Apocalipsis 16:4 - Zapoteco de Aloápam

⁴ Ingeli beyonnaha nna belalittebabi nu taꞌa lheꞌe copa denbiha lheꞌe ca yoo-na, ca roꞌo dina atta riyaa ca inda-na lhe nianna beacatteba ca inda-na reni.

Apocalipsis 16:4 Iomraidhean Croise

Apocalipsis 16:5

Neti nna bientia unnee ingeli banani inda-na rábi: Lu, Tata Do Iyyabaaha Benni nari do riesi, Benni ttu dola lhe Benni do nnanna lhe lhixxaba runlu elha uxtisi atti ridhelhalu ca elha disa-ni yies lo yu.

Apocalipsis 14:7

Ingeliha nna rinnebi idisa rábi: ―Gualgapa Tata Do Iyyabaaha respeto, gualcuequi xeni lee lhe cumu chi bisía sá unie elha uxtisi. Gualudú xibile lo Benni benie iyyabaaha lhe yies lo yu lhe indattoo-na lhe ca roꞌo dina atta riyaa inda lhe.

Apocalipsis 11:6

Ca biꞌin-ni nna ancacabi nu ra xxeni leni. Lacabi nna guacaba guecabi ottocabi lo bea-na qui bittu aca iyya ittúttuba atti tsequicabi quixxiꞌacabi gue Tata Do Iyyabaaha. Dhaguabacabi eyoncabi inda-na reni lhe utecabi ixe loba elha disa gue iyába nu seꞌe yies lo yu lhe balhaxaba libe raca lecabi.