Apocalipsis 16:1 - Zapoteco de Aloápam

¹ Neti nna bientia tsiꞌi ttu Benni unnee idisa lhiꞌu lheꞌe yotu, re gasi ca ingeliha: ―Gualtsia nna gualsalali nu risaꞌa iqui gue Tata Do Iyyabaaha taꞌa lheꞌe gasi ca copa denle-na yies lo yu.

Apocalipsis 16:1 Iomraidhean Croise

Apocalipsis 15:1

Beleꞌeguabatia iyyabaaha attu senni xeni nu rebaninri atti rilenri na. Lheꞌe nu beleꞌetia nna bilátia gasi ingeli dencabi gasi lo elha disa daa uyú ca benni. Bedá ca elha disa-ni ute Tata Do Iyyabaaha leni ca benni qui lhuxa nu risaꞌanie.

Apocalipsis 16:17

Nu bedaꞌa gasi ingeliha nna belalittebabi nu taꞌa lheꞌe copa denbiha lo be. Nianna bieni tsiꞌi ttu benni unnee idisa lhiꞌu lheꞌe yotu do iyyabaaha daca atta du xxila do Benni rinnabiha. Benniha nna re: ―Chi uluxa iyá.

Apocalipsis 14:18

Atta do becoaha nna biría attu ingeli banani gui. Biꞌin-ni nna unnebi idisa belisabi ingeli deni iyyarsela ria roꞌoniha rábi biꞌiniha: ―Bedaxxu iyyarsela ria roꞌoni guelha nna uchú ca resimu nalha lo ca ya besuli daa yies lo yu, cumu chiba ancacana ya.

Apocalipsis 14:15

Lheꞌe yotu do iyyabaaha nna biría attu ingeli ribesiꞌenbi idisaru benni do lo bea sitsiha, rábi benniha: ―Begaꞌa iyyarsela guelha lheꞌe xua xuxtila-na, chinca bedí Ben-na, cumu chiba bisía ura erú Ben-na. Lena bani te yies lo yu nna chiba ubisi ben-na.

Apocalipsis 11:19

Nianna bealitteba yotu gue Tata Benni Do Iyyabaaha. Lheꞌe yotuha bilá xua iꞌina atta yuꞌu ca sitsi atta dia ca tisa bodhaꞌan tsitsie leni ca benni Israel. Lania nna gopitteba edha, uyuꞌu be lhe utsá lhe bixú lhe urexxatta iyya lhe.