Apocalipsis 20:3 - Zapoteco de Aloápam

³ Lheꞌe belea nu anca chulha lheꞌeniha nna nía bedelhabi na, atti betto tsitsibi roꞌo beleaha, begüeebi sellu roꞌo nua lhe qui bitturu aca tsequi nua dhi yiena ca benni seꞌe lheꞌe ca yiesi seꞌe yies lo yu, axta liba lhuxa mil ida. Dequide lania liba nna labíaba eyasi nua attu satti.

Apocalipsis 20:3 Iomraidhean Croise

San Mateo 24:24

Cumu ixe ca benni iría innácana dequi labacana nua anca Cristu, iría ca nu inná dequi ancacana profeta gue Tata Do Iyyabaaha lhe. Lacana nna uncana ixeru ca milagru, unguabacana ilen benni ca nu uni ebanin ca benni lhe. Leni ca unnuha nna dhi yiecana ca benni. Axtaba ca benni chi becuee Tata Do Iyyabaaha, un ca nua dhi yiecana.

San Mateo 27:66

Lania nna güiattebacana gualhequi tsitsicana iyya nu yaya roꞌo baaha, beseꞌeguabacana ca soldado qui uyú tsitsicana roꞌo nua lhe.

San Marcos 4:15

Seꞌe lhe ca benni ancacana attiba ca xuxtila binna lo nedaha. Gua rudoba nagacani gansi chi nuxa rixxiꞌenna cana ca tisa gue Tata Do Iyyabaaha, ttiaca dequide chi binacana ca tisa-na, risintteba nu xxegüiha rebeana ca tisa-na lheꞌe lastoocani.

San Lucas 8:31

Ca be xxegüiha nna unnabacana lo Jesús qui bittu udelhe cana atta lexúaha.

2 Corintios 11:3

Ttiaca rastia cadirba ixú yiele satele attiba guate Eva uxielhana uxí yie belha na leni nu botsiꞌinu leni. Anáguaba lebiꞌi cadirba dhielhale ixú yiele lania nna iganna iquile bitturu udo lele itú iqui itú lele suntteba nu anca gue Cristu.

2 Pedro 3:8

Anáguaba lebiꞌi ca benni ria le Jesús racatia gueni, bittu ixulhinle, ttu sá nna ancana attiba ttu mil ida len Tata Do Iyyabaaha. Ttu mil ida nna ancana attiba ttu sá len lee.

Apocalipsis 12:9

Larcala nna uleaque nimala xxegüiha nía. Unnuha nua anca belha do axta ttuali, nu teeguaba láni nu xxegüi lhe Satanás lhe nu ridí yie iyába ca benni seꞌe yies lo yu. Lana lenna ca ingeli gueniha nna biruꞌunabacana yies lo yu.

Apocalipsis 13:14

Leni ca milagru begüeelha Tata Do Iyyabaaha na benna lo nimala biría lheꞌe indattooha nna uxí yiena ca benni seꞌe yies lo yu. Lana nna benna mandadu un ca nua ttu mentu anca atti anca nimala biría lheꞌe indattooha nu uca güee iquini leni espada, ttiaca beacabana.

Apocalipsis 17:2

Ca nu rinnabia gue yies lo yu-ni nna betsá roꞌocani nuila rutesa latin-na. Ca benni seꞌe yies lo yu nna biyieticana nu satsa runi unná, lacana nna bedhá iquicani Tata Do iyyabaaha qui bedú xibicani lo ca nu bittu gualí anca diosi. Attisiba vinu gue nu requi satsa unnába nua uꞌuyacana.

Apocalipsis 17:8

Nimala xinaa bilenlu-na, lana nua udo ttuha, nnanna nna lärga nuna do, ttiaca chi tte deoba eríana lheꞌe belea nu anca chulha lheꞌeniha, qui lenla nna tsiana atta tsaba inittina. Ca benni seꞌe yies lo yu bittu dia lácani lo libro atta dia lá ca benni gatta elha nabani guecani ttu dia liiba desdeba atti deobali cue yies lo yu, lacana nna tsitsiba ebanquinna gansi chi biláquinna eyacaxxe nimala udo ttuha, nu nnanna nna lärga nuna do.

Apocalipsis 20:1

Dequide unnuha nna beleꞌetia ttu ingeli biríabi iyyabaaha dabi denbi yagüi gue belea nu anca chulha lheꞌeniha, denbi ttu cadena xeni lhe.