Apocalipsis 2:10 - Zapoteco de Aloápam

¹⁰ Bittu gasinle lo nu satele, cumu nu xxegüiha nna unna udelhacana ttu chupale lisiyya quini tsuꞌubia le, delo tsii (10) ubisa satele uyúle elha disa. Lebiꞌi nna tsitsi gualtseꞌe, masquiba uttican le, neti nna guteba elha nabani gatta ttu dia lii guele, Benniha anque corona utea guele.

Apocalipsis 2:10 Iomraidhean Croise

Santiago 1:12

Carbáru benni dhabi utto uchíabi bittu ixú yiebi unbi nu bittu anca tsee ridá lebi unbi, cumu dequide chi betto bechíabi lo nua nna guaca banbabi ttu dia lii, benniha nua anca corona chi begüee Tata Do Iyyabaaha tisa utee leni ca benni racaquinbi guee.

San Mateo 10:22

Lebiꞌi nna iyába ca benni bitturu aca uyúcan le lo niꞌa quia, ttiaca benni dhana dhu tsitsina lo neda quia axta atti isía sá gattina, unnuha liba lhána, bittu tsia nittina.

1 Pedro 5:4

Aná nna gansi chi besía Jesús Benni anque nu rinnabia xeni anca nu lo gue ca benni ruleꞌeni adí benni nna lebiꞌi nna dhíle ttu nu unna cue xen lhe anca attiba corona gaꞌana tsee bittu iseꞌelona.

San Marcos 13:13

Lebiꞌi nna iyába ca benni bitturu aca uyúcan le lo niꞌa quia, ttiaca benni dhana dhu tsitsina lo neda gue Tata Do Iyyabaaha axta atti isía sá gattina, unnuha liba lhána bittu tsia nittina.

Efesios 6:12

Cumu riꞌi nna läga len ca benni seꞌe yies lo yu-ni ritilhari, len ca nu lo gue ca be xxegüi requi lo bea-na liba unná ritilhari, len ca nu rinnabia gue ca be xxegüi lhe ca nu xxegüi runi mandadu atta raca nu lä anca tsee anca gue yies lo yu-ni.

Apocalipsis 2:9

Neti nna gua yuba gue iyába nu runle, gue chi ratele ruyúle elha disa lhe gue ancale benni bittubi te gueni lhe ttiaca lo Tata Do Iyyabaaha nna ancale benni te gueni. Gua yuguaba nna ca nu rácana ancacana benni Israel-na, rinne güecana guele. Ca unná nna läga ancacana benni gue Tata Do Iyyabaaha, benni gue nu xxegüihaba anca ca unná.

San Mateo 24:13

Ttiaca benni dhana dhu tsitsina lo neda gue Tata Do Iyyabaaha axta atti isía sá gattina, unnuha liba lhána bittu tsia nittina.

1 Pedro 5:8

Gualtseꞌe yanlee, satía gualseꞌe tsee cumu nu xxegüi bittu raca uyún le-na attiba requi besi rutuxxu requina reguilana nuxa gona.

1 Corintios 9:25

Iyába ca nu ritta-na chi reseꞌe tseecana qui quittacana, tsa lärga runcana ni ttu nu unna unnitticana. Lacana runcana aná qui dhacana dhicana ttu corona nu riseꞌe lobana, ttiaca riꞌi nna chi ruttipa leri qui dhíri ttu corona bittu iseꞌe lo.

San Mateo 10:28

Bittu gasinle ca nu utticana lebiꞌi yies lo yu-ni, cumu ca unná sunruba cuerpu guele-na dhacana utticana, ttiaca läga aca utticana alma guele-na. Gualgásini Benni aca guee utseꞌe loe cuerpu guele-na lhe alma guele-na lhe atta lexúaha.

Apocalipsis 13:7

Uxíguana derechu itilhana lenna ca benni gue Tata Do Iyyabaaha, dhana locabi lhe. Uxíguabana derechu acana nu innabia iyáxeaba ca benni seꞌe lheꞌe iyába ca yiesi seꞌe itúba yies lo yu, iyáloba benni lhe ca benni rinne iyáloba tisa lhe.

Efesios 2:2

Anába benle, güequile benle nu lä anca tsee runi ca nu seꞌe yies lo yu-ni. Useꞌebale benle nu rába nu xxegüi rinnabia ca be xxegüi requi lo be-na. Unnuonna rinnabia lheꞌe lastoo ca nu lä rudo tisa gue Tata Do Iyyabaaha.

