Apocalipsis 2:9 - Zapoteco de Aloápam

⁹ Neti nna gua yuba gue iyába nu runle, gue chi ratele ruyúle elha disa lhe gue ancale benni bittubi te gueni lhe ttiaca lo Tata Do Iyyabaaha nna ancale benni te gueni. Gua yuguaba nna ca nu rácana ancacana benni Israel-na, rinne güecana guele. Ca unná nna läga ancacana benni gue Tata Do Iyyabaaha, benni gue nu xxegüihaba anca ca unná.

Apocalipsis 2:9 Iomraidhean Croise

San Mateo 4:10

Jesús becabie re na: —Unreha güia, nu xxegüi, cumu lo ca yitsi gue Tata Do Iyyabaaha rá: “Suntteba lo Tata Do Iyyabaaha Benni bananie lu udú xibilu, suntteba Ben-na ixuuri lo sina guee lhe.”

San Lucas 12:21

Aná rate ca benni runi racacana nu texxatta gueni yies lo yu-ni, ttiaca len Tata Do Iyyabaaha nna benni diba ancacana.

San Lucas 22:65

Ixerba nu rácane rudhaca disacane.

San Lucas 4:18

Espíritu gue Tata Do Iyyabaaha yuꞌe lheꞌe cuerpu quia. Benna chi ulequiesie neti qui tsiaya quixxiꞌaya ca tisa tsee gue gaxasná rinnabia Tata Do Iyyabaaha len ca benni bittu te gueni. Udhelhaguabe neti qui quixxiꞌaya gaxasná lhá ca nu te lisiyya-na lhe qui unia iláni ca nu xua loquinna lhe qui odiláya ca nu seꞌe siꞌi-na lhe

San Lucas 6:20

Jesús begüiattebe lo ca benni rudheti ca tisa ruleꞌe, nianna re ca biꞌiniha: —Carbárule, lebiꞌi ca benni bittu te gueni, cumu lebiꞌi ancale benni innabia Tata Do Iyyabaaha.

San Juan 16:33

Iyá unní rixxiꞌatia le qui edíle elha xen lasi rutea de guadúba len lebiꞌi. Yies lo yu-ni nna satele uyúle elha disa. Lebiꞌi nna tsitsi gualcuequi lele, cumu neti nna udába bedú niꞌaya iqui nu lä anca tsee gue yies lo yu-ni.

Hechos 14:22

Lheꞌe ttu ttu ca yiesi atta betecabiha nna beseꞌetsitsicabi ca benni ria le Jesús seꞌe nía, tsitsiba belisacabi ca biꞌiniha qui bittu ixulhaquinbi ca tisa gue Jesús. Ráguabacabi ca biꞌiniha, qui etaꞌacabi atta rinnabia Tata Do Iyyabaaha nna labíaba uyúcabi ixeloba ca elha disa.

Hechos 26:11

Ixe libe güiaya guadhaca siꞌacabi lheꞌe ca yoꞌo atta rudhetitu ca tisa gue Tata Do Iyyabaaha. Neti nna bedhaca disa cabi qui quecabi iqui Jesús. Cumu de chi biláxxatta lasia nna axtaba lheꞌe ca yiesi dittu güiaya guanoa ca biꞌiniha.

Romanos 12:12

Gualedaca lele gue nu chi xen lele utee Tata Do Iyyabaaha len lebiꞌi, gualutto gualuchía atti ratele ruyúle elha disa lhe. Tsa bittu udú sile innele len Tata Do Iyyabaaha.

Romanos 2:17

Lu rálu ancalu benni Israel, chi ruxxen lelu gue ca ley bodhaꞌana Tata Do Iyyabaaha leni Moisés, tsitsiba nu runlu de ancalu benni gue Tata Do Iyyabaaha lhe.

Romanos 5:3

Läga sunru gue unní chi redaca leri, sinuqui anáguaba redaca leri atti ruyúri elha disa, cumu nu ruyúri elha disa-na runi racari benni ruchía lo nu rateri.

Romanos 8:35

¿Nú dhana unna qui bitturu acani Cristuha gueri? ¿Si atti uyúri elha disa, aca? ¿Si atti bittu aca uyú benni ri, aca? ¿Si atti uríala benni ri, aca? ¿Si atti bittu te gori, aca? ¿Si atti bittu te bixa ucuri, aca? ¿Si atti ruxunnina gueri bixa dhacari, aca? ¿Si atti runcana uttican ri leni espada, aca?

Romanos 9:6

Tata Do Iyyabaaha nna lägala run Benniha nu chi begüee tisa unie len ca benni Israel-na, gueba nna läga iyá ca benni Israel-na ancacabi benni becuee Ben-na acacabi benni guee.

