daa iyyabaaha dhoa lo xxila gaꞌana tsee qui innabiaya. Anáguaba lebiꞌi ca benni denoo neti, ebíaguabale lo tsiꞌinu (12) ca xxila qui unle elha uxtisi gue ca tsiꞌinu cue ca benni datía benni lá Israel.

San Lucas 22:30

qui ebíale iꞌiya gole roꞌo mexa quia atta dhoa innabiaya. Anáguaba ebíaguale lo ca xxila atta tseꞌele innabiale qui unle elha uxtisi gue ca tsiꞌinu (12) cue ca benni datía benni lá Israel.

2 Timoteo 4:8

Denuala nna chiba tua tsee ttu corona quia, delába elha tsee nu ridí ca benni runi nu anca tsee lo Tata Do Iyyabaaha. Benniha nua ute Jesús Benni anque Cristu len neti gansi chi bisía sá unie elha uxtisi lhatsiru gueri. Läga suntteru neti unne Benniha quia, uteguabe Benniha gue iyába ca benni seꞌe ribeda esíe.

Apocalipsis 11:16

Lania nna iyába ttapa erúa (24) ca benniola sia lo xxila seꞌe lo Tata Do Iyyabaaha, biachucabi axta liba binna lo xeacabi lo yu, nianna ulequi xencabi le Ben-na,

Apocalipsis 14:3

Lacabi rulhacabi ttu cantu cubi lo atta du xxila do Benni rinnabiaha, lo ttapa ca nu baniha lhe lo ca benniolaha lhe. Tsa läganu te aca gueni cantuha. Sunruba ttu gayua yuꞌu chua yuꞌu ttapa mil (144.000) ca benni bodilá Tata Do Iyyabaaha atta seꞌe ca benni seꞌe yies lo yu, raca guecabi cantuha.

Apocalipsis 19:14

Ca benni anca soldado gue iyyabaaha nna denocabi Benniha docabi cuꞌe ca coayu sitsi. Xocabi nucucabiha nna ancana leni lari tsee te láni lino, ancana sitsi lhe nari lhe.

Apocalipsis 19:4

Iyába ttapa erúa (24) ca benniolaha lencabi ttapa ca nu baniha nna bedú xibicabi lo Tata Do Iyyabaaha benni do lo xxila rinnabie, axta liba binna lo xeacabi lo atta seꞌecabiha, nianna rácabi Benniha: ¡Amén! ¡Aleluya!

Apocalipsis 2:10

Bittu gasinle lo nu satele, cumu nu xxegüiha nna unna udelhacana ttu chupale lisiyya quini tsuꞌubia le, delo tsii (10) ubisa satele uyúle elha disa. Lebiꞌi nna tsitsi gualtseꞌe, masquiba uttican le, neti nna guteba elha nabani gatta ttu dia lii guele, Benniha anque corona utea guele.

Apocalipsis 20:4

Beleꞌeguabatia ca xxila atta ribía ca nu rinnabia. Lo ca unnuha nna usia ca biꞌini chi begüeelha Tata Do Iyyabaaha cabi uncabi elha uxtisi. Beleꞌeguabatia ca benni uchecucana iquicabi de den tsitsicabi ca tisa utixxiꞌa Jesús, lo niꞌa gue ca tisa gue Tata Do Iyyabaaha lhe. Ca biꞌin-ni nna läga bedú xibicabi lo nimala biría lheꞌe indattooha, niguaba lo mentu anca attiba unnuha lhe lä uxielhaguabacabi cue senni gue nua nácabi o lo xeacabi lhe. Ca biꞌin-ni nna beleꞌetia beacaquinbi, nianna unnabiacabi leni Benni anque Cristu ttu mil ida.

Apocalipsis 3:18

Larcala nna neti rpea le, gualtá len neti gualgoꞌo oro nu chi beoni gui tagaꞌa nu tsee, qui acale nu gualíga te gueni. Anáguaba gualtá len neti gualgoꞌo xo sitsi guele ucule qui eyaya lo nu rettuinle de ancale nu ttunttu. Len neti gualtá gualgoꞌo ramedi caꞌa lole qui ilenle lhe.

