Apocalipsis 2:2 - Zapoteco de Aloápam

² Neti nna yuxeaba gue iyába nu runle. Gua yuguaba, lebiꞌi nna tsitsiba ratele runle sina gue Tata Do Iyyabaaha, anáguaba gua ruchíabale lo nu ratele lhe. Gua yuguaba nna lebiꞌi nna bittu ruchíale lo nu runi ca nu runi nu lä anca tsee-na. Lebiꞌi nna chi uluꞌubiale ca nu rácana ancacana apóstol gue Tata Do Iyyabaaha, ttiaca läga gualíquinna, biexxubinle cana run lecani.

Apocalipsis 2:2 Iomraidhean Croise

San Mateo 7:23

Ttiaca neti nna lixxaba ecabia guecani upea cana: “Tsa läganu le ancabiatia. ¡Gualbiꞌetta atta dua ni, lebiꞌi, ca nu runi nu lä anca tsee!”

San Juan 6:6

Aníaba re Felipe qui ilánie bittuca inná biꞌiniha, cumu lee nna chiba yue bixa unie.

Gálatas 1:7

Läga gualí te attu tisa subi. Gueba nna seꞌele ca nu rucannacana iquile, rdacacana otsiacana ca tisa rixxiꞌa gue Cristu.

Efesios 4:14

Lania nna bitturu acari attiba unto nu riatteba leni gue bixaba rácan na. De unnuha nna diaru lencan na daca na lhe daru lencan na daca ni lhe leni attu elha rieni subi ruleꞌequinna na, lana nna rixúyiettebana ria leni gue nu bittu anca gualí, nu nnelaba rotsiꞌinu le ca nu güen lasi-na.

1 Tesalonicenses 1:3

Satíaguaba rexxa letu le lo Tata gueri do iyyabaaha gue iyá nu runle cumu ria lele Jesucristu, gue runle ca benni yuda de raquinle guecani lhe gue ruchíale lo nu ratele cumu xen lele Jesucristu Benni bananie ri lhe.

1 Tesalonicenses 5:21

Gualtsatsa niꞌa iyá nu rieninle, suntteba gue nu anca tsee gualudo tisa gualuni.

2 Timoteo 2:19

Ttiaca Tata Do Iyyabaaha nna chiba bocaꞌan tsitsie ca tisa rixxiꞌe gue nu anca gualí runi seꞌe tsitsiri, lee anque attiba ttu cimientu atta dia loni rixxiꞌia rá: “Anca biasani Tata Do Iyyabaaha ca benni anca guee.” Ráguaba: “Iyába ca biꞌini rácabi ancacabi gue Cristu, iriescabi lheꞌe nu lä anca tsee.”

Hebreos 6:10

Cumu Benniha nna anque Benni runi nu anca tsee. Läga ixulhin Ben-na gue nu tsee chi benle, niguaba gue nu runle yuda adí ca benni chi anca gue Ben-na lhe. Atti runle aná nna ruleꞌe lole raquinle gue Tata Do Iyyabaaha, anába diabale runle axta nnanna lhe.

1 Juan 4:1

Ca benni ria le Jesús, racatia guele, bittu tsia lele gue iyá ca nu rácana dequi rixxiꞌacana ca tisa rute Espíritu gue Tata Do Iyyabaaha len lacana. Primer xa gualuni qui ttedeenle gansi gualí quin ca unnuha Espíritu gue Benniha nua yuꞌu lheꞌe lastoocani, cumu ixeru ca nu run lecani chi requi yies lo yu-ni rácana dequi ancacana profeta gue Tata Do Iyyabaaha.

Apocalipsis 2:5

Larcala nna gualodhá lele, galiga unná chi besinle deyyale readi gále lo neda quia. Gualodú xiyyanle nna gualodaxxu neda gue Tata Do Iyyabaaha, gualedú lo gualuni gaxasná benle primeroha. Gansi bittuba odú xiyyanle nna itaba ettettuaya candeleru guele-na atta dona.

Apocalipsis 2:6

Ttiaca te ttu nu reꞌo lasia runle, lebiꞌi nna bittu raca uyúle nu runi ca benni te lácani nicolaítas-na, nu bittuguaba raca uyúa.

Apocalipsis 2:9

Neti nna gua yuba gue iyába nu runle, gue chi ratele ruyúle elha disa lhe gue ancale benni bittubi te gueni lhe ttiaca lo Tata Do Iyyabaaha nna ancale benni te gueni. Gua yuguaba nna ca nu rácana ancacana benni Israel-na, rinne güecana guele. Ca unná nna läga ancacana benni gue Tata Do Iyyabaaha, benni gue nu xxegüihaba anca ca unná.

Apocalipsis 3:1

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Sardis, gus cana: “Aní rá Jesús Benni bananie gasi lo nu anca Espíritu gue Tata Do Iyyabaaha, Benni denie gasi ca beli lhe. Neti nna yuxeaba gue iyába nu runle. Ca benni nna rácana dequi lebiꞌi nna ancale benni yuꞌu elha nabani gueni, ttiaca neti nna yua lebiꞌi nna nu yattiba ancale.

Apocalipsis 3:15

Neti nna yuxeaba gue iyába nu runle. Gua yuba, lebiꞌi nna lä riseꞌe tsitsiguale itú iqui itú lele lo neda gue Tata Do Iyyabaaha, lä readi gaguale ttu tsala lo neda gue Ben-na lhe. ¡Locala ttirca ttu tsala eyadi gále o ttu tsala tseꞌe tsitsile itú iqui itú lele lo neda gue Ben-na!

Apocalipsis 3:8

Neti nna yuxeaba gue iyába nu runle. Gualgüiarga, neti nna chi udhalia puerta guele nu nuttu nu te dhana odheana. Masquiba bittu runle tsitsi de bittu raca ixele, ttiaca bedobale tisa gue nu rpeale, bittuguaba chi bedhea lele lä dhi roꞌole ancabienle neti lhe.