Apocalipsis 21:3 - Zapoteco de Aloápam

³ Nianna bientia tsiꞌi ttu benni unnee idisa iyyabaaha re: ―Gualgüiarga. Niba do Tata Do Iyyabaaha atta seꞌe ca benni. Len labacana dhoe nnanna lacana nna acacana benni guee. Cuinaba lee dhoe len lacana, aque Dios guecani lhe.

Apocalipsis 21:3 Iomraidhean Croise

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 14:23

Jesús becabie re: —Benni raquinna quia nna udoba nua tisa gue ca tisa quia-ni. Tata quia nna guaca banie gueni. Tata quia lenie neti nna itatu tsuꞌutu lheꞌe lastooni.

2 Corintios 6:16

Anáguaba läga raxxína ca nu bittu gualí anca diosi-na leni yotu gue Tata Do Iyyabaaha. Riꞌi ancari yotu gue Tata Do Iyyabaaha Benni bani. Tata Do Iyyabaaha nna re lo ca sitsi atta dia ca tisa guee-na: “Neti nna dhua lencana, tsequia atta seꞌecana lhe. Neti aca Dios guecani, lacana nna acacana benni quia.”

2 Corintios 6:18

Lania nna neti aca Tata guele, lebiꞌi nna aca le xiꞌinbiyuua lhe xiꞌiniunnáya lhe. Aná rá Benni bananie ri-na, Benni rinnabia iyáxea.”

1 Tesalonicenses 3:11

Cuinaba Tata gueri do iyyabaaha Benni anque Dios gueri lenie Jesús Benni bananie ri cuꞌuque riꞌitu neda itatu atta seꞌele-na.

Hebreos 11:16

Ttiaca lacabi nna raca lecabi ttu yiesi tseeru, unní ancana yiesi re iyyabaaha. Denuala nna bittu rettuin Tata Do Iyyabaaha anque Dios guecabi, cumu de chi retseenie ttu yiesi guecabi.

Hebreos 8:10

Unní tisa cubi odhaꞌana len ca benni Israel-na ca sá chi daba isía, rá Benni bananie ri-na: “Neti nna unia qui eyaꞌan ca ley quia-ni lheꞌe iquicani, odhaꞌana que lheꞌe lastoocani lhe. Neti nna aca Dios guecani, lacana nna acacana benni quia.

Hebreos 8:2

Lee anque bixxudi runi sina lheꞌe cuinaga yotu do iyyabaaha, yotu nu bedo Tata Do Iyyabaaha, bittu nu bedo ca benni seꞌe yies lo yu-ni.

Apocalipsis 10:4

Dequide chi ute bieni ca tsiꞌiha nna neti nna bedo tseetteba qui unia lo sitsi nu bientiaha, nianna bienttebatia tsiꞌi ttu benni unnee iyyabaaha re neti: ―Bittu quixxiꞌalu nu bieninlu atti unne gasi ca diu, bittu unlu na lo sitsi.

Apocalipsis 10:8

Nianna bedeyien dacabatia tsiꞌi benni unnee iyyabaaha belise neti attu libe re: ―Güia guadaxxu sitsi yali loni deni ingeli du ttu lhaꞌa niꞌabi lo indattoo-na attu lhaꞌa niꞌabi nna du lo yu.

Apocalipsis 12:10

Laniala nna bientia tsiꞌi ttu benni unnee idisa iyyabaaha re: Chi bisía sá odilá Tata Do Iyyabaa gueri-na ca benni, uleꞌe lo lee anque nu ra tsitsi lee lhe Benni rinnabia lhe. Chiguaba bisía sá uleꞌe lo, Cristu anque Benni te derechu guee innabie lhe cumu nu rudelhiyyana lo Tata Do Iyyabaa gueri-na rela resába ca benni ria lee Jesús, chiba biruꞌuna nua yies lo yu.

Apocalipsis 21:7

Benni dhana uchíana lo iyá nu satena lo niꞌa quia nna dhína iyá nu tsee utea-ni. Neti nna aca Dios gueni, lana nna acana xiꞌinia.

Apocalipsis 22:3

Lheꞌe yiesiha nna tsa lärgabi nu bittu anca tsee la raca uyú Tata Do Iyyabaaha aca nía. Xxila atta do Tata Do Iyyabaaha rinnabie lenie Benni anque Carneꞌehaba tseꞌe lheꞌe yiesiha. Ca benni rixuu lo sina gue Benniha nna cuequixxencane.

Apocalipsis 7:15

Denuala nna seꞌecana lo Tata Do Iyyabaaha atta doe rinnabie. Rela resába rixuuni Ben-na cana lheꞌe yotu guee-na. Benni doe lo xxila-naba due lencana. Labe rape cana.