Apocalipsis 4:10

Iyába ttapa erúa (24) ca benniolaha rudú xibicabi lo Benni do lo xxilaha Benni ttu tsaba anca banie, qui rutsá locabi Benniha. Atti ribeattebacabi ca corona guecabiha rudelhacabi ca nua lo Benniha, nianna rácabi:

Apocalipsis 4:6

Daca lo xxila atta do Benni rinnabiaha nna re attiba ttu indattoo, de ancaba indattooha yaa nna rilá sába lheꞌeni attiba lheꞌe ttu iyya guana. Rulha gue atta du xxila do Benni rinnabiaha nna seꞌe sa biꞌaba xxilaha ttapa ca nu bani, itúba daca locani lhe daca cuꞌecani lhe sia ca iyya lo.

Apocalipsis 5:11

Atti begüiaya nna bienttebatia tsiꞌi ixe juisiaba ca ingeli seꞌecabi sabiꞌaba cuꞌe xxila atta do Benni rinnabiaha, cuꞌe ca nu baniha lhe cuꞌe ttapa erúa (24) ca benniolaha lhe. Ixe lha ixe juisiaba ca ingeliha raca,

Apocalipsis 5:14

Itapaba ca nu baniha nna rácabi: ―¡Amén! Iyába ttapa erúa (24) ca benniolaha nna biachuttebacabi bedú xibicabi lhe ribequi xencabi lhe ca Benniha.

Apocalipsis 5:6

Nianna beleꞌetia rulha gue atta du xxila do Benni rinnabiaha, rulha gue ttapa ca nu baniha lhe rulha gue ttapa erúa (24) ca benniolaha lhe du ttu carneꞌe ruleꞌe chi betticane, sia gasi sittiquie, gasi iyya loe lhe. Ca gasi iyya lo Benniha nna ancaque gasi ca espíritu rixuu lo sina gue Tata Do Iyyabaaha udhelhe itúba yies lo yu.

Apocalipsis 5:8

Atti bedaxxu Benni anque Carneꞌeha sitsiha nna itapaba ca nu baniha lencabi ttapa erúa (24) ca benniolaha nna bedútteba xibicabi lo Benni anque Carneꞌeha. Iyába ca biꞌiniha dencabi nu rulha lencabi te láni arpa, denguabacabi ttuttu copa ancacana leni oro, sa ticana yala. Yalaha nna ancana ca tisa gue ca benni chi anca gue Tata Do Iyyabaaha rulisacabi Benniha.

Apocalipsis 6:11

Lania la nna uxí coa ttu ttu ca biꞌiniha xo sitsi qui ucucabi. Nianna rá Tata Do Iyyabaaha ca biꞌiniha cuedacabi attu satti, axta liba edaꞌa ca benni loes lacabi ria le Jesús runguaba sina gue Ben-na, uttican cabi attiguaba bettican cabi.

Apocalipsis 7:11

Iyába ca ingeliha seꞌecabi sabiꞌaba atta do Benni rinnabiaha, atta seꞌe ca benniolaha lhe atta seꞌe ttapa ca nu baniha lhe atti bedútteba xibicabi lo Tata Do Iyyabaaha, axta binna xeacabi lo atta du xxila do Benniha, nianna ribequixxencabi Benniha.

Apocalipsis 7:9

Dequide unnuha nna begüiatteba, nianna beleꞌetia ixe lha ixe juisiaba benni, tsaba nuttu nu benni te dhana ulabancabi de yatterba de recabi. Ca biꞌiniha nna ancacabi benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe seꞌecabi lo atta du xxila do Benni rinnabiaha, lo Benni anque Carneꞌeha lhe nucu xo sitsi guecabi dencabi dina.

Apocalipsis 9:7

Ca nu anca attiba anca uxxaruha nna ruleꞌecana attiba coayu chi yuꞌu xocani seꞌe tseecana qui tsiacana lo utilha. Iquicani nna yuꞌu ca nu anca attiba corona anca leni oro, locani nna anca attiba lo benni.