Apocalipsis 17:3 - Zapoteco de Aloápam

³ Nianna bisíatteba Espíritu gue Tata Do Iyyabaaha uteꞌe lheꞌe cuerpu quia, atti uchetteba ingeliha neti daca lo yu bisiha. Nía beleꞌetia ttu nuila dona cuꞌe ttu nimala xinaa nu guatelaba ancana sia gasi choettuiquini, a tsii sittiquini nna. Itúba cuerpu gue nimalaha nna dia ca tisa rigúa balaꞌana gue Tata Do Iyyabaaha.

Apocalipsis 17:3 Iomraidhean Croise

San Mateo 27:28

Lacana nna uleattebacana ca xo Benniha, atti begucuttebacana Benniha ttu lari xinaa chulha,

Hechos 8:39

Dequide beríacabi lheꞌe indaha nna Espíritu gue Tata Do Iyyabaaha nna bechettebe Felipe. Lania nna lärga nurua biꞌiniha biláni nu Etiopía. Lana nna reꞌolhaba leni deyuꞌuna neda deyyana.

2 Tesalonicenses 2:4

Unnuha nua iríana edú disana lo Tata Do Iyyabaaha, unna dequi lana ancana nu ra xxeni leni delo iyába ca nu rá benni anca diosi lhe ca nu rudú xibicani locani lhe. Unnuha nna eyaxinna tsiana sadhona lheꞌe yotu gue Tata Do Iyyabaaha unna attisiba labana nua anca Dios.

Apocalipsis 1:10

Atti bisía anca sá gue Benni bananie ri-na, Espíritu gue Tata Do Iyyabaaha bisíattebe uyuꞌe itúba lheꞌe cuerpu quia, nianna bienttebatia tsiꞌi ttu benni daca cuꞌela unnee idisa attiba ttu atta riguꞌu tsiꞌi ttu trompeta.

Apocalipsis 12:14

Ttiaca nuilaha nna uxíttebana irupaba ca xxila ttu bedhía xeni qui aca dhuna uxunnina lo nimala xxegüiha, lana nna tsiana lo yu bisi atta chi gaꞌana isínna. Nía gutebacana nu gona delo tsunna ida nalha dhona nía.

Apocalipsis 12:3

Ucaxxeguaba attu senni lo bea-na. Nía biría ttu nimala xxegüi xeni, ancana xinaa, sia gasi iquini, sia tsii sittiquini lhe. Ttuttu ca iquiniha nna todhi ttuttu corona.

Apocalipsis 12:6

Nuilaha nna bexunnittebana diana lo yu bisi, atta chi ancani Tata Do Iyyabaaha dhona. Cumu nía utecana nu gona itúba ttu mil yuꞌu chupa gayua yuꞌu gayuna (1.260) sá.

Apocalipsis 17:18

Nuila bilenlu-na ancana yiesi ra xxeni leni rinnabia ca nu rinnabia seꞌe lheꞌe iyába ca yiesi seꞌe yies lo yu.

Apocalipsis 17:4

Xo nuila do cuꞌe nua nna ancana xinaa leni muradu. Itúba cuerpu gueni nna gaꞌana tsee leni oro lhe perla lhe leni ca iyya raca galha daca yaxi lhe. Las náni nna yuꞌu ttu copa anca leni oro sa tina nu tsiga rixxini benni gue nu satsa benna betesa latini.

Apocalipsis 18:12

Nu ruttoꞌocana ancana: oro lhe plata lhe ca iyya daca yaxi lhe perla lhe lari tsee nu te láni lino lhe lari seda nu anca muradu lhe xinaa lhe iyáloguaba ca yaga rure xixxi lhe iyáloba nu anca leni sitta te láni marfil lhe nu anca leni ca yaga tsee daca yaxi lhe nu anca leni iyya te láni bronce lhe nu anca leni iyya lhe nu anca leni iyya raca galha te láni mármol lhe.

Apocalipsis 18:16

Nianna innácana: ¡Carusiꞌiru yiesi ra xxeni leniha! ¡Gualichiaru le yiesi rucu lari tsee te láni lino, nu rucu lari muraduha lhe lari xinaa lhe nu gaꞌana tsee cuerpu gueni leni oro lhe perla lhe leni ca iyya raca la daca yaxi lhe!

Apocalipsis 21:10

Nianna Espíritu gue Tata Do Iyyabaaha nna uyuꞌuttebe itúba lheꞌe cuerpu quia, atti uchetteba ingeliha neti iqui ttu iꞌiya xeni yadha. Nía beleꞌenbi neti Jerusalén, yiesi xeni anca leꞌa gue Tata Do Iyyabaaha biríe atta do Benniha dee guadie.

Apocalipsis 4:2

Laniatteba nna bisía Espíritu gue Tata Do Iyyabaaha uyuꞌe lheꞌe itúba cuerpu quia. Neti nna beleꞌettebatia ttu xxila du iyyabaaha, lo nua nna do ttu Benni rinnabia.