Apocalipsis 13:1 - Zapoteco de Aloápam

¹ Neti nna udútteba lo yuxi re roꞌo indattooha. Nianna beleꞌetia biría lheꞌe indattooha ttu nimala xeni sia gasi chuettuiquini, a tsii sittiquini lhe. Iqui ttuttu ca sittiquiniha nna yuꞌu ttuttu corona. Lo xea ca choettuiquiniha nna dia ca tisa rinne güecana gue Tata Do Iyyabaaha.

Apocalipsis 13:1 Iomraidhean Croise

Apocalipsis 11:7

Ttiaca gansi chi uluxa guecabi utixxiꞌacabi nna nimala xeni nu guatelaba ancana iría lheꞌe belea chulhaha nna ttilha lena cabi. Unnuha nna dhaba nua locabi, nianna utti nua cabi.

Apocalipsis 12:3

Ucaxxeguaba attu senni lo bea-na. Nía biría ttu nimala xxegüi xeni, ancana xinaa, sia gasi iquini, sia tsii sittiquini lhe. Ttuttu ca iquiniha nna todhi ttuttu corona.

Apocalipsis 13:11

Dequide unnuha nna beleꞌetia a ttu nimala xeni nu guatelaba ancana biríana lhiꞌu yu. Unnuha nna sia chupa sittiquini ancacana attiba sittiqui carneꞌe, ttiaca tsiꞌini nna rienina attiba rieni tsiꞌi ttu nimala xxegüi.

Apocalipsis 13:14

Leni ca milagru begüeelha Tata Do Iyyabaaha na benna lo nimala biría lheꞌe indattooha nna uxí yiena ca benni seꞌe yies lo yu. Lana nna benna mandadu un ca nua ttu mentu anca atti anca nimala biría lheꞌe indattooha nu uca güee iquini leni espada, ttiaca beacabana.

Apocalipsis 13:15

Begüelhaguaba Tata Do Iyyabaaha nimala biría lhiꞌu yuha unna qui eyaca mentu anca attiba nimala biría lheꞌe indattooha nu bani, qui innee mentuha lhe unna gatti iyába ca nu bittu udú xibicani loni lhe.

Apocalipsis 15:2

Beleꞌeguabatia ttu indattoo ancana attiba iyya guana selana gui. Roꞌo indattooha nna beleꞌetia seꞌe ca benni udácabi lo nimala biría lheꞌe indattooha, lo mentu anca attiba unnuha lhe lacabi nua bittu unnácabi tsia númeru gue lá nua lhe senni gue nua lhe cuerpu guecabi. Ca biꞌiniha nna dencabi ca arpa bete Tata Do Iyyabaaha len lacabi.

Apocalipsis 16:13

Nianna beleꞌetia tsunna ca be satsa ancacana attiba culhusu biría roꞌo nimala xxegüiha, roꞌo nimala biría lheꞌe indattooha lhe roꞌo nimala biría lhiꞌu yuha nu ridí yiena ca benni len nu rinnenaha lhe.

Apocalipsis 17:16

Iyába tsii sittiqui bilenlu-na lencana nimala-na bittu aca uyúcana nuila requi rutesa latin-na, lacana nna tsaba uttuntucan na, a suna anába udúcan na, gocana bela gueni lhe uttecan na lo gui lhe.

Apocalipsis 17:3

Nianna bisíatteba Espíritu gue Tata Do Iyyabaaha uteꞌe lheꞌe cuerpu quia, atti uchetteba ingeliha neti daca lo yu bisiha. Nía beleꞌetia ttu nuila dona cuꞌe ttu nimala xinaa nu guatelaba ancana sia gasi choettuiquini, a tsii sittiquini nna. Itúba cuerpu gue nimalaha nna dia ca tisa rigúa balaꞌana gue Tata Do Iyyabaaha.

Apocalipsis 17:5

Lo xeani nna dia ttu lá nu bittu yu benni bixa dia leni. Aní rá nu dia lo xea nua: Babilonia ra xxeni leni, nan gue ca nuila requi rutesa laticani lhe nan gue iyá nu tsiga rixxini benni raca yies lo yu-ni lhe.

Apocalipsis 19:19

Neti nna beleꞌetia nimala nu guatelaba ancana biría lheꞌe indattooha, ca nu rinnabia gue yies lo yu lencana ca soldado guecaniha lhe. Iyábacana ttuba chi beseꞌecana qui ttilha lencana Benni do cuꞌe coayu sitsiha lenie ca soldado guee.