Apocalipsis 3:8 - Zapoteco de Aloápam

⁸ Neti nna yuxeaba gue iyába nu runle. Gualgüiarga, neti nna chi udhalia puerta guele nu nuttu nu te dhana odheana. Masquiba bittu runle tsitsi de bittu raca ixele, ttiaca bedobale tisa gue nu rpeale, bittuguaba chi bedhea lele lä dhi roꞌole ancabienle neti lhe.

Apocalipsis 3:8 Iomraidhean Croise

San Lucas 12:9

Ttiaca benni bittu dhi roꞌoni aní lo benni gualíba ria leni neti nna anáguaba neti bittuguaba dhi roꞌa gualí ria leni neti lo ca ingeli gue Tata Do Iyyabaaha.

San Juan 15:20

Gualorexxa lele gue nu chi rpea le: “Ni ttu benni ttoꞌo lo sina bittu ancana nu ra xxeniru leni atti Benni bananie na.” Gansi neti besía le ca unná, anáguaba lebiꞌi usiaguaba le ca unná le. Gansi bedo nagacani gue nu ria nna udoguaba nagacani guele.

San Juan 17:6

’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

Hechos 14:27

Atti chi besincabi lheꞌe yiesi Antioquía nna beaxittebacabi iyába ca benni ria le Jesús seꞌe nía. Nianna utixxiꞌattebaquinbi ca biꞌiniha iyába nu beni Tata Do Iyyabaaha lencabi, gue gaxasná chi udhali Benna neda gue ca benni bittu anca benni Israel qui tsia lecani Jesús lhe.

1 Corintios 16:9

Cumu nnannala chi bealga lo neda quia qui aca quixxiꞌarua ca tisa gue Jesús, masquiba anáguaba seꞌe ixe ca nu bittu raca uyúcana neti.

2 Corintios 2:12

Atti bisína lheꞌe yiesi lá Troas qui quixxiꞌaya ca tisa gue Cristu, Benni bananie ri-na, masquiba tseeba udhalie lo neda quia qui quixxiꞌaya ca tisa guee-na nía,

Filipenses 4:13

Bixaba ratea nna gua ridába ruchíaya loni cumu Cristuhaba rudú tsitsie neti.

Colosenses 4:3

Gualinnabaguaba lenie guetu qui idhalie neda guetu quixxiꞌatu ca tisa gue Cristu te gatsi bittu chi yu benni desdeba atti nía. Cumu de lo niꞌa gue ca tisa-ni nna tea lisiyya.

1 Timoteo 5:8

Cumu benni bittu rulaba leni gue ca benni datíana, nu bittu richacha iquini gue nu reasani ca benni seꞌe lheꞌe lisni, chiba bedhan nua ria leni Jesús. Adílaba de guate anca nu run nua atti nu bittu anca biani Tata Do Iyyabaaha.

2 Timoteo 4:7

Neti nna itú iqui itú lasia besiguiba lo neda gue Tata Do Iyyabaaha. Udába lhuxatia sina betee len neti, tsa bittu bedhequia ria lasia Cristuha lhe.

Judas 1:4

Cumu sigába chi utaꞌa ttulhe ca benni runi nu lä anca tsee len lebiꞌi, ca unná nna desdeba atti nía chi rá lo ca sitsi gue Tata Do Iyyabaaha ralhabacana tsia nitticana. Lacana ancacana ca nu lä duta leni, chi rinnecana rácana: Tata Do Iyyabaaha chiba bodile ri. Denuala nna runri nu racaba leri. Nuarcala riguꞌuguaba niꞌacani Tata Do Iyyabaaha Benni tturbe doe anque Benni rinnabie ri lhe anáguaba runcana leni Jesucristu Benni bananie ri-na lhe.

Apocalipsis 2:13

Neti nna gua yuba gue nu runle, gue gaxunna seꞌele lhe. Lebiꞌi nna seꞌele atta du xxila rido nu xxegüiha rinnabiana. Läquiga de unnuha, lebiꞌi nna tsitsiba seꞌele len neti. Läga rudhanle ria lele neti, ni atti betticana Antipas biꞌini uca nu rudo tisa utixxiꞌa ca tisa quia-na. Labi nua betticana lo yu atta seꞌele-na atta rinnabia nu xxegüi-na.

Apocalipsis 2:2

Neti nna yuxeaba gue iyába nu runle. Gua yuguaba, lebiꞌi nna tsitsiba ratele runle sina gue Tata Do Iyyabaaha, anáguaba gua ruchíabale lo nu ratele lhe. Gua yuguaba nna lebiꞌi nna bittu ruchíale lo nu runi ca nu runi nu lä anca tsee-na. Lebiꞌi nna chi uluꞌubiale ca nu rácana ancacana apóstol gue Tata Do Iyyabaaha, ttiaca läga gualíquinna, biexxubinle cana run lecani.

Apocalipsis 22:7

Jesús re: “¡Chi tte deoba esíaya! ¡Carbáru ca benni udocana tisa gue nu rixxiꞌa lo libro-ni chi daa ribiga aca!”

Apocalipsis 3:1

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Sardis, gus cana: “Aní rá Jesús Benni bananie gasi lo nu anca Espíritu gue Tata Do Iyyabaaha, Benni denie gasi ca beli lhe. Neti nna yuxeaba gue iyába nu runle. Ca benni nna rácana dequi lebiꞌi nna ancale benni yuꞌu elha nabani gueni, ttiaca neti nna yua lebiꞌi nna nu yattiba ancale.

Apocalipsis 3:10

De bedole tisa gue nu benia mandadu unle bego bechíale lo nu guatele, bittu bedhanle ria lele neti lhe denua nna neti nna guapaba le gansi chi bisía sá uyú ca benni seꞌe yies lo yu-ni elha disa qui tsuꞌubiacana.

Apocalipsis 3:15

Neti nna yuxeaba gue iyába nu runle. Gua yuba, lebiꞌi nna lä riseꞌe tsitsiguale itú iqui itú lele lo neda gue Tata Do Iyyabaaha, lä readi gaguale ttu tsala lo neda gue Ben-na lhe. ¡Locala ttirca ttu tsala eyadi gále o ttu tsala tseꞌe tsitsile itú iqui itú lele lo neda gue Ben-na!

Apocalipsis 3:7

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Filadelfia, gus cana: “Aní rá Jesús Benni do riesi anca gue Tata Do Iyyabaaha, Benni gualíga anque Cristo. Lee denie yagüi gue David biꞌini uca nu rinnabia. Benniha nna nuttu nu te dhana idhalna atta rottoe, nuttuguaba nu te dhana ottona atta ridhalie lhe.