Apocalipsis 2:5 - Zapoteco de Aloápam

⁵ Larcala nna gualodhá lele, galiga unná chi besinle deyyale readi gále lo neda quia. Gualodú xiyyanle nna gualodaxxu neda gue Tata Do Iyyabaaha, gualedú lo gualuni gaxasná benle primeroha. Gansi bittuba odú xiyyanle nna itaba ettettuaya candeleru guele-na atta dona.

Apocalipsis 2:5 Iomraidhean Croise

San Mateo 5:14

’Lebiꞌi ancale attiba ttu xieni gue yies lo yu-ni. Attiba ttu yiesi re lo ttu lhilhi läga aca igatsi nua.

San Mateo 5:15

Nuttuguaba nu benni te rugalhana ttu gui, nianna uttodhina ttu lmoti iqui nua. Sinuqui udolana unnuha ttu atta yadha qui udani nua gue iyába ca benni seꞌe lheꞌe yoꞌoha.

San Marcos 12:9

Lebiꞌi nna: —¿Bi rquinle uni benni beaca guebi lo yu atta te besuliha? Biꞌiniha etababi ettelhuxabi ca nu reni umpanía lo yuha. Lo yuha nna dhibi nua utebi umpanía len ca benni subi.

San Lucas 1:17

Laguabi tsiabi nnerubi lo Benni bananie ri-na. Dhibi loesi Espíritu gue Tata Do Iyyabaaha uxí profeta Elías lhe gatta elha ra xxen lee utta gue biꞌiniha guebi lhe. Unbi eyaca tsee ca tata nanaha len ca xiꞌincaniha. Unguabi qui ca nu bittu rudo tisa-na udocana tisa attiba ca benni tsee-na. Aná nna oseꞌe tseebi ca benni qui chi seꞌe tseecana satsácana Benni bananie ri-na gansi chi bisíe.

San Lucas 20:16

Labi nna etabi ettelhuxabi ca nu reni umpanía lo yu guebiha, lo yuha nna dhibi nua utebi umpanía len ca benni subi. Atti bienquinna nu unne Jesús ráttebacana: —Gaxa lä innácaba Tata Do Iyyabaaha saxxína aca anía.

Gálatas 5:4

Lebiꞌi, ca nu raquinle dequi de udole tisa gue ca ley-na nuarca eꞌeyule acale nu bitturu tulha gueni te lo Tata Do Iyyabaaha, chiba biriesle Cristuha, chiguaba bennittile elha tsee bedaa le Tata Do Iyyabaaha bete guele lhe.

Filipenses 2:15

qui bittu te roꞌo benni innána ancale nu te tulha gueni o nu runi nu lä anca tsee lhe. Gualtseꞌe gualuni atti runi benni chi anca xiꞌini Tata Do Iyyabaaha anca nari lo Ben-na lagüi gue ca benni lä du ta leni runi nu lä anca tsee seꞌe yies lo yu-ni. Gualtseꞌe gualuni nu anca tsee lagüi gue ca unná attiba ca beli na riguꞌu cana xieni yies lo yu-ni.

Hebreos 10:32

Gualorexxa lele gue bixa guatele ttuha, atti chi bienbinle ca tisa gue Jesús. Lebiꞌi nna tsitsiba useꞌele bechíale lo elha disa xeni biyúleha.

2 Pedro 3:17

Larcala nna ca benni ria le Jesús racatia gueni, lebiꞌi nna chiba yuxeabale gue nu ria-ni, gualudo cuidadu qui bittu dhielhale dhiyie ca nu lä dutalequinna le, nianna udhanle ria tsitsi lele Tata Do Iyyabaaha.

Judas 1:24

Xxeni ra lee Tata Do Iyyabaaha. Lee uyúe le qui bittu inittile lo neda guee, aná nna attulade redaca lele atti utsadúle lo atta gaꞌana tsee do Ben-na bitturu ancale tsiga lo Ben-na.

Apocalipsis 1:20

Unní diani gasi ca beli bilenlu denia leni ná derechu quia, a gasi ca candeleru anca leni oro-na lhe. Gasi ca beli-na ancacana gasi ca ingeli ruyúcabi ca benni ria lecani neti seꞌe lheꞌe gasi ca yies-na, gasi ca candeleru-na nna ancacana ca benni ria lecani neti seꞌe lheꞌe gasi ca yies-na.

Apocalipsis 16:9

Iyába ca benni attulade bitecana leni lha gue tatubisa-na, ttiaca tsa läga bodú xiyyancana, lä ulequi xen guabacana Tata Do Iyyabaaha Benni udhelha elha disa guecaniha lhe. Lacana nna utelacana iqui Benniha.

Apocalipsis 2:16

Denuala nna gualodú xiyyanle gualequi gualodaxxu neda gue Tata Do Iyyabaaha, gansi bittuba nna guadá tte gaba atta seꞌele-na qui itilha lania ca unná leni espada riría roꞌa-ni.

Apocalipsis 2:19

Neti nna yuxeaba gue iyába nu runle. Gua yuba lebiꞌi nna ancale benni racani gue ca benni, tsitsiba ria lele neti lhe runle yuda ca benni lhe ruchíale lo nu ratele lhe. Guayúguaba nna lebiꞌi nna tseeru runle nnanna attí atti chi udulobale ria lele neti.

Apocalipsis 2:2

Neti nna yuxeaba gue iyába nu runle. Gua yuguaba, lebiꞌi nna tsitsiba ratele runle sina gue Tata Do Iyyabaaha, anáguaba gua ruchíabale lo nu ratele lhe. Gua yuguaba nna lebiꞌi nna bittu ruchíale lo nu runi ca nu runi nu lä anca tsee-na. Lebiꞌi nna chi uluꞌubiale ca nu rácana ancacana apóstol gue Tata Do Iyyabaaha, ttiaca läga gualíquinna, biexxubinle cana run lecani.

Apocalipsis 3:19

Neti nna iyába ca nu racatia guecani nna rísa cana lhe roseꞌe lhixxa cana lhe. Larcala nna gualequi gualtsia lele Tata Do Iyyabaaha itú iqui itú lele, gualodú xiyyanle gue nu lä anca tsee runle-n lhe.