Apocalipsis 3:2 - Zapoteco de Aloápam

² Gualebani, tsitsi gualseꞌe, gualedulo gualeoni attu libe nu tsee tsaba chi diale rudhequile na, cumu neti nna chi bilátia, läga anca nu runle-na nu radi lee Tata Do Iyyabaaha.

Apocalipsis 3:2 Iomraidhean Croise

San Mateo 23:5

Iyába nu runcana, runbacan nua qui ilen ca benni. Lacana nna atsacaba rodixxencana lo ca yieti ca nu ruxxicacana ca caja chicaꞌa rutá lo xeacani, ca nu ruxxica lo xiquicani lhe lheꞌe ca unnuha yuꞌu ca sitsi dia ttulhe ca tisa gue Tata Do Iyyabaaha locani. Reꞌoguaba lecani rudelhacana ca flecu bata roꞌo ca xalhoocaniha lhe.

San Mateo 25:13

Laniala nna rá Jesús: —Larcala, lebiꞌi nna satía gualtseꞌe ubeda, cumu läga yule bittiga sá lhe bittiga ura lhe esíaya neti Benni unbiyuu daa iyyabaaha.

San Mateo 25:7

Nianna iyába ca nuila rbaniha guadhacana, atti boseꞌe tseettebacana ca quinque guecaniha.

Hechos 18:23

Níaba udobi isá. Lenla nna bederíabi dedheyyabi attu libe. Utettebabi lheꞌe coa ttu ttuba ca yiesi seꞌe lo yu gue Galacia lhe lo yu te láni Frigia lhe. Ruseꞌetsitsibi iyába ca benni chi ria lecabi Jesús seꞌe itúba ca nía.

1 Pedro 4:7

Chi daa ribiga lhuxa iyába nu te yies lo yu-ni, denuala nna gualtseꞌe yanlee, itú iqui itú lele gualudo lele innele len Tata Do Iyyabaaha.

1 Pedro 5:8

Gualtseꞌe yanlee, satía gualseꞌe tsee cumu nu xxegüi bittu raca uyún le-na attiba requi besi rutuxxu requina reguilana nuxa gona.

Apocalipsis 16:15

Cristuha nna re: “Gualuyú guele, cumu neti nna esíaya attiba ttu ubana iyyaba le benni risinna guecani. Carbáru ca benni tenná lania, lacana nna guanucuba xocani de seꞌecana ribedacana neti, qui bittu ettúquinna ttunttucana.”

Apocalipsis 2:4

Ttiaca te ttu nu bittu radi lasia runle, lebiꞌi nna lärgaga raquinle quia nnanna atti uquinle quia atti chi udulobale ria lele netiha.

Apocalipsis 3:1

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Sardis, gus cana: “Aní rá Jesús Benni bananie gasi lo nu anca Espíritu gue Tata Do Iyyabaaha, Benni denie gasi ca beli lhe. Neti nna yuxeaba gue iyába nu runle. Ca benni nna rácana dequi lebiꞌi nna ancale benni yuꞌu elha nabani gueni, ttiaca neti nna yua lebiꞌi nna nu yattiba ancale.

Apocalipsis 3:3

Gualorexxa lele gue nu rá ca tisa chi bieninle-na lhe gue nu chi bidetile lhe. Unnuha gualusigui gualuni. Gualodú xiyyanle gue nu runle-na, gualequi gualodaxxu neda gue Tata Do Iyyabaaha. Gansi bittuba tseꞌele tennále nna iyyaba lele esíaya guele attiba ttu ubana, bittu yule nucaxa isíana guele.