Apocalipsis 2:3 - Zapoteco de Aloápam

³ Anáguaba chi bechíale lo nu ratele lhe chi biyúle elha disa lhe lo niꞌa quia. Lebiꞌi nna bittu bedhanle ria lele neti.

Apocalipsis 2:3 Iomraidhean Croise

San Marcos 15:21

Ttu unbiyuu lábi Simón biꞌini beaca lasbi lheꞌesi nu te láni Cirene, dedaabi güiabi ranchu. Labi nua ancabi tata gue Alejandro lhe Rufo lhe. Attiba diabi etebi lo neda atta dia lencana Jesús, bentteba ca soldado duelha guebi ujabi crusi nuja Benniha.

San Lucas 14:27

Benni bittu dhielhana uchíana lo nu satena lo niꞌa quia, attiba ttu benni nuja crusi gueni diana atta ttána lo nua, unnuha nna bittuguaba bi elha ralhana acana nu udheti nu ruleꞌa.

San Lucas 18:1

Jesús utixxiꞌattebanie ca biꞌini rudheti ca tisa guee ttu ejemplu nu uleꞌenna cabi satía innecabi len Tata Do Iyyabaaha, bittu edíl recabi.

San Lucas 21:19

¡Tsitsi gualtseꞌe qui dhale gatta elha naban guele ttu dia lii!

San Lucas 5:5

Simón nna becabibi rábi: —Maestro, betuelaba tsitsiba uyuꞌutu sina, nianna niba ttu belha bittu biaxxuintu. Ttiaca gansi anába rá cuinalu nna udelhaba yexxa-ni.

San Lucas 8:15

Ttiaca ca xua binna lo yu tseeha nna ancaque ca benni nu itú iqui itú lecani rienquinna ca tisa-na, rigúa tseecana nu rá benna lheꞌe lastoocani lhe. Denua nna riseꞌetsitsicana lhe satíaba seꞌecana runcana nu anca tsee lhe.

San Juan 15:21

Iyá unní udhacacan le lo niꞌa quia de ria lele neti, cumu bittu anca biaquinna Benni udhelhe neti.

Romanos 12:12

Gualedaca lele gue nu chi xen lele utee Tata Do Iyyabaaha len lebiꞌi, gualutto gualuchía atti ratele ruyúle elha disa lhe. Tsa bittu udú sile innele len Tata Do Iyyabaaha.

Romanos 16:12

Gualgási biꞌini lá Trifena lenbi biꞌini lá Trifosa padiuxi cuenta quia, lacabi ancacabi benni run sina gue Benni bananie ri-na, anáguaba biꞌini nuila ria le Jesús lá Pérsida, biꞌin-na tsitsiba chi bixuubi lo sina gue Benni bananie ri-na.

Romanos 2:7

Lee nna utee elha nabani gatta ttu dia lii gue ca benni seꞌe ruchía runi nu anca tsee de ridá lecabi cuequi xen Tata Do Iyyabaaha cabi, cumu raca lecabi acacabi benni iyapa respeto lo Ben-na lhe benni aca bani ttu dia lii lhe.

Romanos 8:25

Ttiaca gansi seꞌebari ribedari nu bittu chi uxíri, riꞌi nna len pasensiba tseꞌeri cuedari nua.

1 Corintios 13:7

Benni racani gue ca benni nna ancabi benni satíaba ridí elha xen lasi gue iyába ria lebi lhe iyába xen lebi salía tseena lhe iyába rugo ruchíabi loni lhe.

1 Corintios 16:16

Neti nna raca lasia udá iquile gue ca benni loes ca biꞌin-na, iyába ca benni runi yuda rixuucabi lo sina gue Tata Do Iyyabaaha lhe.

2 Corintios 10:15

Riꞌitu nna läga runtu ttaba gue sina beni attu benni subi, untu attisiba riꞌibatu beni sinaha, tte lo bedátu leni nu chi gaꞌana untu. Delába unnuha nna riꞌitu nna xenba letu lebiꞌi nna coa diabale riaru lele Cristu, aníaguaba dia rixeni sina guetu daca atta seꞌele-na.

