Apocalipsis 3:5 - Zapoteco de Aloápam

⁵ Ca benni dhacana uchíacana lo iyá nu satecana lo niꞌa quia nna ugucuacana xo sitsi, tsa bittu oxía lácani lo libro atta dia lá ca benni gatta elha nabani guecani ttu dia lii. Neti nna dhi roꞌa ancabiatia cana lo Tata quiaha lhe lo ca ingeli gue Benniha lhe.

Apocalipsis 3:5 Iomraidhean Croise

San Mateo 10:32

’Nuxaba benni dhi roꞌoni gualíba ria leni neti aní lo benni, anáguaba neti, dhíguaba roꞌa aní lo Tata quia do iyyabaaha gualíba ria leni neti.

San Lucas 10:20

Ttiaca bittu eyoꞌo lele de rudo ca be xxegüi-na tisa guele. Nu unlale nna gualeꞌo lele de chi dia lále iyyabaaha.

San Lucas 12:8

’Neti ria le, nuxaba benni dhi roꞌoni gualíba ria leni neti aní lo benni, neti Benni unbiyuu daa iyyabaaha nna dhíguaba roꞌa gualíba ria leni neti aní lo ca ingeli gue Tata Do Iyyabaaha.

Filipenses 4:3

Anáguaba lu, biꞌini raca umpanieru quia, lu nu bittu rudhá iquilu neti lo sina gue Jesús, rinnaba lenlu unlu yuda ca benni nuila-ni. Ca biꞌin-ni nna tsitsiba guatecabi len neti utixxiꞌatu ca tisa gue Jesús, lencabi Clemente lhe adírba ca biꞌini bencabi neti yuda lhe. Ca biꞌin-ni nna chiba dia lácabi lo libro atta dia lá ca benni gatta elha nabani guecabi ttu dia lii iyyabaaha.

Judas 1:24

Xxeni ra lee Tata Do Iyyabaaha. Lee uyúe le qui bittu inittile lo neda guee, aná nna attulade redaca lele atti utsadúle lo atta gaꞌana tsee do Ben-na bitturu ancale tsiga lo Ben-na.

Apocalipsis 13:8

Iyába ca benni seꞌe yies lo yu udú xibicani lo nimala biría lheꞌe indattooha. Ca unnuha nua desdeba atti ure yies lo yu bittu dia lácani lo libro gue benni anca Carneꞌe betticanaha. Lo libroha nua dia lá ca benni gatta elha nabani guecani ttu dia lii.

Apocalipsis 17:8

Nimala xinaa bilenlu-na, lana nua udo ttuha, nnanna nna lärga nuna do, ttiaca chi tte deoba eríana lheꞌe belea nu anca chulha lheꞌeniha, qui lenla nna tsiana atta tsaba inittina. Ca benni seꞌe yies lo yu bittu dia lácani lo libro atta dia lá ca benni gatta elha nabani guecani ttu dia liiba desdeba atti deobali cue yies lo yu, lacana nna tsitsiba ebanquinna gansi chi biláquinna eyacaxxe nimala udo ttuha, nu nnanna nna lärga nuna do.

Apocalipsis 19:8

Nuilaha nna begüeelhe na ucuna ttu lari tsee te láni lino, nu nari xuu ruꞌuni xieni gueni. Lari nucu nuilaha nna dienna nu tsee runi ca benni seꞌe riesi anca gue Tata Do Iyyabaaha.”

Apocalipsis 2:11

Atta rieninle nu ria-ni, gualdo nagale gue nu rá Espíritu gue Tata Do Iyyabaaha ca benni ria lecani neti. Ca benni dhacana uchíacana lo iyá nu satecana lo niꞌa quia nna tsa läga uyú ca nua elhutti berupaha, nu uni gatti ca benni ttu tsaba.”

Apocalipsis 2:7

Atta rieninle nu ria-ni, gualdo nagale gue nu rá Espíritu gue Tata Do Iyyabaaha ca benni ria lecani neti. Ca benni dhacana uchíacana lo iyá nu satecana lo niꞌa quia nna ca unnuha nua ugüea cana nu xixxi sia lo ya gaꞌa rute elha nabani ttu dia lii qui gocana. Ya gaꞌaha nua duna salhe gue lo yu gaꞌana tsee gue Tata Do Iyyabaaha.”

Apocalipsis 20:12

Neti nna beleꞌetia ca nu yattiha, ca nu bittu ra xxeni lecani lhe ca nu ra xxeni lecani lhe seꞌecana lo Benni do lo xxilaha. Nianna bealitteba lo ca libro seꞌe atta do Benniha, bealiguaba lo attu libro lhe. Lo benniha nua dia lá ca benni gatta elha nabani guecani ttu dia lii. Ca nu yattiha nna ucaba elha uxtisi guecani attiba rába lo ca libroha, cua nu benbacana lhe.

Apocalipsis 20:15

Níaguaba biruꞌuna ca nu bittu besela lácani lo libro atta dia lá ca benni gatta elha nabani guecani ttu dia lii.

Apocalipsis 21:27

Ni ttu benni runi nu lä anca tsee bittu aca gaꞌana lheꞌe yiesiha, lä gaꞌaguaba benni runi nu rixxinri lhe nu run leni lhe. Sunruba ca benni dia lácani lo libro gue Benni anque Carneꞌeha atta dia lá ca benni gatta elha nabani guecani ttu dia lii, guaca gaꞌacana lheꞌe yiesiha.

Apocalipsis 22:19

Gansi nuxa cuana ttu ca tisa rixxiꞌa gue nu chi daa aca dia lo libro-ni, Tata Do Iyyabaaha cuee derechu te gueni edí baana nu ralhana dhína sia lo yaga rute elha nabani ttu dia lii, bittu ugüelhe na etaꞌana lheꞌe yiesi gue Benniha lhe. Gue unnuha unní dia lo libro-ni.

Apocalipsis 3:12

Ca benni dhacana uchíacana lo iyá nu satecana lo niꞌa quia, neti unia acacana attiba ca pilari gue yotu gue Tata Do Iyyabaaha benni anque Dios quia. Lacana nna tsa lärgaga eríacana lheꞌe yotuha. Lastoocani nna unia lá Tata Do Iyyabaa quiaha, lá yiesi gue Benniha lhe delába Jerusalén cubi daa iyyabaaha, yiesi nu idhelha Benniha yies lo yu-ni. Unguaba lá cubi quia lastoocani lhe.

Apocalipsis 3:4

Ttiaca gua seꞌerba attu chupa ca benni sela len lebiꞌi lheꞌe yiesi Sardis-na bittu chi bitsigacabi cumu bittu runcabi nu lä anca tsee. Ca biꞌin-na nna ralhacabi tsequicabi len neti nucu xo sitsi guecabi de bencabi nu anca tsee.

Apocalipsis 6:11

Lania la nna uxí coa ttu ttu ca biꞌiniha xo sitsi qui ucucabi. Nianna rá Tata Do Iyyabaaha ca biꞌiniha cuedacabi attu satti, axta liba edaꞌa ca benni loes lacabi ria le Jesús runguaba sina gue Ben-na, uttican cabi attiguaba bettican cabi.