Apocalipsis 15:3 - Zapoteco de Aloápam

³ Nianna rulhacabi cantu bilha Moisés biꞌini bixuu lo sina gue Tata Do Iyyabaaha, cantu bilha Benni anque Carneꞌeha lhe rácabi: Xxeniba anca ca nu runlu, tsitsiba rebanintu atti rilentu cana xa Tata Do Iyyabaa Benni ra tsitsi leni, Lu ancalu Benni rinnabia ca benni seꞌe lheꞌe ca yiesi seꞌe yies lo yu, ancalu Benni runi nu anca lhixxa lhe nu anca gualí lhe.

Apocalipsis 15:3 Iomraidhean Croise

San Juan 1:17

Cumu ca ley gue Tata Do Iyyabaaha nna Moisésba betebi Benniha len riꞌi. Ttiaca elha siꞌi le gue Tata Do Iyyabaaha lhe nu anca gualí lhe, Jesús Benni anque Cristu beleꞌe loe Ben-na len riꞌi.

1 Timoteo 1:17

Larcala nna satíaba rári: “Xxeni ra lelu, Tata Do Iyyabaa Benni rinnabia ttu dia lii. Lä gattiguabalu lhe lä riláguabani ca benni lu lhe. Tturbalu do ancalu Tata Do Iyyabaa, yulu iyárecha lhe.” Amén.

Hebreos 3:5

Moisés ucabi benni bixuu lo sina gue Tata Do Iyyabaaha, labi nna tsitsiba bedobi tisa, biyúbi ca benni gue Ben-na, labi nna sunruba ucabi ttu benni bixuu qui utixxiꞌenbi ca benni gue nu inná Tata Do Iyyabaaha.

Apocalipsis 1:8

“Neti anca Benni du atti udulo lhe Benni du atti lhuxa lhe attiba letra A lenna letra Z”, aná rá Tata Do Iyyabaaha Benni bananie ri. Lee anque Benni do nnanna Benni ttu dola lhe Benni dho tiempu chi daba lhe anque Benni raxxatta tsitsi lee lhe.

Apocalipsis 11:17

atti rácabi: Xquixabalu xa Benni bananie riꞌitu, lu ancalu Tata Do Iyyabaa Benni ra tsitsi lelu. Ancalu Benni ttu dola lhe benni do nnanna lhe. Lu nna chiba bedí ladilu qui acalu nu rinnabia ra tsitsi leni, chiba udú lolu rinnabialu lhe.

Apocalipsis 14:3

Lacabi rulhacabi ttu cantu cubi lo atta du xxila do Benni rinnabiaha, lo ttapa ca nu baniha lhe lo ca benniolaha lhe. Tsa läganu te aca gueni cantuha. Sunruba ttu gayua yuꞌu chua yuꞌu ttapa mil (144.000) ca benni bodilá Tata Do Iyyabaaha atta seꞌe ca benni seꞌe yies lo yu, raca guecabi cantuha.

Apocalipsis 14:8

Nu berupa ingeliha nna denottebabi rábi: ―¡Chi biseꞌe lo yiesi Babilonia! ¡Chi uluxa yiesi nu ra xxeni leniha! Anába te guatena cumu ca benni gueni beni biyieti iyáxeaba ca benni seꞌe lheꞌe ca yiesi seꞌe itúba yies lo yu nu satsa runna. Lana beni bedhá iqui ca benni Tata Do Iyyabaaha qui bedú xibicani lo ca nu bittu gualí anca diosi.

Apocalipsis 17:14

Lacana nna ttilha lencana Benni anca Carneꞌeha, ttiaca dhaba Ben-na locani cumu lee anque Benni bananie ca nu ra xxeni lequinna anque Benni rinnabia gue ca nu rinnabia-na lhe. Dhaba Benni anque Carneꞌe-na locani itupa lenie ca benni seꞌe len lee, ca biꞌin-ni nna tsa bittu rudhancabi ria lecabi Ben-na, ancacabi benni uxi Tata Do Iyyabaaha lhe benni becuee Ben-na lhe.

Apocalipsis 19:16

Lo lari nucu Benniha lhe lo xiche lhe dia lee, nu rá aní: “Benni rinnabia gue ca nu rinnabia-na; Benni banani ca nu ra xxeni lequinna lhe.”

Apocalipsis 19:2

cumu lu ancalu Benni runi elha uxtisi lhixxa gue ca benni, gue nu anca gualí lhe. Lu nna chiba benlu elha uxtisi gue nuila requi rutesa latiniha, nu ancana yiesi ra xxeni leniha, qui cuꞌu quixa gueni. Lana benna güia nitti ca benni seꞌe yies lo yu leni nu satsa benna. Tata Do Iyyabaaha nna chi bequixe na gue elhutti gue ca benni bixuu lo sina guee, bettina.

Apocalipsis 4:8

Coa ttuttuba ca nu baniha nna sia xxupa xxilacani. Itúba lo cuꞌe ca xxilacaniha nna sia ca iyya lo. Rela resába nna tsa bittu redí lecani rácana: ¡Tata Do Iyyabaa, Benni bananie riꞌitu. ¡Lu ancalu Benni nari do riesi! ¡Lu ancalu Benni nari do riesi! ¡Benni nari do riesi ancalu, xa Tata Do Iyyabaa benni raxxatta tsitsi lee! ¡Lu ancalu benni dolu nnanna lhe benni ttu dola lhe benni dho tiempu chi daba lhe!