2 Corintios 11:23

Gansi rácana ancacana nu requi rixxiꞌa ca tisa gue Cristu, ttiaca netila anca nu ribenru rixxiꞌaru ca tisa gue Ben-na, masquiba rieni rinnea attiba rinne nu raca iquini atti ria aná. Cumu netiba anca nu runrua duelha ribenrua lo sina gue Cristu atti ca unná, ixerguaba libe chi utta lisiyya atti ca unná lhe tsitsirguaba chi utíncana neti lhe ixerguaba libe chi uláya lo elhuttiha lhe

2 Corintios 4:1

Denua nna nuarca bittu redil retu cumu Tata Do Iyyabaaha besiꞌinie riꞌitu betee sina-ni len riꞌitu, tsequitu quixxiꞌatu ca tisa guee-ni.

2 Corintios 4:16

Denuala nna nuarca bittu redil retu, masquiba cuerpu guetu-ni diana ratu leni, ttiaca Espíritu do lhiꞌu lheꞌe lastootu nna ttu ttu sába die ridíe adí fuerza.

2 Corintios 5:9

Larcala nna rudo leri runri nu radi le Benni bananie ri-na laca seꞌeri yies lo yu-ni lhe atti esínri iyyabaaha lhe.

2 Corintios 6:5

atti ritsacana lheꞌetu lhe atti rattatu lisiyya lhe atti risatsa benni rebiꞌa nocana riꞌitu lhe. Ruchíatu lo ca sina tsitsi lhe lo atti rebequitu bisiela lhe lo atti rutte bina lheꞌetu lhe.

Gálatas 6:2

Gualun yuda loesle atti bixa ratele. Cumu atti runle anía nna rudole tisa gue nu beni Cristuha mandadu unle.

Gálatas 6:9

Larcala nna bittu saxxaquinri unri nu anca tsee, cumu gansi bittuba edílreri nna guasiaba sá dhíri nu tsee gue nu runri.

Filipenses 2:16

Tsitsi gualtseꞌe gualuni nu rá ca tisa gue Tata Do Iyyabaaha, ca Ben-na ruteque elha nabani gatta ttu dia lii gueri, qui gansi chi besía Cristuha nna lebiꞌi uni eyoꞌo lasia de yua nna läga cuenta betú besátia güequia beleꞌetia le.

Filipenses 4:3

Anáguaba lu, biꞌini raca umpanieru quia, lu nu bittu rudhá iquilu neti lo sina gue Jesús, rinnaba lenlu unlu yuda ca benni nuila-ni. Ca biꞌin-ni nna tsitsiba guatecabi len neti utixxiꞌatu ca tisa gue Jesús, lencabi Clemente lhe adírba ca biꞌini bencabi neti yuda lhe. Ca biꞌin-ni nna chiba dia lácabi lo libro atta dia lá ca benni gatta elha nabani guecabi ttu dia lii iyyabaaha.

Colosenses 1:11

Rinnabaguatu loe cuequi tsitsie lele leni elha ra xxeni lee guee, qui anáchu nna dhale uchíale lo elha disa daa uyúle, qui bittu saxxaquinle.

1 Tesalonicenses 1:3

Satíaguaba rexxa letu le lo Tata gueri do iyyabaaha gue iyá nu runle cumu ria lele Jesucristu, gue runle ca benni yuda de raquinle guecani lhe gue ruchíale lo nu ratele cumu xen lele Jesucristu Benni bananie ri lhe.

1 Tesalonicenses 2:9

Gua rexxaba lele, lebiꞌi ca benni ria le Jesús attiba riꞌitu, gue gasná guatetu urentu sina rela resába, qui bisela nu utotu. Anía liba nna bittu bi betsitsintu ni ttule laca rixxiꞌentu le ca tisa gue Tata Do Iyyabaaha.

1 Tesalonicenses 5:12

Lebiꞌi ca benni ria le Jesús attiba riꞌitu, rinnabatu lenle tsia lele ca benni runi sina gue Tata Do Iyyabaaha seꞌe len lebiꞌi, ca biꞌin-na ancacabi benni banquinbi le lo neda gue Jesús Benni bananie ri, lacabi rulisacabi le qui bittu unle nu lä anca tsee lhe.

2 Tesalonicenses 3:13

Lebiꞌi ca benni ria le Jesús attiba riꞌitu, bittu saxxaquinle unle nu anca tsee.

