Apocalipsis 17:2 - Zapoteco de Aloápam

² Ca nu rinnabia gue yies lo yu-ni nna betsá roꞌocani nuila rutesa latin-na. Ca benni seꞌe yies lo yu nna biyieticana nu satsa runi unná, lacana nna bedhá iquicani Tata Do iyyabaaha qui bedú xibicani lo ca nu bittu gualí anca diosi. Attisiba vinu gue nu requi satsa unnába nua uꞌuyacana.

Apocalipsis 17:2 Iomraidhean Croise

San Juan 2:10

Nianna rána unnuha: —Iyába ca benni runi loesi laní-ni nna deꞌaxa vinu anca tseeruha rudácana. Dequide liba chi belin ca nu dia laníha uꞌuyacana vinu, lania liba rudácana vinu bittu tte anca tseeha. Ttiaca lu nna nnanna liba chi rudábalu vinu tsee.

Apocalipsis 14:8

Nu berupa ingeliha nna denottebabi rábi: ―¡Chi biseꞌe lo yiesi Babilonia! ¡Chi uluxa yiesi nu ra xxeni leniha! Anába te guatena cumu ca benni gueni beni biyieti iyáxeaba ca benni seꞌe lheꞌe ca yiesi seꞌe itúba yies lo yu nu satsa runna. Lana beni bedhá iqui ca benni Tata Do Iyyabaaha qui bedú xibicani lo ca nu bittu gualí anca diosi.

Apocalipsis 17:13

Iyába tsii ca nu innabiha nna ttuba eseꞌecana oquinna iquicani utecana nu ra tsitsi le guecani lhe derechu te guecani rinnabiacana lhe las ná nimala xeniha.

Apocalipsis 17:17

Tata Do Iyyabaaha nna chiba benie qui uncana nu raca lee uncana. Lacana nna ttuba eseꞌecana oquinna iquicani qui utecana leni nimalaha itúba derechu te guecani rinnabiacana, axta liba sadona gue nu chi gaꞌanani Tata Do Iyyabaaha aca.

Apocalipsis 17:5

Lo xeani nna dia ttu lá nu bittu yu benni bixa dia leni. Aní rá nu dia lo xea nua: Babilonia ra xxeni leni, nan gue ca nuila requi rutesa laticani lhe nan gue iyá nu tsiga rixxini benni raca yies lo yu-ni lhe.

Apocalipsis 17:8

Nimala xinaa bilenlu-na, lana nua udo ttuha, nnanna nna lärga nuna do, ttiaca chi tte deoba eríana lheꞌe belea nu anca chulha lheꞌeniha, qui lenla nna tsiana atta tsaba inittina. Ca benni seꞌe yies lo yu bittu dia lácani lo libro atta dia lá ca benni gatta elha nabani guecani ttu dia liiba desdeba atti deobali cue yies lo yu, lacana nna tsitsiba ebanquinna gansi chi biláquinna eyacaxxe nimala udo ttuha, nu nnanna nna lärga nuna do.

Apocalipsis 18:23

Ni ttu gui bitturu udani lo ca neda guelha, lä iyienruguaba edacacani ca nu utsá nácani lhe cumu ca nu ruttoꞌo gueluhaba uca ca nu ra xxeni leni gue yies lo yu-ni, lu nna uxí yielu iyába ca benni seꞌe lheꞌe ca yies seꞌe itúba yies lo yu leni elha güesaa guelu.

Apocalipsis 18:3

Cumu lo niꞌa gue yiesiha biyieti iyáxeaba ca benni seꞌe lheꞌe ca yiesi seꞌe itúba yies lo yu nu satsa runna leni nu subi subi, attisiba len vinuba nua udusiquinna. Ca nu rinnabia seꞌe yies lo yu-ni nna betsá roꞌocani unná, bencana nu satsa lenna lhe ca nu ruttoꞌo seꞌe yies lo yu-ni nna chi ucacana nu te xxatta gueni de uyoꞌo yiesi-na iyába nu ridá leni ruttoꞌocana.

Apocalipsis 18:9

Ca nu rinnabia seꞌe yies lo yu nna betsá roꞌocani unná, bencana nu satsa lenna lhe bedí baacana leni unná nu te gueni lhe lacana nna elenquinna lhe cuescana lhe gueni gansi chi biláquinna radha seni gueni ritena lo gui.

Apocalipsis 2:22

Lo niꞌa gue unnuha nna unia gani Jezabel-na gattana lo taꞌa isá. Ca nu runi nu satsa runi unná nna utea ttu elha disa lä tsuꞌubia guecani gansi bittuba odú xiyyancana udhancana uncana nu runi nuila-na.

Apocalipsis 3:10

De bedole tisa gue nu benia mandadu unle bego bechíale lo nu guatele, bittu bedhanle ria lele neti lhe denua nna neti nna guapaba le gansi chi bisía sá uyú ca benni seꞌe yies lo yu-ni elha disa qui tsuꞌubiacana.

Apocalipsis 9:21

Bittuguaba bedhancana utticana benni lhe uncana gue güesaa lhe lä bedú siguabacana rutsá roꞌocani nutti nuttiba lhe lä bedú siguabacana runcana ubana lhe.