Apocalipsis 16:3 - Zapoteco de Aloápam

³ Ingeli berupaha nna belalittebabi nu taꞌa lheꞌe copa denbiha lo indattoo-na. Indattoo-na nna beacattebana attiba reni gue ttu nu betticana. Lania nna iyába ca nu bani yuꞌu lheꞌeni utti.

Apocalipsis 16:3 Iomraidhean Croise

Hechos 2:41

Anioca nuarca ca benni güia lecabi gue ca tisa unne Pedro nna udittebacabi inda. La sátteba bisela attiba tsunna mili ca benni cubi leni ca benni chi ria le Jesús.

Apocalipsis 10:2

Las nábi nna yuꞌu ttu sitsi güexxa du yali loni. Niꞌa derechu guebi nna bedúbi lo indattoo-na, niꞌa rabesa guebi nna bedúbi lo yu.

Apocalipsis 11:6

Ca biꞌin-ni nna ancacabi nu ra xxeni leni. Lacabi nna guacaba guecabi ottocabi lo bea-na qui bittu aca iyya ittúttuba atti tsequicabi quixxiꞌacabi gue Tata Do Iyyabaaha. Dhaguabacabi eyoncabi inda-na reni lhe utecabi ixe loba elha disa gue iyába nu seꞌe yies lo yu lhe balhaxaba libe raca lecabi.

Apocalipsis 13:1

Neti nna udútteba lo yuxi re roꞌo indattooha. Nianna beleꞌetia biría lheꞌe indattooha ttu nimala xeni sia gasi chuettuiquini, a tsii sittiquini lhe. Iqui ttuttu ca sittiquiniha nna yuꞌu ttuttu corona. Lo xea ca choettuiquiniha nna dia ca tisa rinne güecana gue Tata Do Iyyabaaha.