2 Tesalonicenses 3:5

Benni bananie ri-na aca lanie le qui acale benni raquin gue benni attiba racani Tata Do Iyyabaaha gueri, acale benni rugo ruchía lo nu ratena lhe attiba Cristu bego bechie lo nu guate.

2 Tesalonicenses 3:8

bittuguaba utotu elha go gue nuxa benni cuentaba nianna bittu utixatu lhe. Nu benlatu nna tsitsiba urentu sina rela resába qui bittu ucatu nu uni ichacha iquile guetu.

1 Timoteo 4:10

Lo niꞌa gue unnuha nna riꞌi nna rateri, chi ruttipa leri lhe cumu ruxxenba leri un Tata Do Iyyabaaha nu chi re. Lee anque benni bani rodilá iyáxea benni seꞌe yies lo yu-ni, lotteba ca benni ria le Jesús rodile qui bittu tsia nnitticabi.

1 Timoteo 5:17

Ca benni teru elha rieni guecabi rinnabia tsee, ralhacabi gapale cabi adí respeto. Adílaba ca biꞌini rixxiꞌa ca tisa-na lhe ca biꞌini ruleꞌena lhe.

Hebreos 10:36

Larcala nna raca duelha acale benni pasensi, qui dequide chi benle nu raca le Tata Do Iyyabaaha, lania nna dhíle nu chi begüee tisa utee len lebiꞌi.

Hebreos 12:1

De ttonáli de re ca benni seꞌe sabiꞌaba ri ruleꞌequinbi ri gaxasná güia lecabi Tata Do Iyyabaaha, larcala riꞌi nna tsa ocaꞌanri iyá nu ruquiꞌa gueri-na, nu lä anca tsee runi tsia nittiri na lhe. Nu unlari nna bittu satú leri, usiguilari tsiari lo neda chi bocaꞌan Tata Do Iyyabaaha gueri.

Hebreos 13:13

Larcala nna anáguaba riꞌi lhe labíaba iríari tsiari sanori Jesús, masquiba sateri udhaca güe benni ri attiba bedhaca güecana Ben-na.

Hebreos 6:10

Cumu Benniha nna anque Benni runi nu anca tsee. Läga ixulhin Ben-na gue nu tsee chi benle, niguaba gue nu runle yuda adí ca benni chi anca gue Ben-na lhe. Atti runle aná nna ruleꞌe lole raquinle gue Tata Do Iyyabaaha, anába diabale runle axta nnanna lhe.

Hebreos 6:12

Bittu raca letu acale nu lea, nu unlale nna gualunla atti beni ca benni bexxen lecabi Tata Do Iyyabaaha. Ca biꞌiniha nna läga bedilrecabi, uledabacabi dhicabi nu chi rá Tata Do Iyyabaaha utee lencabi.

Hebreos 6:15

Larcala nna uledaba Abraham, tsa läga guaxxaquinbi. Anía liba nna uxíbi nu chi rá Tata Do Iyyabaaha utee lenbi.

2 Pedro 1:6

de chi ancale nu te elha rien gueni nna nuarca chi ancale nu ridána rinnabia elha rieni gueni, cumu de chi anca le nu ridána rinnabia elha rieni gueni nna nuarca ancale nu rebesiꞌi leni, cumu de chi ancale nu rebesiꞌi leni nna nuarca ancale nu runi nu anca tsee lo Tata Do Iyyabaaha,

Apocalipsis 1:9

Neti Juan, anca benni ria le Jesús attiba lebiꞌi. Rugo ruchíaya lo elha disa ruyúa attiguaba lebiꞌi de ria leri Jesús, anáguaba ttuba seꞌeri ribedari isía sá innabia Tata Do Iyyabaaha. Níaba doa lo yu nu te láni Patmos re lagüi indattooha atta guacaꞌancana neti lo niꞌa gue de requia rixxiꞌaya ca tisa gue Tata Do Iyyabaaha, de rixxiꞌaya gue nu beni Jesús lhe.

Apocalipsis 3:10

De bedole tisa gue nu benia mandadu unle bego bechíale lo nu guatele, bittu bedhanle ria lele neti lhe denua nna neti nna guapaba le gansi chi bisía sá uyú ca benni seꞌe yies lo yu-ni elha disa qui tsuꞌubiacana.