San Juan 13:2

Atti chi do Jesús len ca biꞌini rudheti ca tisa ruleꞌe go rse nna nu xxegüiha nna chila uxí yiena Judas Iscariote xiꞌini Simón, qui utena Benniha las ná ca nu utticane.

San Juan 12:25

Benni raca xxattinna gue elha nabani te gueni yies lo yu-ni nna unittibana elha nabani ralhana dhína iyyabaaha, benni rerú iqui rerú leni elha nabani te gueni yies lo yu-ni nna aca banba nua ttu dia lii lo Tata do Iyyabaaha.

San Lucas 21:12

’Ttiaca antisla aca iyá unní nna lebiꞌi nna uría lacan le, udaxxucan le qui ichecan le utsá dule lheꞌe ca yoꞌo atta riseꞌeri rudhetiri ca tisa gue Tata Do Iyyabaaha qui uncana elha uxtisi guele, saseꞌecan le lo ca nu rinnabia lhe lo ca uxtisi lhe quixxacan le lisiyya lhe lo niꞌa quia.

San Marcos 8:35

Cumu iyába ca benni rdaca odilá elha nabani guecani yies lo yu-ni, unnittiba elha nabani guecani, iyába ca benni erú iqui erú lecani gatticana lo niꞌa quia lhe lo niꞌa gue ca tisa gue Tata Do Iyyabaaha lhe guadíba ca nua elha nabani gatta ttu tsaba guecani.

Apocalipsis 13:2

Nimala xeni nu beleꞌetia biría lheꞌe indattooha nna ancana attiba ttu besi te láni leopardo. Ca niꞌa nániha nna ancacana attiba niꞌa ná osu, roꞌoni nna ancana attiba roꞌo besi. Nimala xxegüiha nna benna aca nua nu ra tsitsi leni attiba lana, begüeena nua xxila atta ridona rinnabianaha lhe betena derechu len nua qui aca nua nu tsitsiba innabia lhe.

Hechos 21:13

Ttiaca labi nna becabibi rábi: —Bittu unle dhu siꞌi lasia leni nu ribesle na. Neti nna gua duba uxxicacana neti lhe o utticana neti lhe lheꞌe yiesi Jerusalén lo niꞌa gue Jesús Benni bananie ri-na.

Hechos 20:24

Ttiaca neti nna tsa lägabi racatia cadirba bi satea, nigua lä runia cua tseea elha nabani quia-ni qui bittu gattia lhe. Nu runla nna duelhaba runia ruttipa lasia qui eꞌeyua ulhuxa sina betee Jesús Benni Bananie ri-na len neti, delába quixxiꞌaya ca tisa tsee gue nu redá le Tata Do Iyyabaaha rute len riꞌi.

San Juan 13:27

Dequide uto nua ttaxtilaha nna utaꞌatteba nu xxegüiha lheꞌeni. Jesús re na: —Nu chi relelu unlu nna tsala ben nua.

Apocalipsis 2:13

Neti nna gua yuba gue nu runle, gue gaxunna seꞌele lhe. Lebiꞌi nna seꞌele atta du xxila rido nu xxegüiha rinnabiana. Läquiga de unnuha, lebiꞌi nna tsitsiba seꞌele len neti. Läga rudhanle ria lele neti, ni atti betticana Antipas biꞌini uca nu rudo tisa utixxiꞌa ca tisa quia-na. Labi nua betticana lo yu atta seꞌele-na atta rinnabia nu xxegüi-na.

Apocalipsis 13:14

Leni ca milagru begüeelha Tata Do Iyyabaaha na benna lo nimala biría lheꞌe indattooha nna uxí yiena ca benni seꞌe yies lo yu. Lana nna benna mandadu un ca nua ttu mentu anca atti anca nimala biría lheꞌe indattooha nu uca güee iquini leni espada, ttiaca beacabana.

Apocalipsis 17:14

Lacana nna ttilha lencana Benni anca Carneꞌeha, ttiaca dhaba Ben-na locani cumu lee anque Benni bananie ca nu ra xxeni lequinna anque Benni rinnabia gue ca nu rinnabia-na lhe. Dhaba Benni anque Carneꞌe-na locani itupa lenie ca benni seꞌe len lee, ca biꞌin-ni nna tsa bittu rudhancabi ria lecabi Ben-na, ancacabi benni uxi Tata Do Iyyabaaha lhe benni becuee Ben-na lhe.