Apocalipsis 12:4 - Zapoteco de Aloápam

⁴ Leni xubanniha nna ure naꞌayana a saroꞌoba la uca yaba salhe ca beli sia lo bea-na, atti bedelhan cana lo yu. Nimala xxegüiha nna udúttebana lo nuila cuꞌu xiꞌinniha qui gona xiꞌini nua cuantusi galna.

Apocalipsis 12:4 Iomraidhean Croise

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

1 Pedro 5:8

Gualtseꞌe yanlee, satía gualseꞌe tsee cumu nu xxegüi bittu raca uyún le-na attiba requi besi rutuxxu requina reguilana nuxa gona.

Apocalipsis 12:7

Lenla nna ucatteba ttu utilha iyyabaaha. Ingeli anca nu lo lá Miguel lenbi ca ingeli guebiha nna bitilhatteba lencabi nimala xxegüiha. Nimala xxegüiha lenna ca ingeli gueniha nna bitilha lencana Miguel,

Apocalipsis 12:9

Larcala nna uleaque nimala xxegüiha nía. Unnuha nua anca belha do axta ttuali, nu teeguaba láni nu xxegüi lhe Satanás lhe nu ridí yie iyába ca benni seꞌe yies lo yu. Lana lenna ca ingeli gueniha nna biruꞌunabacana yies lo yu.

Apocalipsis 13:2

Nimala xeni nu beleꞌetia biría lheꞌe indattooha nna ancana attiba ttu besi te láni leopardo. Ca niꞌa nániha nna ancacana attiba niꞌa ná osu, roꞌoni nna ancana attiba roꞌo besi. Nimala xxegüiha nna benna aca nua nu ra tsitsi leni attiba lana, begüeena nua xxila atta ridona rinnabianaha lhe betena derechu len nua qui aca nua nu tsitsiba innabia lhe.

Apocalipsis 13:4

Ca benni nna bedútteba xibicani lo nimala xxegüiha de bete nua derechu leni nimala biría lheꞌe indattooha qui uca nua nu innabia, bedúguaba xibicani lo nimala biría lheꞌe indattooha lhe. Nianna rácana: ―Lärga nurua attu nimala do raru xxeni leni atti ra xxeni lee nimala biría lheꞌe indattoo-na, nuttuguaba nu te dhana loni lhe.

Apocalipsis 16:13

Nianna beleꞌetia tsunna ca be satsa ancacana attiba culhusu biría roꞌo nimala xxegüiha, roꞌo nimala biría lheꞌe indattooha lhe roꞌo nimala biría lhiꞌu yuha nu ridí yiena ca benni len nu rinnenaha lhe.

Apocalipsis 17:18

Nuila bilenlu-na ancana yiesi ra xxeni leni rinnabia ca nu rinnabia seꞌe lheꞌe iyába ca yiesi seꞌe yies lo yu.

Apocalipsis 20:2

Ingeliha nna bedaxxubi nimala xxegüiha, delába belha nu do axta ttua li nu te láni nu xxegüi lhe Satanás lhe bexxicabi na ttu mil ida.

Apocalipsis 8:10

Atti becuesi ingeli beyonnaha trompeta denbiha nna biríatteba ttu beli xxeni lo bea-na attiba ralha ttu yanalha gui. A saroꞌoba la uca yaba salhe ca yoo-na lhe ca atta sia ca roꞌo dina-na lhe binnana.

Apocalipsis 8:11

Beliha nna te láni Nu Ilhá. A saroꞌoba lä uca yaba salhe ca inda te yies lo yu beacacana ilhá. Ixeru benni utti lo niꞌa gue de uꞌuyacana inda beaca ilháha.

Apocalipsis 8:12

Atti becuesi ingeli betapaha trompeta denbiha nna a saroꞌoba la uca rulha gue tatubisa-na lhe nanto beo-na lhe bechulha locani, a saroꞌoguaba la uca yaba salhe ca beli-na lhe bitturu bedáni. Larcala nna a saroꞌoba la uca rulha gue nu anca resá-na bechulha, aníaguaba rela-na lhe.

Apocalipsis 8:7

Atti becuesi ingeli primeroha trompeta denbiha nna biyinnatteba iyya leni gui selana reni yies lo yu. A saroꞌoba la uca yaba salhe gue yies lo yu bettecana, anáguaba a saroꞌoba la uca salhe ca yaga lhe ixxi gaꞌa lhe bite.

Apocalipsis 8:8

Atti becuesi ingeli berupaha trompeta denbiha nna biyinnatteba ttu nu anca attiba ttu iꞌiya ritena lo indattoo-na. Lania nna a saroꞌoba la uca yaba rulha indattoo-na beacana reni.

Apocalipsis 8:9

A saroꞌoguaba lä uca yaba salhe iyába nu bani yuꞌu lheꞌe indattoo-na utti lhe a saroꞌoguaba la uca yaba salhe ca barco dia lo indattoo-na biseꞌe lo lhe.

Apocalipsis 9:10

Doguaba xubancani attiba do xubana lacrana. Lo xubancaniha nna do xlhutsacani. Leni unnuha uttecana ca benni elha disa delo gayu beo.

Apocalipsis 9:19

Cumu roꞌo ca coayuha leni lo xubancaniha do fuerza guecani, leni ca unnuha rutticana benni. Ca xubancaniha nna ancacana attiba belha. Leni iqui ca belhaha nna ro yaꞌacana ca benni.