2 Corintios 6:10

Ruleꞌe attisiba seꞌe siꞌitu, ttiaca satíaba seꞌetu redaca letu. Ancabatu benni bittu te gueni, ttiaca ixe benni runtu racacana nu tee gueni len Tata Do Iyyabaaha. Guannalu tsaba bittubabi te guetu, ttiaca len Tata Do Iyyabaaha iyába te guetu.

2 Corintios 8:2

Lacabi nna lagüi lo tsitsiba nu ratecabi ruyúcabi elha disa, chi seꞌecabi redaca lecabi. Denua nna masquiba ancacabi benni nu ttuttíru bittu te gueni, ttiaca chi bedáru lecabi betecabi úna leni nu te guecabi.

2 Corintios 8:9

Cumu lebiꞌi nna chiba yule ya de tsee run Jesucristu Benni bananie ri-na len ca benni. Lee nna anque Benni texxatta guee. De ucabanie guele nna uque Benni bittu te gueni atti bite yies lo yu-ni. Uca Benniha benni bittu te gueni qui anía liba nna ucale nu gatta gueni iyyabaaha.

1 Tesalonicenses 3:4

Atti seꞌelitu len lebiꞌiha nna chi utixxiꞌentu le riꞌi nna labíaba uyúri elha disa. Unnuha bunni chi raca nnanna lebiꞌi nna chiba yule.

1 Timoteo 1:13

Masquiba ca tu ttuha nna uca ttu benni unne güee gue Ben-na, bería laya ca benni ria lecani guee lhe bedhaca siꞌacabi lhe, ttiaca lee nna guatúaba lee neti cumu läga chi ria lasie lania, bittuguaba yua bixa nua runia lhe.

1 Timoteo 6:18

Gus cabi uncabi nu anca lhatsiru, acacabi nu runi iyáloba nu tsee lhe. Itú iqui itú lecabi edá lecabi ugüecabi adí benni bixa te guecabi.

Apocalipsis 1:9

Neti Juan, anca benni ria le Jesús attiba lebiꞌi. Rugo ruchíaya lo elha disa ruyúa attiguaba lebiꞌi de ria leri Jesús, anáguaba ttuba seꞌeri ribedari isía sá innabia Tata Do Iyyabaaha. Níaba doa lo yu nu te láni Patmos re lagüi indattooha atta guacaꞌancana neti lo niꞌa gue de requia rixxiꞌaya ca tisa gue Tata Do Iyyabaaha, de rixxiꞌaya gue nu beni Jesús lhe.

Apocalipsis 2:13

Neti nna gua yuba gue nu runle, gue gaxunna seꞌele lhe. Lebiꞌi nna seꞌele atta du xxila rido nu xxegüiha rinnabiana. Läquiga de unnuha, lebiꞌi nna tsitsiba seꞌele len neti. Läga rudhanle ria lele neti, ni atti betticana Antipas biꞌini uca nu rudo tisa utixxiꞌa ca tisa quia-na. Labi nua betticana lo yu atta seꞌele-na atta rinnabia nu xxegüi-na.

Apocalipsis 2:2

Neti nna yuxeaba gue iyába nu runle. Gua yuguaba, lebiꞌi nna tsitsiba ratele runle sina gue Tata Do Iyyabaaha, anáguaba gua ruchíabale lo nu ratele lhe. Gua yuguaba nna lebiꞌi nna bittu ruchíale lo nu runi ca nu runi nu lä anca tsee-na. Lebiꞌi nna chi uluꞌubiale ca nu rácana ancacana apóstol gue Tata Do Iyyabaaha, ttiaca läga gualíquinna, biexxubinle cana run lecani.

Apocalipsis 2:24

Adíle ca benni seꞌe lheꞌe yiesi Tiatira-na, ca nu bittu rudo tisa gue nu ruleꞌe Jezabel-na, bittuguaba chi yule gue nu rá ca unná anca elha rieni gue nu xxegüiha lhe. Neti nna lärgabi rinnaba unle attu bixarua,

Apocalipsis 3:9

De unnuha nna ca nu anca gue nu xxegüiha ca nu run lecani rácana ancacana benni Israel, ttiaca läga gualíquinna ancacana benni becuee Tata Do Iyyabaaha, neti unia itacana ettedú xibicani lole qui tti ugüiacana lebiꞌi ancale ca nu racatia gueni.

Apocalipsis 7:14

Neti nna becabia guebi rpea bi: Lu gua yulu, xa Tata. Labi nna rábi: Ca unní ulá lo elha disa la tsuꞌubia raca yies lo yu. Lacana nna chi utí xocani nna botsitsican cana leni reni gue Benni anque Carneꞌe-ni.