Apocalipsis 4:2 - Zapoteco de Aloápam

² Laniatteba nna bisía Espíritu gue Tata Do Iyyabaaha uyuꞌe lheꞌe itúba cuerpu quia. Neti nna beleꞌettebatia ttu xxila du iyyabaaha, lo nua nna do ttu Benni rinnabia.

Apocalipsis 4:2 Iomraidhean Croise

San Mateo 22:43

Lee nna re cana: —Gansi David ancabi benniola gue Cristuha nna ¿biacala, atti yuꞌu Espíritu gue Tata Do Iyyabaaha lheꞌe cuerpu gue biꞌiniha nna rábi Benniha: “Lu ancalu benni Baninlu neti”? Cumu David rábi:

Hebreos 8:1

Nu xxenru gue delo iyá nu datu rixxiꞌatu-ni nna ancana: Benni anque bixxudi xeni gueri-na anque Benni doe iyyabaaha daca ladu derechu gue Tata Do Iyyabaaha Benni ra xxeni lee-na.

Apocalipsis 1:10

Atti bisía anca sá gue Benni bananie ri-na, Espíritu gue Tata Do Iyyabaaha bisíattebe uyuꞌe itúba lheꞌe cuerpu quia, nianna bienttebatia tsiꞌi ttu benni daca cuꞌela unnee idisa attiba ttu atta riguꞌu tsiꞌi ttu trompeta.

Apocalipsis 12:5

Nuilaha nna uluꞌuna ttu unbiyuuto. Unbiyuutoha nna ancana nu tsitsiba unna innabiana ca benni seꞌe lheꞌe ca yiesi seꞌe yies lo yu. Ttiaca cuantusiba uli untoha nna bitúatteba nua deyyana besinna lo Tata Do Iyyabaaha, lo xxila atta doe rinnabie lhe.

Apocalipsis 17:3

Nianna bisíatteba Espíritu gue Tata Do Iyyabaaha uteꞌe lheꞌe cuerpu quia, atti uchetteba ingeliha neti daca lo yu bisiha. Nía beleꞌetia ttu nuila dona cuꞌe ttu nimala xinaa nu guatelaba ancana sia gasi choettuiquini, a tsii sittiquini nna. Itúba cuerpu gue nimalaha nna dia ca tisa rigúa balaꞌana gue Tata Do Iyyabaaha.

Apocalipsis 19:4

Iyába ttapa erúa (24) ca benniolaha lencabi ttapa ca nu baniha nna bedú xibicabi lo Tata Do Iyyabaaha benni do lo xxila rinnabie, axta liba binna lo xeacabi lo atta seꞌecabiha, nianna rácabi Benniha: ¡Amén! ¡Aleluya!

Apocalipsis 20:11

Dequide unnuha nna beleꞌetia Tata Do Iyyabaaha doe rinnabie lo ttu xxila sitsi xeni. Aníba lo Benniha benitti lo yies lo yu leni lo bea-na, tsaba nutturucana bilá.

Apocalipsis 21:10

Nianna Espíritu gue Tata Do Iyyabaaha nna uyuꞌuttebe itúba lheꞌe cuerpu quia, atti uchetteba ingeliha neti iqui ttu iꞌiya xeni yadha. Nía beleꞌenbi neti Jerusalén, yiesi xeni anca leꞌa gue Tata Do Iyyabaaha biríe atta do Benniha dee guadie.

Apocalipsis 21:5

Benni rinnabia do lo xxilaha nna re: ―Neti rocubia iyába. Ráguabe neti: ―Beni lo sitsi nu ria-ni, cumu ca tisa-ni nna ancaque nu gualí, ancaque tisa dica uxxen le benni gue nu ráque lhe.

Apocalipsis 3:21

Ca benni dhacana uchíacana lo iyá nu satecana lo niꞌa quia, neti nna unia qui cuiacana len neti lo xxila atta doa rinnabiaya, attiba neti chi udáya, denuala nna doa lenia Tata quia-ni lo xxila atta doe rinnabie.

Apocalipsis 4:10

Iyába ttapa erúa (24) ca benniolaha rudú xibicabi lo Benni do lo xxilaha Benni ttu tsaba anca banie, qui rutsá locabi Benniha. Atti ribeattebacabi ca corona guecabiha rudelhacabi ca nua lo Benniha, nianna rácabi:

Apocalipsis 4:5

Atta du xxila do benni rinnabiaha nna riría edha lhe ruꞌu be lhe ratsa lhe. Daca lo xxila atta do Benniha nna sia gasi ca yanalha gui ralha. Ca guiha nna ancaque gasi espíritu rixuuque lo sina gue Tata Do Iyyabaaha.

Apocalipsis 4:9

Gansi chi rá ca nu baniha Benni do lo xxilaha, Benni ttu dia liiba anca banie: “¡Xquixabalu xa tata, lu ancalu Benni ra xxeni leni lhe Benni satía gapatu respeto lhe!”

Apocalipsis 5:1

Neti nna beleꞌetia ttu sitsi tubi deni Benni rinnabia do lo xxilaha leni ná derechu guee. Sitsiha nna lo cuꞌebe anca letra, roꞌo atta riluxa tubi sitsiha nna re gasi sellu qui nuttu nu idhalna loni.

Apocalipsis 5:13

Bienguabatia rinne iyába ca nu beni Tata Do Iyyabaaha seꞌe iyyabaaha lhe ca nu seꞌe yies lo yu lhe ca nu yuꞌu lhiꞌu yu lhe ca nu requi lheꞌe indattoo-na lhe. Iyábacana rácana: Benni rinnabia do lo xxila-na lenie Benni anque Carneꞌe-na, ralhaque cuequi xenri leque, gapari que respeto lhe. Ralhaque gári que laque ancaque benni ra xxeni lee lhe Benni rinnabia xeni ttu dia liiba lhe.

Apocalipsis 6:16

Atti rulisacana ca iꞌiya-na lhe ca iyyatoo-na lhe rácana ca unná: ―¡Gualiyinna iquitu, gualucatsi riꞌitu lhe lo Benni rinnabia do lo xxila-na, lo elha disa lä tsuꞌubia utte Benni anque Carneꞌe-na riꞌitu lhe.